ଚନ୍ଦାହାଣ୍ଡି,୨୪।୮  : ନରବଙ୍ଗପୁର ଜିଲ୍ଲା ଝରିଗାଁ ନିର୍ବାଚନ ମଣ୍ଡଳୀ  ଲୋକଙ୍କ ଗମନାଗମନ ସୁବିଧା ପାଇଁ ଅଧିକ ସରକାରୀ ବସ୍ ଚଳାଚଳ କରିବାକୁ  ସ୍ଥାନୀୟ ବିଧାୟକ ନର୍ସିଙ୍ଗ ଭତ୍ରା ରାଜ୍ୟ ସଡ଼କ ଏବଂ ପରିବହନ ମନ୍ତ୍ରୀ  ବିଭୁତି ଜେନାଙ୍କୁ  ଚିଠି ଲେଖିଛନ୍ତି।  ଝରିଗାଁ ନିର୍ବାଚନମଣ୍ଡଳୀର ୩ ଟି ବ୍ଲକରୁ ବିଭିନ୍ନ ସହରକୁ ସରକାରୀ ବସ୍ ଚଳାଚଳ କରିବାକୁ ସେ ଚିଠିରେ ଦର୍ଶାଇଛନ୍ତି। 

ନବରଙ୍ଗପୁର ଜିଲ୍ଲା  ଝରିଗାଁ ନିର୍ବାଚନ ମଣ୍ଡଳୀ  ଅନ୍ତର୍ଗତ   ଚନ୍ଦାହାଣ୍ଡି ବ୍ଲକ ଓଡିଶାର ଶେଷ ଉପାନ୍ତ ଛତିଶଗଡ଼ ସୀମାରେ ଅବସ୍ଥିତ l ଏଠାକାର ଲୋକେ  ବ୍ୟବସାୟିକ ଏବଂ  ଗୃହ ସାମଗ୍ରୀ ପାଇଁ ପଡୋଶୀ ଛତିଶଗଡ଼ ରାଜଧାନୀ ରାୟପୁର, ଜଗଦଳପୁର, ଦେଭୋଗ, ଉରମାଲ,  ଗହିରାପଦର ଭବାନୀପାଟଣା, ଖଡ଼ିଆଲ ଉପରେ ନିର୍ଭର କରିଥାନ୍ତି l ଏହି ସବୁ  ସ୍ଥାନକୁ ବସ ଚଳାଚଳ କରୁ ନ ଥିବା ଫଳରେ ଲୋକେ ନାହିଁ ନ ଥିବା ଅସୁବିଧାର  ସମ୍ମୁଖୀନ ହେଉଛନ୍ତି ।  ଏପରିକି ଜରୁରୀ ସମୟରେ ଡାକ୍ତରଖାନା ଯିବା ପାଇଁ ହଇରାଣ ହେଉଛନ୍ତି l   ଏହା ବ୍ୟତୀତ ଚନ୍ଦାହାଣ୍ଡି ଅଞ୍ଚଳରେ  ବ୍ରହ୍ମପୁର, ସମ୍ବଲପୁର,  ବଲାଙ୍ଗୀର ନୂଆପଡାର ବହୁ ଲୋକ ସରକାରୀ  କର୍ମଚାରୀ ଭାବେ  ରହିଛନ୍ତି l ଏହାକୁ ଦୃଷ୍ଟିରେ ରଖି ବର୍ତ୍ତମାନର ଝରିଗାଁ ବିଧାୟକ  ନର୍ସିଙ୍ଗ ଭତ୍ରା ରାଜ୍ୟ ସଡ଼କ ଏବଂ ପରିବହନ ମନ୍ତ୍ରୀ  ବିଭୁତି ଜେନାଙ୍କୁ   ଅଧିକ ବସ ଚଳାଚଳ ପାଇଁ ଚିଠି ଲେଖିଛନ୍ତି। 

ଝରିଗାଁ, ଚନ୍ଦାହାଣ୍ଡି ଠାରୁ ୭ ଟି  ସ୍ଥାନକୁ   ସରକାରୀ ବସ ଚଳାଚଳ ପାଇଁ ଉଲ୍ଲେଖ କରିଛନ୍ତି l  ସେଗୁଡିକ ଝରିଗାଁ ଠାରୁ ପୁରୀ   ଭାୟା ଚନ୍ଦାହାଣ୍ଡି, ଝରିଗାଁ ଠାରୁ ରାୟପୁର ଭାୟା ଚନ୍ଦାହାଣ୍ଡି ଉରୁମାଲ, ଝରିଗାଁ ଠାରୁ ବ୍ରହ୍ମପୁର ଭାୟା ଚନ୍ଦାହାଣ୍ଡି, ଭବାନିପାଟଣା, ଭଞ୍ଜନଗର  ଓ   ଝରିଗାଁ ଠାରୁ ସମ୍ବଲପୁର ଭାୟା ଚନ୍ଦାହାଣ୍ଡି ରାଜଖଡିଆର ,  ଚନ୍ଦାହାଣ୍ଡି ଠାରୁ   ବିଶାଖାପାଟଣା  ଭାୟା ଝରିଗାଁ ଓ  ଉମରକୋଟ ,   ଚନ୍ଦାହାଣ୍ଡି ଠାରୁ ଭବାନୀପାଟଣା  ଭାୟା ଉରୁମାଲ ଦେଭୋଗ ,  ଚନ୍ଦାହାଣ୍ଡି ଠାରୁ   ଜଗଦଳପୁର ଭାୟା ଉମରକୋଟ ସିଙ୍ଗସାରି  କୁ ସରକାରୀ ବସ  ଚଳାଚଳ  କରିବା ପାଇଁ  ବିଧାୟକ ନର୍ସିଙ୍ଗ ଭତ୍ରା ତାଙ୍କ ପତ୍ର ରେ ଉଲ୍ଲେଖ କରିଛନ୍ତି l ଏହା ସହ   ଜଳସେଚନ ସୁବିଧା ପାଇଁ   ଫୁଲଝରି କ୍ଷୁଦ୍ର ଜଳସେଚନ ପ୍ରକଳ୍ପର ପୁନଃ ଉଦ୍ଧାର ଏବଂ ବରୀ ନଦୀ ରେ ଜଳସେଚନ ପ୍ରକଳ୍ପ ନିର୍ମାଣ ଦିଗରେ ସେ ବିଶେଷ ପଦକ୍ଷେପ ନେବେ ବୋଲି ପ୍ରକାଶ କରିଛନ୍ତି l ଏ ଦିଗରେ ରାଜ୍ୟ ସଡ଼କ ପରିବହନ ମନ୍ତ୍ରୀ ଏକ ସ୍ୱତନ୍ତ୍ର ଦୃଷ୍ଟି ଦେଇ ପଦକ୍ଷେପ ନେବା କୁ ଝରିଗାଁ ନିର୍ବାଚନ ମଣ୍ଡଳବାସୀ ଦାବୀ କରିଛନ୍ତି