ନୂଆଦିଲ୍ଲୀ,୧୧।୫: ଦିଲ୍ଲୀ ମଦ ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କ ଅନ୍ତରୀଣ ଜାମିନ୍ ମିଳିଛି। ଜାମିନ୍ ମିଳିବା ପରେ ଶନିବାର କେଜ୍ରିଓ୍ବାଲଙ୍କୁ କନ୍ନଟ ପ୍ଲେସ୍ ସ୍ଥିତ ହନୁମାନ ମନ୍ଦିର ପହଁଞ୍ଚିଛନ୍ତି। ଏହି ସମୟରେ ସେ ପୂଜାର୍ଚ୍ଚନା କରିଥିଲେ ଓ ହନୁମାନଜୀଙ୍କ ଆଗରେ ପ୍ରାର୍ଥନା କରିଥିଲେ। ଏହରେ କେଜ୍ରିଓ୍ବାଲ ମଧ୍ୟାହ୍ନ ୧ଟା ସମୟରେ ଆପ୍ ଅଫିସ ଆଗରେ ସାମ୍ବାଦିକ ସମ୍ମିଳନୀ କରିଥିଲେ। ଏହି ସମୟରେ ସେ ବିଜେପି ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଜୋରଦାର ଟାର୍ଗେଟ କରିଛନ୍ତି।  ଏହା ସହ ଗଣତନ୍ତ୍ରର ସୁରକ୍ଷା ପାଇଁ ଦେଶବାସୀଙ୍କ ସମର୍ଥନ ଚାହିଁଛନ୍ତି।

जय जय बजरंग बली 🕉️🙏

मुख्यमंत्री @ArvindKejriwal जी ने अपनी धर्मपत्नी @KejriwalSunita जी, पंजाब के मुख्यमंत्री @BhagwantMann जी और राज्यसभा सांसद @SanjayAzadSln जी के साथ Connaught place स्थित प्राचीन हनुमान मंदिर में भगवान हनुमान जी के किए दर्शन।

हनुमान जी की कृपा समस्त… pic.twitter.com/HaIWkewdDT

— AAP (@AamAadmiParty) May 11, 2024

କେଜ୍ରିଓ୍ବାଲ ଆସିବା ଫଳରେ ଆପ୍ କାର୍ଯ୍ୟାଳୟରେ ଖୁସି ଭରି ଯାଇଛି। ଭିତରେ ଓ ବାହାରେ ଏଲଇଡି ସ୍କ୍ରିନ୍ ଲଗାଇ ଦେଇଛନ୍ତି। ଆମ୍ ଆଦମୀ ପାର୍ଟି ଅଫିସରେ ସମର୍ଥକ ଏକାଠି ହେବା ଆରମ୍ଭ କରି ଦେଇଛନ୍ତି। କେଜ୍ରିଓ୍ବାଲଙ୍କ ସ୍ବାଗତ ପାଇଁ ମଞ୍ଚ ପ୍ରସ୍ତୁତ କରାଯାଇଛି। ଆପ୍‌ ନେତାଙ୍କ ସହିତ ବୈଠକ ପାଇଁ ମଞ୍ଚ ଉପରେ ଚୌକି ଲଗାଯାଇଥିଲା।  କେଜ୍ରିଓ୍ବାଲ ମନ୍ଦିରରେ ପୂଜାର୍ଚ୍ଚନା କରିଛନ୍ତି। ମନ୍ଦିରରେ କେଜ୍ରିଓ୍ବାଲଙ୍କ ସହିତ ଭଗଓ୍ବନ୍ତ ମାନ୍ ମଧ୍ୟ ଦେଖିବାକୁ ମିଳିଥିଲେ। 

ସାମ୍ବାଦିକ ସମ୍ମିଳନୀ ରେ କେଜ୍ରିୱାଲ କହିଛନ୍ତି ଯେ ମୁଁ ୧୪୦ କୋଟି ଲୋକଙ୍କ ସମର୍ଥନ ଚାହୁଁଛି। ଏହି ଦେଶକୁ ବଞ୍ଚାଇବାକୁ ପଡିବ। ମୁଁ ଗଣତନ୍ତ୍ରକୁ ବଞ୍ଚାଇବାକୁ ଚାହୁଁଛି । ମୁଁ ମନ୍ତ୍ରୀ କିମ୍ବା ମୁଖ୍ୟମନ୍ତ୍ରୀ ହେବାକୁ ଆସି ନାହିଁ, ମୁଁ ଚାକିରି ଛାଡି ଏଠାକୁ ଆସିଛି। ମୁଁ ମୋ ଦେଶ ପାଇଁ ସବୁକିଛି ବଳିଦାନ ଦେଇଛି। ମୁଁ ବିଜେପିକୁ ପଚାରିବାକୁ ଚାହୁଁଛି ତୁମର ପ୍ରଧାନମନ୍ତ୍ରୀ କିଏ? ସେପ୍ଟେମ୍ବର ୧୭ ରେ ପ୍ରଧାନମନ୍ତ୍ରୀ ମୋଦୀ ଦଳରୁ ଅବସର ନେବେ। ଅମିତ ଶାହାଙ୍କୁ ପ୍ରଧାନମନ୍ତ୍ରୀ କରିବେ।  ଅମିତ ଶାହାଙ୍କ ପାଇଁ ମୋଦୀ ଭୋଟ୍ ଚାହୁଁଛନ୍ତି।