ରାଞ୍ଚି,୭।୨: ଝାଡଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନ୍ଙ୍କ ଆଜି ୧୮ ତମ ବିବାହ ବାର୍ଷିକୀ। ଏହାର ଗୋଟେ ସପ୍ତାହ ପୂର୍ବରୁ ହେମନ୍ତ ସୋରେନ୍ଙ୍କୁ ଇଡି ଗିରଫ କରିଛି। ଜମି ଦୁର୍ନୀତି ମାମଲାରେ ଗିରଫ ହେବା ପରେ ଇଡି ରିମାଣ୍ଡରେ ଅଛନ୍ତି। ବୁଧବାର ତାଙ୍କ ରିମାଣ୍ଡର ଶେଷ ଦିନ। ତେବେ ଆଜି ବିବାହ ବାର୍ଷିକୀରେ କଳ୍ପନା ଇଡି ଅଫିସ ଯାଇ ସ୍ୱାମୀ ହେମନ୍ତ ସୋରେନଙ୍କୁ ଭେଟିଛନ୍ତି। ପ୍ରାୟ ୧୫-୨୦ ମିନିଟ୍ ପର୍ଯ୍ୟନ୍ତ ସ୍ୱାମୀଙ୍କ ସହ ସମୟ ବିତାଇଥିଲେ। ଏହା ସହ କଳ୍ପନା ସୋରେନ୍ ଏକ ଫଟୋ ସେୟାର କରି ବିବାହ ବାର୍ଷିକୀରେ ତାଙ୍କ ସ୍ୱାମୀଙ୍କ ପାଇଁ ଇମୋସନାଲ ପୋଷ୍ଟ କରିଛନ୍ତି।
झारखण्ड के अस्तित्व और अस्मिता की रक्षा के लिए हेमन्त जी ने झुकना स्वीकार नहीं किया। उन्होंने षड्यंत्र से लड़ना और उसे हराने के लिए अपने आप को समर्पित करना बेहतर समझा।
— Hemant Soren (@HemantSorenJMM) February 7, 2024
आज हमारी शादी की 18वीं सालगिरह है, पर हेमन्त जी परिवार के बीच नहीं हैं। बच्चों के साथ नहीं हैं। विश्वास है वो… pic.twitter.com/aBnXEugVkB
କଳ୍ପନା ସୋରେନ୍ ଲେଖିଛନ୍ତି, ଝାଡଖଣ୍ଡର ଅସ୍ତିତ୍ବ ଓ ଅସ୍ମିତାର ରକ୍ଷା ପାଇଁ ହେମନ୍ତଜୀ ମୁଣ୍ଡ ନୁଆଁଇବାକୁ ପସନ୍ଦ କରନ୍ତି ନାହିଁ। ସେ ଷଡଯନ୍ତ୍ର ସହିତ ଲଢିବା ଓ ତାକୁ ହରାଇବାକୁ ପାଇଁ ନିଜକୁ ନିଜେ ସମର୍ପଣ କରିବାକୁ ଭଲ ବୋଲି ଭାବିଥିଲେ। ଆଜି ଆମର ୧୮ ତମ ବିବାହ ବାର୍ଷିକୀ, ହେଲେ ହେମନ୍ତଜୀ ବର୍ତ୍ତମାନ ପରିବା ସହ ନାହାନ୍ତି। ପିଲାଙ୍କ ସାଙ୍ଗରେ ନାହାନ୍ତି। ବିଶ୍ବାସ ଅଛି ସେ ଏହି ଷଡଯନ୍ତ୍ରକୁ ହରାଇ ବିଜେତା ହୋଇ ଆମ ସମସ୍ତଙ୍କ ପାଖକୁ ଶୀଘ୍ର ଆସିବେ। ମୁଁ ଏକ ବୀର ଝାଡଖଣ୍ଡୀ ଯୋଦ୍ଧାର ଜୀବନ ବଞ୍ଚୁଛି। ଆଜିର ଦିନରେ ଇମୋସନାଲ ହେବିନି। ହେମନ୍ତଜୀଙ୍କ ଭଳି ବିଷମ ପରିସ୍ଥିତିରେ ମଧ୍ୟ ହସି ହସି ସାହାସ ଓ ସଂଘର୍ଷର ଶକ୍ତି ହେବି-କଳ୍ପନା ମୁର୍ମୁ ସୋରେନ।’
ସ୍ୱାମୀ ହେମନ୍ତ ସୋରେନଙ୍କୁ ଗିରଫ କରାଯିବା ପରେ କଳ୍ପନା ସୋରେନ ରାଜନୀତିରେ ସକ୍ରିୟ ହୋଇପାରିଛନ୍ତି। ନିକଟରେ ରାହୁଲ ଗାନ୍ଧୀ ମଧ୍ୟ ତାଙ୍କୁ ଭେଟିଥିଲେ। ହେମନ୍ତ ସୋରେନଙ୍କୁ ଇଡି ଜମି ଦୁର୍ନୀତି ମାମଲାରେ ଗିରଫ କରିଛି। ଏହାପରେ ତାଙ୍କୁ ରିମାଣ୍ଡରେ ନିଆଯାଇଥିଲା। ହେମନ୍ତ ଜେଲରେ ରହିବା ପରେ ତାଙ୍କ ପତ୍ନୀ କଳ୍ପନା ସୋରେନଙ୍କୁ ମୁଖ୍ୟମନ୍ତ୍ରୀ କରାଯିବା ନେଇ ଚର୍ଚ୍ଚା ହୋଇଥିଲା କିନ୍ତୁ ତାହା ହୋଇ ନଥିଲା। ଶେଷ ମୁହୂର୍ତ୍ତରେ ଚମ୍ପାଇ ସୋରେନଙ୍କୁ ଝାଡଖଣ୍ଡ ମୁଖ୍ୟମନ୍ତ୍ରୀ କରାଯାଇଥିଲା। ଫେବୃଆରୀ ୨ରେ ଚମ୍ପାଇ ସୋରେନଙ୍କ ନୂତନ ସରକାର ବିଧାନସଭାରେ ଆସ୍ଥା ଭୋଟ ଜିତିଥିଲା।