ପାଟନା,୧୩।୨: ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କ ଶଳା ତଥା ପୂର୍ବତନ ରାଜ୍ୟସଭା ସାଂସଦ ସୁଭାଷ ଯାଦବ ଏବେ ଅଡୁଆରେ। ପଟନାର ଏମ୍ଏପି-ଏମ୍ଏଲଏ ସ୍ପେଶାଲ କୋର୍ଟରେ ମଙ୍ଗଳବାର ସେ ଆତ୍ମସପର୍ମଣ କରିଛନ୍ତି। ପୋଲିସ ଟିମ୍ ଏହା ପୂର୍ବରୁ ସୁଭାଷ ଯାଦବଙ୍କ ଘରେ ବୁଲଡୋଜର ନେଇକି ପହଁଞ୍ଚି ଯାଇଥିଲା। ସମ୍ପତ୍ତି ଜବତ ଭୟରେ ସେ ସରେଣ୍ଡର କରିଦେଇଛନ୍ତି। ସୁଭାଷଙ୍କ ଉପରେ ଜମି ଜବରଦଖଲ, ଠକେଇ, ଅର୍ଥ ଆଦାୟ କରିବା ସହିତ ବହୁ ଅପରାଧିକ ମାମଲା ରୁଜୁ କରାଯାଇଛି। କୋର୍ଟ ସୁଭାଷକୁ ପଳାତକ ଘୋଷିତ କରିଥିଲେ। ଏହା ସହିତ ସମ୍ପତ୍ତିକୁ ଜବତ କରିବାର ନିର୍ଦେଶ ଜାରି କରାଯାଇଥିଲା।
ସୁଭାଷ ଯାଦବ ପୂର୍ବ ମୁଖ୍ୟମନ୍ତ୍ରୀ ରାବ୍ରି ଦେବୀଙ୍କ ସାନ ଭାଇ। ତାଙ୍କ ବିରୋଧରେ ପାଟନା ଗ୍ରାମୀଣର ନେଉରା ପିଓ ଅଞ୍ଚଳର ବେଲା ଗାଁରେ ରହୁଥିବା ଭୀମ ବର୍ମା ଏଫ୍ଆଇଆର ଦାଖଲ କରିଥିଲେ। ଏଫ୍ଆଇଆରରେ ସୁଭାଷଙ୍କ ପତ୍ନୀ ରେଣୁ ଦେବୀ ଓ ପୁଅ ରଣଧୀର କୁମାର, ପଙ୍କଜ ଯାଦବ, ଅର୍ଜୁନ ରାୟ, ଅରୁଣ କୁମାର ଓରଫ୍ ମୁଖିଆ ଓ ଅରୁଣ ସିଂହଙ୍କ ମଧ୍ୟ ନାଁ ରହିଛି। ଏଫ୍ଆଇଆର ଅନୁସାରେ ସୁଭାଷ ପୀଡିତ ଭୀମ ବର୍ମାଙ୍କ ମା’ଙ୍କୁ ୯୬ ଲକ୍ଷ ଟଙ୍କା ନିଜ ପତ୍ନୀଙ୍କ ନାମରେ ଜମି କିଣିଥିଲେ। ଭୀମ ଅଭିଯୋଗ କରିଛନ୍ତି, ୨୭ ଫେବୃଆରୀ ୨୦୨୧ ରେ ତାଙ୍କ ଉପରେ ୬୦ ଲକ୍ଷ ଟଙ୍କା ଫେରାଇବାକୁ ନେଇ ଚାପ ପକାଯାଉଛି। ଅଭିଯୋଗ ଅନୁସାରେ, ତାଙ୍କ ମା’ ଓ ଭାଈଙ୍କୁ ପୂର୍ବତନ ସାଂସଦ ନିଜର ଘରେ ବନ୍ଧକ ବନାଇ ରଖିଥିଲେ ଓ ଟଙ୍କା ନଫେରାଇବା ପର୍ଯ୍ୟନ୍ତ ମାରିବାର ଧମକ ଦେଇଥିଲେ।
୬ଜୁନ୍ ୨୦୨୨ ରେ ମୁଖ୍ୟମନ୍ତ୍ରୀ ନୀତୀଶ କୁମାର ଜନତା ଦରବାରରେ ଏହି ମାମଲା ପହଁଞ୍ଚାଇତିଲେ। ସିଏମଙ୍କ କହିବା ଅନୁସାରେ, ସୁଭାଷ ଯାଦବ ଓ ଅନ୍ୟମାନଙ୍କ ବିରୋଧରେ ଏଫ୍ଆଇଆର ରୁଜୁ କରାଯାଇଥିଲା। ଏହା ସହିତ ପାଟନାର ଡିଏମ୍ଙ୍କୁ ଏହି ଘଟରାର ଯାଞ୍ଚ ନିର୍ଦେଶ ଦିଆଯାଇଥିଲା। ପୋଲିସ ଗତ ୩୦ ଜାନୁଆରୀରେ ଏୟାରପୋର୍ଟ ପୋଲିସ ଥାନା ଅଞ୍ଚଳର କୌଟିଲ୍ୟ ନଗର ସ୍ଥିତ ବିଧାୟକ କଲୋନୀରେ ସୁଭାଷ ଯାଦବଙ୍କ ଘରକୁ ସମ୍ପତ୍ତି ଜବତ କରିବାକୁ ନେଇ ବୁଲଡୋଜର ନେଇକି ପହଁଞ୍ଚିଥିଲା। ପୋଲିସ ନିଜର କାର୍ଯ୍ୟାନୁଷ୍ଠାନ ଆରମ୍ଭ କରିବା ପୂର୍ବରୁ ହିଁ ଅଭିଯୁକ୍ତକୁ କୋର୍ଟରେ ସରେଣ୍ଡର କରିଛି।
