ଫିରିଙ୍ଗିଆ,୨୦/୯ : କନ୍ଧମାଳ ଜିଲ୍ଲା ଗୋଛାପଡା ପୋଲିସ ବୁଧବାର ଫିରିଙ୍ଗିଆ ବ୍ଲକ ଲୋଇସିଂ ପଞ୍ଚାୟତ ଅଧୀନରେ ଥିବା କୁମେଲସିଂ ଗାଁ ନିକଟ ଜଙ୍ଗଲରେ ଚଢଉ କରି ଦୁଇ କୁଇଣ୍ଟାଲ ଗଞ୍ଜେଇ ସହ ଜଣେ ମାଫିଆକୁ ଗିରଫ କରିବାରେ ସଫଳ ହୋଇଛି । ଅନ୍ୟ ଦୁଇ ଜଣ ମାଫିଆ ଫେରାର ହୋଇଯାଇଥିବା ସୂଚନା ମିଳିଛି I ତେବେ ପୋଲିସର ସୂଚନା ଅନୁସାରେ କିଛି ଗଞ୍ଜେଇ ମାଫିଆ ଏହି ଜଙ୍ଗଲରେ ଚାଲାଣ ପାଇଁ ପ୍ରସ୍ତୁତି ଚଳାଇଥିବା ପୋଲିସକୁ ଖବର ମିଳିଥିଲା I 

ଖବରପାଇ ଗୋଛାପଡା ଥାନା ଅଧିକାରୀ ପ୍ରଭାତ ବେହେରାଙ୍କ ସହ ଏକ ଟିମ ଉକ୍ତ ଜଙ୍ଗଲରେ ଅତର୍କିତ ଚଢଉ କରିଥିଲେ I ପୋଲିସର ଚଢଉ ସମୟରେ ଦୁଇ ଜଣ ମାଫିଆ ଫେରାର ହେବାରେ ସଫଳ ହୋଇଥିବାବେଳେ ଜଣେ ମାଫିଆକୁ ଗିରଫ କରିବାରେ ପୋଲିସ ସଫଳ ହୋଇଥିଲା I ତେବେ ଗିରଫ ଅଭିଯୁକ୍ତ ଜଣକ ଗୋଛାପଡା ଥାନା ପାଙ୍ଗା ଉପର ସାହି ପଂଚାୟତ ମଲା ଗାଁର ଦିଆଭଞ୍ଜ ଡିଗାଲ ବୋଲି ଜଣାପଡ଼ିଥିବାବେଳେ ଫେରାର ଥିବା ଦୁଇ ଅଭିଯୁକ୍ତ ପାହିରେଜୁ ପଞ୍ଚାୟତର ଡ୍ରେସରୁ ଗାଁର ବୋଲି ଜଣାପଡିଛି I 

ତେବେ ଏହି ଘଟଣାରେ ଗୋଛାପଡା ଥାନାରେ କେଶ ନଂ ୧୬୫/୨୪ରେ ଏକ ମାମଲା ରୁଜୁ କରି ଗିରଫ ମାଫିଆକୁ ଜବତ ଗଞ୍ଜେଇ ସହ କୋର୍ଟ ଚାଲାଣ କରାଯାଇଛି । ଅନ୍ୟ ଦୁଇ ଜଣ ଫେରାର ଅଭିଯୁକ୍ତଙ୍କୁ ମଧ୍ୟ ଖୁବଶୀଘ୍ର ଗିରଫ କରାଯିବ ବୋଲି ସୂଚନା ଦେଇଛନ୍ତି ଥାନା ଅଧିକାରୀ ପ୍ରଭାତ ବେହେରା I