କୋଲକାତା,୨୩/୦୩: ବିଜୟ ସହିତ କୋଲକାତା ନାଇଟ୍ ରାଇଡର୍ସ ଏହାର ଆଇପିଏଲ୍ ୨୦୨୪ ଅଭିଯାନ ଆରମ୍ଭ କରିଛି। ନିଜ ଘରୋଇ ମଇଦାନ ଇଡେନ୍ ଗାର୍ଡେନ୍ ଷ୍ଟାଡିୟମରେ ଏକ ରୋମାଞ୍ଚକର ମ୍ୟାଚରେ କୋଲକାତା ସନରାଇଜର୍ସ ହାଇଦ୍ରାବାଦକୁ ୪ ରନ୍ରେ ପରାସ୍ତ କରିଛି। ଏହି ଉଚ୍ଚ ସ୍କୋରର ମ୍ୟାଚରେ ଉଭୟ ଦଳର ବ୍ୟାଟରମାନେ ବାଉଣ୍ଡ୍ରି ପାର୍ ପ୍ରଦର୍ଶନ କରିଥିଲେ ବି ଚର୍ଚ୍ଚାରେ ରହିଛନ୍ତି ୱେଷ୍ଟଇଣ୍ଡିଜ୍ର ଅଲରାଉଣ୍ଡର ଆଣ୍ଡ୍ରେ ରସେଲ ଏବଂ ହାଇଦ୍ରାବାଦର ଯୁବ ଭାରତୀୟ ଦ୍ରୁତ ବୋଲର ହର୍ଷିତ ରାଣା। ରସେଲ ପ୍ରଥମ ଇନିଂସରେ ୭ ଛକା ସହାୟତାରେ ୬୪ ରନ୍ ସଂଗ୍ରହ କରିଥିବା ବେଳେ ପରେ ୨ଟି ୱିକେଟ୍ ବି ନେଇଥିଲେ। ପୁଣି ଶେଷ ଓଭରରେ ୧୩ ରନ୍ ବଞ୍ଚାଇ ହର୍ଷିତ ରାଣା ଦଳକୁ ବିଜୟ ଭେଟିଥିଲେ।
ଏହି ସିଜିନ୍ରେ ଯେତେବେଳେ ପ୍ରଥମ ଏବଂ ଦ୍ୱିତୀୟ ମ୍ୟାଚରେ ଦଳ ୨୦୦ ରୁ ଅଧିକ ସ୍କୋର ଅତିକ୍ରମ କରିପାରିନଥିଲେ, ସେତେବେଳେ ଏହି ମ୍ୟାଚରେ ଉଭୟ ଦଳ ୨୦୦ ରନ୍ ଅତିକ୍ରମ କରି ଦର୍ଶକଙ୍କୁ ଆଶ୍ଚର୍ଯ୍ୟ କରିଥିଲେ। ଏହି ମ୍ୟାଚରେ ଉଭୟ ଦଳ ମୋଟ ୨୯ ଛକା (୧୪ଟି କୋଲକାତା ଓ ୧୫ଟି ହାଇଦ୍ରାବାଦ) ହାସଲ କରିଥିଲେ। ସେଥିମଧ୍ୟରୁ ୭ ଟି ଆଣ୍ଡ୍ରେ ରସେଲ ଏବଂ ୮ ଟି ସନରାଇଜର୍ସ ବ୍ୟାଟର ହେନ୍ରିଚ୍ କ୍ଲାସେନ୍ଙ୍କ ନାଁରେ ରହିଛି। ଶେଷରେ, ଗୋଟିଏ ଛକା କମ୍ ମାରିବା ମଧ୍ୟ ୪ ରନ୍ ବ୍ୟବଧାନରେ ମ୍ୟାଚ୍ ଜିତିଥିଲା।
