ନୂଆଦିଲ୍ଲୀ,୫/୧୨ : ମଧ୍ୟ ପ୍ରଦେଶ ବିଧାନସଭା ନିର୍ବାଚନକୁ ଏକ ମିଶନ ରୂପରେ ନେଇଥିବା ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଏବେ ଫଳାଫଳ ପରେ ରିଲାକ୍ସ ମୁଡ଼୍ରେ ନଜର ଆସିଛନ୍ତି । ଗତ ୬ମାସରୁ ଲଗାତର ସକ୍ରିୟତା ରଖିଥିବା ସିଏମ୍ ଶିବରାଜ ସିଂହ ଚୌହାନ ଗତ ରାତିରେ ରାଜଧାନୀ ଭୋପାଳର ଏକ ହୋଟେଲରେ ପହଞ୍ଚି ପରିବାର ସହ ଡିନର କରିଛନ୍ତି । ନିର୍ବାଚନର ଟେନ୍ସନ ପରେ ଡିନର କରିବାକୁ ପହଞ୍ଚିଥିବା ଶିବରାଜ ସିଂହ ଚୌହାନଙ୍କ ମୁହଁରେ ହସ ଥିବା ଦେଖାଦେଇଛି ।
ପ୍ରକାଶ ଯେ, ମଧ୍ୟ ପ୍ରଦେଶ ବିଧାନସଭା ନିର୍ବାଚନରେ ବିଜେପି ବହୁମତ ସହ ବିଜୟ ହାସଲ କରିଛି । ବିଧାନସଭା ନିର୍ବାଚନକୁ ନେଇ ସିଏମ୍ ଶିବରାଜ ସିଂହ ଚୌହାନଙ୍କ ଭଉଣୀ ଯୋଜନା ଏବଂ ତାଙ୍କ ଅନ୍ଦାଜର ମୁଖ୍ୟ ଭୂମିକା କୁହାଯାଉଛି । ସିଏମ୍ ଶିବରାଜ ସିଂହ ଚୌହାନ ନିର୍ବାଚନ ସମୟରେ ସବୁଠାରୁ ଅଧିକ ୧୬୫ସଭା କରିଛନ୍ତି । ଏହି ପରିଶ୍ରମର ଫଳାଫଳ ଏହା ରହିଛି କି ଏହି ନିର୍ବାଚନରେ ବିଜେପି ବହୁମତରେ ବିଜୟୀ ହୋଇଛି । ରାଜ୍ୟରେ ବିଜେପିର ୧୬୩ପ୍ରାର୍ଥୀ ବିଜୟୀ ହୋଇ ବିଧାନସଭା ପହଞ୍ଚିଛନ୍ତି । ବିଜେପି ବହୁମତର ସଂଖ୍ୟା ପାର୍ କରିଛି ।
୨୦୧୮ରେ ୧୧୪ସିଟ୍ ଜିତି ମଧ୍ୟପ୍ରଦେଶ ସରକାର କରିଥିବା କଂଗ୍ରେସ ପାର୍ଟି ଚଳିତ ଥର ୬୬ସିଟ୍ରେ ରହିଯାଇଛି । ମଧ୍ୟପ୍ରଦେଶ ବିଧାନସଭା ନିର୍ବାଚନର ପରିଣାମ ପରେ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ରାଜଧାନୀ ଭୋପାଳରେ ପହଞ୍ଚିଛନ୍ତି । ଅନ୍ୟପଟେ ମଧ୍ୟପ୍ରଦେଶରେ ଜିତିଥିବା ବିଜେପି ପ୍ରାର୍ଥୀମାନେ ସିଏମ୍ ଶିବରାଜ ସିଂହ ଚୌହାନଙ୍କୁ ଭେଟିବାକୁ ମୁଖ୍ୟମନ୍ତ୍ରୀଙ୍କ ଘରେ ପହଞ୍ଚୁଛନ୍ତି ତ ଅନ୍ୟପଟେ ଦଳର ସମର୍ଥକ ଏବଂ କାର୍ଯ୍ୟକର୍ତ୍ତା ବି ତାଙ୍କୁ ଭେଟିବାକୁ ଏଠାରେ ପହଞ୍ଚୁଛନ୍ତି।
