ପ୍ରମୂଖ ଖବର
  • ଅରବିନ୍ଦ କେଜ୍‌ରିଓ୍ବାଲ୍‌ଙ୍କୁ ଆଶ୍ୱସ୍ତି , ଅନ୍ତରୀଣ ଜାମିନ ପ୍ରଦାନ କଲେ ସୁପ୍ରମିକୋର୍ଟ
  • ||
  • ହେରାପଞ୍ଚମୀରେ ଆଧ୍ୟାତ୍ମିକ ପରିବେଶ: ନନ୍ଦିଘୋଷ ଭାଙ୍ଗିଲେ ମହାଲକ୍ଷ୍ମୀ, ଆଜ୍ଞାମାଳ ପାଇ ଶ୍ରୀମନ୍ଦିରକୁ ବାହୁଡ଼ିଲେ
  • ||
  • ପିଠିରେ ଯନ୍ତ୍ରଣା ଯୋଗୁଁ ଏମ୍ସରେ ଭର୍ତ୍ତି ହେଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ
  • ||
  • ଦିଲ୍ଲୀ ମଦନୀତି ସହ ମନି ଲଣ୍ଡରିଂ ମାମଲା, କେଜ୍‌ରିୱାଲଙ୍କ ପିଟିସନ ଉପରେ ସୁପ୍ରିମକୋର୍ଟରେ ଶୁଣାଣି
  • ||
  • ଆଗ ପଛ ହୋଇ ଆସିପାରେ ଦୁଇଟି ଲଘୁଚାପ: ୧୩ରୁ ବଢ଼ିବ ବର୍ଷା, ଦକ୍ଷିଣରେ ପ୍ରବଳ ଛେଚିବ
  • ||

ପତ୍ନୀଙ୍କ ମୃତ୍ୟୁ ଖବର ଶୁଣିବା ପରେ ଆତ୍ମହତ୍ୟା କଲେ ବରିଷ୍ଠ ଆଇପିଏସ୍‌ ଅଧିକାରୀ

ଦିସପୁର: ଆସାମର ଜଣେ ବରିଷ୍ଠ ଆଇପିଏସ୍‌ ଅଧିକାରୀ ଶିଳାଦିତ୍ୟ ଚେତିଆ ଆତ୍ମହତ୍ୟା କରିଛନ୍ତି । ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ପତ୍ନୀଙ୍କ ମୃତ୍ୟୁ ଖବର ଶୁଣିବା ପରେ ନିଜକୁ ଗୁଳି କରି ଶିଳାଦିତ୍ୟ ଆତ୍ମହତ୍ୟା କରିଥିବା କୁହାଯାଉଛି । ଶିଳାଦିତ୍ୟ ଚେତିଆ ଆସାମର ଗୃହ ସଚିବ ଥିଲେ । ବରିଷ୍ଠ ଆଇପିଏସ୍‌ ଅଧିକାରୀ ଆତ୍ମହତ୍ୟା କରିଥିବା ନେଇ ଆସାମର ପୋଲିସ ମହାନିର୍ଦ୍ଦେଶକ ଜିପି ସିଂହ ସୂଚନା ଦେଇଛନ୍ତି । ତେବେ ଶିଳାଦିତ୍ୟ ଚେତିଆଙ୍କ ପତ୍ନୀ କର୍କଟ ରୋଗରେ ପୀଡ଼ିତ ଥିଲେ । 

 ଜିପି ସିଂହ କହିଛନ୍ତି ଯେ, ବରିଷ୍ଠ ଆଇପିଏସ୍‌ ଅଧିକାରୀ ଶିଳାଦିତ୍ୟ ଚେତିଆ ପତ୍ନୀଙ୍କ ମୃତ୍ୟୁ ଖବର ଶୁଣିବା ପରେ ଆତ୍ମହତ୍ୟା କରିଛନ୍ତି । ଏହା ସହ ମୃତକଙ୍କ ପରିବାରକୁ ଜିପି ସିଂହ ସମବେଦନା ଜଣାଇଛନ୍ତି । ଆସାମ ଟ୍ରାଇବୁନ୍‌ ଅନୁସାରେ, ଶିଳାଦିତ୍ୟ ଚେତିଆ ୨୦୦୯ ବ୍ୟାଚ୍‌ର ଆଇପିଏସ୍‌ ଅଧିକାରୀ ଥିଲେ । ପତ୍ନୀ କର୍କଟ ରୋଗରେ ପୀଡ଼ିତ ଥିବାରୁ ସେ ଗତ ୪ ମାସ ହେଲା ଛୁଟି ନେଇ ଘରେ ରହୁଥିଲେ ।

ଆଇପିଏସ୍‌ ଚେତିଆଙ୍କୁ ହସ୍ପିଟାଲ ନିଆଯାଇଥିଲେ ସୁଦ୍ଧା ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଆସମା ସରକାରରେ ସଚିବ ଭାବରେ କାମ କରିବା ପୂର୍ବରୁ ଶିଳାଦିତ୍ୟ ରାଜ୍ୟର ତିନସୁକିଆ ଏବଂ ସୋନିତପୁରର ଏସପି ଭାବେ କାର୍ଯ୍ୟ କରୁଥିଲେ । ସେପଟେ ଆଇପିଏସ ଅଧିକାରୀ ଶିଳାଦିତ୍ୟ ଚେତିଆଙ୍କ ଆତ୍ମହତ୍ୟା ପଛର ପ୍ରକୃତ କାରଣ ଖୋଜିବା ଲାଗି ତଦନ୍ତ ଆରମ୍ଭ କରିଛି ଆସାମ ପୋଲିସ । 

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.