ନୂଆଦିଲ୍ଲୀ: ବିହାର ବିଧାନସଭାରେ ଆସ୍ଥା ଭୋଟ ଜିତିଛନ୍ତି ନୀତୀଶ ସରକାର । ସରକାରଙ୍କ ସପକ୍ଷରେ ୧୨୯ ଟି ଭୋଟ୍ ପଡିଥିବାବେଳେ ବିରୋଧୀ ଦଳ ଗୋଟିଏ ବି ଭୋଟ୍ ପାଇନାହାଁନ୍ତି । ବିଜେପି ବିଧାୟକ ନନ୍ଦ କିଶୋର ଯାଦବ ମଙ୍ଗଳବାର ବିହାର ବିଧାନସଭାର ନୂତନ ବାଚସ୍ପତି ହେବାକୁ ଯାଉଛନ୍ତି । ସୂଚନାଥାଉକି, ବିହାରର ପୂର୍ବତନ ସଡକ ନିର୍ମାଣ ମନ୍ତ୍ରୀ ନନ୍ଦ କିଶୋର ଯାଦବ ଆସନ୍ତାକାଲି ସକାଳ ପ୍ରାୟ ସାଢେ ୧୦ଟା ବେଳେ ବିହାର ବିଧାନସଭା ବାଚସ୍ପତି ପଦ ପାଇଁ ନାମାଙ୍କନପତ୍ର ଦାଖଲ କରିବେ ।  

ନନ୍ଦ କିଶୋର ଯାଦବ ତାଙ୍କ ଛାତ୍ର ଦିନରୁ ରାଜନୀତିରେ ସକ୍ରିୟ ଥିଲେ । ସେ ରାଷ୍ଟ୍ରିୟ ସ୍ବୟଂ ସେବକ ସଂଗଠନର ସ୍ବେଚ୍ଛାସେବୀ ଭାବରେ ସାମାଜିକ ସେବା ଯାତ୍ରା ଆରମ୍ଭ କରିଥିଲେ।

ତାଙ୍କର ରାଜନୈତିକ ଯାତ୍ରା ଅଖିଳ ଭାରତ ବିଦ୍ୟାର୍ଥୀ ପରିଷଦରେ ଯୋଗଦେବା ସହିତ ଆରମ୍ଭ ହୋଇଥିଲା । ଏହି ସମୟ ମଧ୍ୟରେ ସେ ଲଗାତାର ୭ ଥର ପାଟନା ସାହିବ ଅଞ୍ଚଳରୁ ବିଧାୟକ ନିର୍ବାଚନରେ ଜିତିଛନ୍ତି । ସେ ଦୀର୍ଘ ଦିନ ଧରି ବିହାର ସରକାରରେ ସଡକ ନିର୍ମାଣ ମନ୍ତ୍ରୀ ଭାବରେ କାର୍ଯ୍ୟ କରିଥିଲେ । ଏହା ସହ ସେ ଗୃହରେ ବିରୋଧୀ ଦଳର ନେତା ଭୂମିକାରେ ଦାୟିତ୍ବ ତୁଲାଇଛନ୍ତି । ଏହି ଅବଧି ମଧ୍ୟରେ ସେ ବିହାରର ଅନେକ ପଦବୀରେ ଯୋଗଦାନ କରିଛନ୍ତି । ସେ ବିଜେପି ସହିତ ଅନେକ ସଂଗଠନରେ ବିଭିନ୍ନ ସୋପାନରେ କାର୍ଯ୍ୟ କରିଛନ୍ତି। ସେ ତାଙ୍କ ଘର ନିର୍ବାଚନମଣ୍ଡଳୀ ପାର୍ବୀ ପାଟନା (ପରେ ପାଟନା ସାହେବ) ବିଧାନସଭା ନିର୍ବାଚନ ମଣ୍ଡଳୀରୁ କ୍ରମାଗତ ସାତ ଥର ନିର୍ବାଚିତ ହୋଇଛନ୍ତି ।