ଭୁବନେଶ୍ୱର, ୩୦।୪: ପ୍ରାଣୀ ଉଦ୍ୟାନ ନନ୍ଦନକାନନର ଉପନିର୍ଦ୍ଦେଶକଙ୍କ କାର୍ଯ୍ୟାଳୟରେ ପଶି ଖଣ୍ଡା ବୁଲାଇବା ସହ ଭଙ୍ଗାରୁଜା କରିଛନ୍ତି ୨ ଦୁର୍ବୃତ୍ତ । କାର୍ଯ୍ୟାଳୟରେ ଥିବା ଏସିଏଫଙ୍କୁ ୨ ଜଣ ଆକ୍ରମଣ କରିଥିଲେ । ୨ ଆକ୍ରମଣକାରୀଙ୍କୁ ଗିରଫ କରିବାରେ ସଫଳ ହୋଇଛି ନନ୍ଦନକାନନ ଥାନା ପୁଲିସ୍ । 

ଗତକାଲିର ଘଟଣା ପରେ ନନ୍ଦନକାନନ କର୍ତ୍ତୃପକ୍ଷ ଥାନାରେ ଅଭିଯୋଗ କରିଥିଲେ ଓ ପରେ ପୁଲିସର ତନାଘନା ଆରମ୍ଭ ହୋଇଥିଲା । ପରେ ସିସିଟିଭି ଆଧାରରେ ୨ ଦୁର୍ବୃତ୍ତଙ୍କୁ ଧରିବା ପାଇଁ କମିଶନରେଟ୍ ପୁଲିସ ପକ୍ଷରୁ ଦୁଇଟି ଟିମ୍ ଗଠନ କରାଯାଇଥିଲା । ଦୁର୍ବୃତ୍ତଙ୍କୁ ଧରିବା ପାଇଁ ବିଭିନ୍ନ ଜାଗାରେ ଚଢ଼ାଉ ଚାଲିଥିଲା । ପରେ ନନ୍ଦନକାନନ ଥାନା ପୁଲିସ୍ ଆକ୍ରମଣକାରୀଙ୍କୁ ଗିରଫ କରିଥିବା ଜଣାପଡ଼ିଛି ।