ପ୍ରମୁଖ ଖବର
  • ସାଲେପୁର : ବିପୁଳ ପରିମାଣର ଚୋରା ବିଦେଶୀ ମଦ ଜବତ, ବେପାରୀ ଫେରାର
  • ||
  • ଚାନ୍ଦବାଲିରୁ ଶାହାଙ୍କ ହୁଙ୍କାର । ଚିଟଫଣ୍ଡ ଦୁର୍ନୀତିଖୋରଙ୍କୁ ଜେଲ ପଠାଇବୁ, ଓଡ଼ିଶାରେ ଡବଲ ଇଞ୍ଜିନ ସରକାର ଗଢିବୁ
  • ||
  • ବାଣୀବିହାର ସତସଙ୍ଗ ପାର୍କ ଆଗରେ ପୋଲିସ ଗାଡ଼ି ଦୁର୍ଘଟଣା, ୭ ଆହତ
  • ||
  • ମିଜୋରାମରେ ପ୍ରବଳ ବର୍ଷା ଯୋଗୁ ଭୁଷୁଡିଲା ପଥର ଖଦାନ, ୧୦ ଶ୍ରମିକ ଚାଲିଗଲା ଜୀବନ, ଏକାଧିକ ଆହତ
  • ||
  • ଇଣ୍ଡିଗୋ ବିମାନରେ ବୋମା ଆତଙ୍କ,ଏମର୍ଜେନ୍ସି ଡୋର ଦେଇ ବାହାରିଲେ ଯାତ୍ରୀ
  • ||
  • ମୁମ୍ବାଇ ବିମାନବନ୍ଦର, ତାଜ ହୋଟେଲ ଉଡ଼ାଇବାକୁ ଧମକ, ଉତ୍ତରପ୍ରଦେଶରୁ ଆସିଥିଲା କଲ୍
  • ||
  • ଉପକୂଳରେ ଜୋରଦାର ପ୍ରଚାର, ମଙ୍ଗଳବାର ବାଲେଶ୍ବରରେ କାର୍ତ୍ତିକ୍ ପାଣ୍ଡିଆନଙ୍କ ଶକ୍ତି ପ୍ରଦର୍ଶନ
  • ||
  • ଆମେରିକାରେ ଘୂର୍ଣ୍ଣିଝଡ଼ ରଚିଲା ତାଣ୍ଡବ, ୨୨ ମୃତ,ଶତାଧିକ ଆହତ, ୧୦ କୋଟି ଲୋକ ପ୍ରଭାବିତ
  • ||
  • ରଥଖଳା ହାଲ୍‌ଚାଲ୍‌...ବୁଧବାର ରଥ ତ୍ରୟର ଚକ-ଅଖ ଡ଼େରା ନୀତି, ଚକକୁ ସୁରକ୍ଷା ଦିଏ ପନ୍ଦାରି ଚାବି
  • ||
  • କଟକ ଚାନ୍ଦବାଲି ରାସ୍ତାରେ OSRTC ବସ୍-ସ୍କୁଟି ମୁହାଁମୁହିଁ ଧକ୍କା, ଆଖିବୁଜିଲେ ଜଣେ ମହିଳା
  • ||
  • ମେ’ ୩୧ ସୁଦ୍ଧା କେରଳ ଛୁଇଁବ ମୌସୁମୀ: ଦେଶରେ ଅଧିକ ବର୍ଷିବ, ଓଡ଼ିଶାରେ ନିଅଣ୍ଟିଆ ବର୍ଷା ଆକଳନ
  • ||

ଆଇପିଏଲ ୨୦୨୪ : ପଞ୍ଜାବକୁ ମାତ୍ ଦେଲା ବେଙ୍ଗାଲୁରୁ

ଧର୍ମଶାଳା : ପଞ୍ଜାବକୁ ମାତ୍‌ ଦେଲା ବେଙ୍ଗାଲୁରୁ। ୨୪୨ ରନ୍‌ର ଟାର୍ଗେଟ୍‌କୁ ପିଛା କରି ୧୮୧ ରନ୍‌ରେ ରହିଗଲା ପଞ୍ଜାବ କିଙ୍ଗସ୍‌। ୧୭ ଓଭରରେ ସମସ୍ତ ୱିକେଟ ହରାଇ କଲା ୧୮୧ ରନ୍‌ । ଆଜିର ଏହି ଚିତାକର୍ଷକ ଖେଳରେ ୬୦ରନ୍‌ରେ ମ୍ୟାଚକୁ ହାତେଇଲା ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ। ଉକ୍ତ ମ୍ୟାଚରେ ବିରାଟ କୋହଲି ଦମଦାର ପାଳି ଖେଳିଥିଲେ , ଯାହା ଦ୍ୱାରା ଆରିସିବି ଉକ୍ତ ମୁକାବିଲାକୁ ନିଜ ନାଁରେ କରି ପାରିଲା। ଏହି ପରାଜୟ ସହ ପଞ୍ଜାବ କିଙ୍ଗସ ପ୍ଲେଅଫ୍‌ର ରେସ୍‌ରୁ ବାହାର ହୋଇଗଲା । 

ଆଇପିଏଲ୍‌ ୨୦୨୪ ସିଜନରେ ପଞ୍ଜାବ କିଙ୍ଗସ୍‌ ( ପିବିକେଏସ) ଓ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି)ମୁହାଁମୁହିଁ ହୋଇଥିଲେ। ଏହି ମ୍ୟାଚ୍‌ ଧର୍ମଶାଳାର ଏଚପିସିଏ ଷ୍ଟାଡିୟମରେ ଖେଳା ଯାଇଥିଲା, ଯେଉଁଥିରେ ପଞ୍ଜାବର ଅଧିନାୟକ ସାମ୍ କରନ୍‌ ଟସ୍‌ ଜିତି ପ୍ରଥମେ ବୋଲିଂର ନିଷ୍ପତ୍ତି ନେଇଥିଲେ। ଜବାବରେ ଆରସିବି , ପଞ୍ଜାବ କିଙ୍ଗସ୍‌ ପାଇଁ  ୨୪୨ ରନ୍‌ର ଟାର୍ଗେଟ୍‌ ସେଟ୍‌ କରିଥିଲା 

ଆଇପିଏଲ ୨୦୨୪ : ପଞ୍ଜାବ କିଙ୍ଗସକୁ ୨୪୨ ରନ୍‌ର ଟାର୍ଗେଟ୍‌ ଦେଲା ଆରସିବି

ମ୍ୟାଚ୍‌ରେ ଟସ୍‌ ହାରି ପ୍ରଥମେ ବ୍ୟାଟିଂ କରି ଆରସିବି ୭ ୱିକେଟ ହରାଇ ୨୪୧ ରନ୍‌ କରି ଥିଲା। ୧୦ ଓଭର ପରେ ବର୍ଷା ଯୋଗୁଁ ପଡ଼ିଆରେ କୁଆପଥର ବର୍ଷିଥିଲା। ହେଲେ କିଛି ସମୟର ବିରାମ ପରେ ମ୍ୟାଚ୍‌ ପୁଣି ଆରମ୍ଭ ହୋଇଥିଲା। ଏହାପରେ ବିରାଟ କୋହଲିଙ୍କର ବ୍ୟାଟ୍‌ ଗର୍ଜି ଥିଲା ଏବଂ ସେ ଆକ୍ରାମକ ଅନ୍ଦାଜରେ ୪୭ଟି ବଲ୍‌ରେ ୯୨ରନ୍‌ର ପାଳି ଖେଳିଥିଲେ।

ଏହି ସମୟରେ ୬ଟି ଛକ୍କା ଓ ୭ଟି ଚୌକା ବର୍ଷା ହୋଇଥିଲା । ଏହା ବ୍ୟତୀତ ରଜତ ପାଟିଦାର ୨୩ଟି ବଲରେ ୫୫ ରନ୍‌ କରିଥିଲେ। ଶେଷରେ କ୍ୟାମରନ୍‌ ଗ୍ରୀନ୍‌ ୨୭ଟି ବଲ୍‌ରେ ୪୬ ରନ୍‌ କରି ଥିଲେ। କୋହଲି ଓ ଗ୍ରୀନ୍‌ଙ୍କ ମଧ୍ୟରେ ୪୬ଟି ବଲ୍‌ରେ ୯୨ ରନ୍‌ର ପାର୍ଟନରସିପ୍‌ ହୋଇଥିଲା। ପଞ୍ଜାବ ପାଇଁ ହର୍ଷଲ ପଟେଲ ୩ ଓ ବିଦ୍ଭଥ କାଭେରପ୍ପା ୨ ୱିକେଟ୍‌ ନେଇଥିଲେ। ସେପଟେ ସାମ୍‌ କରନ ଓ ଅର୍ଶଦୀପ ସିଂହଙ୍କୁ ୧-୧ ସଫଳତା ମିଳିଥିଲା।

ଉକ୍ତ ସିଜନରେ ପଞ୍ଜାବ ଓ ବେଙ୍ଗାଲୁରୁ ମଧ୍ୟରେ ଏହା ଦ୍ୱିତୀୟ ଟକ୍କର। ଏହା ପୂର୍ବରୁ  ୨୫ମାର୍ଚ୍ଚରେ ମୁକାବିଲା ହୋଇଥିଲା। ଯେଉଁଥିରେ ଆରସିବି ୪ ୱିକେଟ୍‌ରେ ବିଜୟ ହାସଲ କରିଥିଲେ। 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.