ପ୍ରମୂଖ ଖବର
  • ପୁରୀ: ନବଦିନାତ୍ମକ ଯାତ୍ରା ସାରି ବାହୁଡିବେ ନୀଳାଦ୍ରିନାଥ, ବାହୁଡ଼ାଦିଅଁଙ୍କ ପହଣ୍ଡି ବିଜେ
  • ||
  • ସୁନ୍ଦରଗଡ଼: ପ୍ରେମ କଳିକୁ ନେଇ ଡବଲ ମର୍ଡର, ପ୍ରେମିକା ଓ ତାର ସହପାଠୀକୁ ଛୁରୀ ଭୁସି ହତ୍ୟା କଲା ଡ୍ରାଇଭର୍ ପ୍ରେମିକ
  • ||
  • ଭୁବନେଶ୍ୱର: କଳାଭୂମି ନିକଟରେ ବୃଦ୍ଧଙ୍କ ଉପରେ ମାଡିଗଲା ବାଲି ବୋଝେଇ ଟ୍ରକ୍‌, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ୱିମ୍ବଲଡନ ଟାଇଟଲ ଲଢ଼େଇ: ଭେଟେରାନ ଜୋକୋଭିକଙ୍କୁ ହରାଇ କାର୍ଲୋସ ଅଲକାରାଜ ଚାମ୍ପିଅନ୍
  • ||
  • ସୋମବାରଠୁ ସିବିଏସ୍‌ଇ ସପ୍ଲିମେଣ୍ଟାରୀ ପରୀକ୍ଷା, ଉଭୟ ଦଶମ ଓ ଦ୍ୱାଦଶ ଛାତ୍ରଛାତ୍ରୀ ଦେବେ ଏକ୍ସଜାମ୍
  • ||
  • ବଙ୍ଗୋପସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ: ଆଜି ଦକ୍ଷିଣ- ଉତ୍ତର ଓଡ଼ିଶାରେ ପ୍ରବଳ ବର୍ଷା ସମ୍ଭାବନା
  • ||
  • ଜନ୍ମବେଦିରୁ ଶ୍ରୀମନ୍ଦିରକୁ ବାହୁଡିବେ ଚତୁର୍ଦ୍ଧାମୂର୍ତ୍ତି: ୧୨ଟାରେ ପହଣ୍ଡି, ୪ଟାରେ ରଥ ଟଣା
  • ||

ଆତ୍ମହତ୍ୟା କଲେ ମନ୍ତ୍ରୀ ପ୍ରହଲ୍ଲାଦ ପଟେଲଙ୍କ ପିଆରଓ, କାରଣ ଖୋଜୁଛି ପୋଲିସ

Image Courtesy: AajTak

ଭୋପାଳ: ମଧ୍ୟପ୍ରଦେଶର ରାଜଧାନୀ ଭୋପାଳରେ ପଞ୍ଚାୟତିରାଜ ମନ୍ତ୍ରୀ ପ୍ରହଲ୍ଲାଦ ପଟେଲଙ୍କ ପିଆରଓ ଆତ୍ମହତ୍ୟା କରିଛନ୍ତି । ଜନସଂପର୍କ ବିଭାଗର ଉପ ନିର୍ଦ୍ଦେଶକ ପୂଜା ଥାପକଙ୍କ ଆତ୍ମହତ୍ୟାର କାରଣ ଅସ୍ପଷ୍ଟ ରହିଛି । ପୋଲିସ ମାମଲାର ଯାଞ୍ଚ କରୁଥିବା ବେଳେ ପାରିବାରିକ କଳହକୁ କେନ୍ଦ୍ର କରି ପୂଜା ଆତ୍ମହତ୍ୟା କରିଥାଇପାରନ୍ତି ବୋଲି କୁହାଯାଉଛି । ମିଳିଥିବା ସୂଚନା ଅନୁସାରେ, ମଧ୍ୟପ୍ରଦେଶର ମନ୍ତ୍ରୀ ପ୍ରହଲ୍ଲାଦ ପଟେଲଙ୍କ ପିଆରଓ ପୂଜା ଗତକାଲି ରାତି ୧୨ଟାରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି । ତାଙ୍କ ସ୍ବାମୀଙ୍କ ସହିତ ଝଗଡ଼ା ହୋଇଥିଲା ବୋଲି କୁହାଯାଉଛି । 

ପୂଜାଙ୍କ ସ୍ବାମୀ ମଧ୍ୟ ଜଣେ ସରକାରୀ ଅଧିକାରୀ । ଆତ୍ମହତ୍ୟା କରିବା ପୂର୍ବରୁ ରାତି ୯ଟାରେ ପ୍ରହଲ୍ଲାଦ ପଟେଲଙ୍କ ବିଭାଗ ସମ୍ବନ୍ଧିତ ସୂଚନା ପଠାଇଥିଲେ ପୂଜା । ଗୋବିନ୍ଦପୁରା ପୋଲିସ ଅନୁସାରେ, ପୂଜା ଥାପକ ସାକେତ ନଗର ଅଞ୍ଚଳରେ ନିଜ ପରିବାର ସହ ରହୁଥିଲେ । ମଙ୍ଗଳବାର ରାତିରେ ସ୍ବାମୀଙ୍କ ସହ ପୂଜାଙ୍କ ଝଗଡ଼ା ହୋଇଥିଲା । ଏହା ପରେ ଅଧରାତିରେ ପୂଜା ବେକରେ ରଶି ଲଗାଇ  ଆତ୍ମହତ୍ୟା କରିଥିଲେ । 

ପୂଜା ଥାପକ ଜନସଂପର୍କ ବିଭାଗରେ ଉପ ନିର୍ଦ୍ଦେଶକ ଥିଲେ । ଏହା ସହ ବର୍ତ୍ତମାନର ମନ୍ତ୍ରୀ ଏବଂ ପୂର୍ବତନ କେନ୍ଦ୍ରମନ୍ତ୍ରୀ ପ୍ରହଲ୍ଲାଦ ପଟେଲଙ୍କ ପିଆରଓ (ଜନସଂପର୍କ ଅଧିକାରୀ) ଥିଲେ । ପୂଜାଙ୍କ ସ୍ବାମୀ ମଧ୍ୟପ୍ରଦେଶ ସରକାରଙ୍କ ସୂଚନା ଓ ପ୍ରସାରଣ ବିଭାଗର ବୈଜ୍ଞାନିକ ଭାବେ କାର୍ଯ୍ୟ କରୁଛନ୍ତି । ୨୦୨୨ରେ ପୂଜା ବିବାହ କରିଥିବା ବେଳେ ତାଙ୍କର ଜଣେ ପୁଅ ଅଛି ।  

 

  • Madhya pradesh
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.