ଆଠଗଡ଼, ୧୭।୩: ଘରେ ଶୋଇଥିଲେ ଦମ୍ପତି । ସକାଳୁ ଉଠିଲା ବେଳକୁ ଘରର ଝରକା ଓ ଗ୍ରୀଲ୍ ତଡ଼ା ହୋଇଛି । ଆଲମାରୀ ଭାଙ୍ଗି ଘରୁ ଲୁଟି ନେଉଛନ୍ତି ଚୋର । ଏମିତି ଏକ ଘଟଣା ଦେଖିବାକୁ ମିଳିଛି ତିଗିରିଆ ଥାନା ଅନ୍ତର୍ଗତ ନୂଆ ସଡ଼କ ଛକରେ ରାଜ କିଶୋର ମହାରଣାଙ୍କ ପରିବାର ଭଡ଼ାରେ ରହୁଥିଲେ । ସମସ୍ତେ ଖାଇ ପିଇ ଘରେ ଶୋଇଥିବା ବେଳେ ଅନ୍ଧାରର ସୁଯୋଗ ନେଇ ଘରେ ପଶିଥିଲେ ଚୋର । ସକାଳୁ ହେବା ବେଳକୁ ଘରେ କଳା କନା ବୁଲେଇ ଦେଇଥିଲେ ।  ସକାଳୁ ଉଠି ଦେଖିଲା ବେଳକୁ ସବୁକିଛି ଏଣେ ତେଣେ ହୋଇ ପଡ଼ିଥିଲା । 

୫ ଲକ୍ଷ ଟଙ୍କାର ସୁନାଗହଣା ସହିତ ନଗଦ ୮୦ ହଜାର ଟଙ୍କା ଓ ଘରବାଡ଼ି ପଟ୍ଟା ଚୋରି କରିଥିବା ପରିବାର ଲୋକ କହିଛନ୍ତି । ଏନେଇ ପରିବାର ତରଫରୁ ତିଗିରିଆ ଥାନାରେ ଏତଲା ଦିଆଯିବା ପରେ ଘଟଣାସ୍ଥଳରେ ତିଗିରିଆ ପୋଲିସ ପହଞ୍ଚି ତଦନ୍ତ ଜାରି ରଖିଛି । ବର୍ତ୍ତମାନ ସମୟରେ ତିଗିରିଆ ଅଞ୍ଚଳ ଲୁଟ୍‌ତରାଜ ରହାଜାନୀ ଛିନତାଇ ବଢ଼ିବାରେ ଲାଗିଛି । କିନ୍ତୁ, ଏନେଇ ଲୁଟେରାଙ୍କ ଟେର୍ ପାଉନି ପୋଲିସ । ପୋଲିସକୁ ଚକମା ଦେଇ ଖୁବ୍ ଚତୁରତାର ସହିତ ଖସିଯାଇଉନ୍ତି ଚୋର । ଲୁଟେରାମାନଙ୍କୁ ଝରିବାରେ ପୋଲିସ କେବେ ସଫଳ ହେବ ତାହା ଦେଖିବାକୁ ବାକି ରହିଲା ।