ପ୍ରମୁଖ ଖବର
  • ବୁଧବାର ଅରୁଣ ଗୋଭିଲ, ଗୁରୁବାର ପୁଣି ଓଡିଶା ଆସିବେ ଜେ.ପି ନଡ୍ଡା
  • ||
  • ପ୍ରଯୋଜକ ବିଜୟ ପଟ୍ଟନାୟକଙ୍କ ପରଲୋକ, ଚିକିତ୍ସାଧୀନ ଅବସ୍ଥାରେ ତ୍ୟାଗ କଲେ ଶେଷ ନିଶ୍ୱାସ
  • ||
  • ନିର୍ବାଚନ ଡ୍ୟୁଟି ସାରି ଫେରୁଥିବା ବେଳେ ଦୁର୍ଘଟଣା : ଜଣେ ଆହତ, ଅଳ୍ପକେ ବର୍ତ୍ତିଲେ ୨୦ ପୋଲିସ କର୍ମଚାରୀ
  • ||
  • ରଥଖଳା ହାଲ୍‌ଚାଲ୍‌...ଶ୍ରୀନୃସିଂହ ଚତୁର୍ଦ୍ଦଶୀ ତିଥିରେ ଗୁଜ ଅନୁକୂଳ, ଖୋଳା ହେବ ଯନ୍ତା ଗାଡ଼
  • ||
  • ସ୍ୱାତୀ ମାଲିୱାଲଙ୍କୁ ମାଡ଼ ମାମଲା: ସିଏମ୍‌ ହାଉସ୍‌ରେ ବିଭବଙ୍କୁ ନେଇ ସିନ୍‌ ରିକ୍ରିଏଟ୍‌
  • ||
  • ମଦ ନୀତି ଦୁର୍ନୀତି ମାମଲା: କେଜ୍‌ରିୱାଲଙ୍କୁ ପୁଣି ୧୪ ଦିନ ରିମାଣ୍ଡରେ ନେବାକୁ ଇଡିର ଆବେଦନ
  • ||
  • IPL ପ୍ରଥମ କ୍ୱାଲିଫାୟର ମ୍ୟାଚ୍‌ରେ ମୁହାଁମୁହିଁ ହେବେ କୋଲକାତା- ହାଇଦ୍ରାବାଦ, ରନ୍‌ ବର୍ଷା କରିବେ ବ୍ୟାଟିଂ ପାୱାର ହାଉସ୍‌
  • ||
  • ବାତ୍ୟା ହେବନି..ଅବପାତ ହୋଇ ମିଆଁମାର ଯିବ: ଜିଏଫଏସ୍
  • ||

୨୦୨୪ ନିର୍ବାଚନ: ଝରିଗାଁରୁ ନରସିଂହ, ଡାବୁଗାଁରୁ ସୋମନାଥ ବିଜେପି ପ୍ରାର୍ଥୀ

ନବରଙ୍ଗପୁର, ୧୭।୪: ଜିଲ୍ଲାର ଝରିଗାଁ ଓ ଡାବୁଗାଁ ନିର୍ବାଚନମଣ୍ଡଳୀ ପାଇଁ ୨ ଜଣ ନୂଆ ଚେହେରାଙ୍କୁ ମୈଦାନକୁ ଓହ୍ଲାଇଛି ବିଜେପି । ଝରିଗାଁରୁ ନରସିଂହ ଭତ୍ରା ଓ ଡାବୁଗାଁରୁ ସୋମନାଥ ପୂଜାରୀଙ୍କୁ ପ୍ରାର୍ଥୀ କରିଛି ଦଳ । ପୂର୍ବରୁ ବିଜେଡି ଓ କଂଗ୍ରେସ ପ୍ରାର୍ଥୀ ଘୋଷଣା କରିସାରିଛନ୍ତି । ବିଜେଡିରୁ ଅଭିଜ୍ଞ ଓ ହେଭିୱେଟ୍‌ ନେତାମାନେ ପ୍ରାର୍ଥୀ ହୋଇଛନ୍ତି । ସେମାନଙ୍କୁ ଏଥର ଟକ୍କର ଦେବେ ବିଜେପି ଓ କଂଗ୍ରେସର ନବାଗତମାନେ । ଝରିଗାଁ ଆସନରେ ବିଜେଡିରୁ ପ୍ରାର୍ଥୀ ହୋଇଛନ୍ତି ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝୀ । ପୂର୍ବରୁ ୩ ଥର ବିଧାୟକ ହୋଇ ରାଜ୍ୟ ସରକାରଙ୍କ ବହୁ ଗୁରୁତ୍ୱପୂର୍ଣ୍ଣ ବିଭାଗରେ ମନ୍ତ୍ରୀ ହୋଇଛନ୍ତି । ଡାବୁଗାଁ ଆସନରୁ ପ୍ରାର୍ଥୀ ହୋଇଛନ୍ତି ବିଜେଡିର ଅଭିଜ୍ଞ ବିଧାୟକ ମନୋହର ରନ୍ଧାରୀ । ସେ ବି ୨ ଥର ନବରଙ୍ଗପୁର ବିଧାୟକ ଓ ଏବେ ଡାବୁଗାଁ ବିଧାୟକ ଅଛନ୍ତି । ସାଧାରଣ ନିର୍ବାଚନରେ କେବେ ହାରିନାହାନ୍ତି । ତାଙ୍କୁ ଏଠାରେ ଏଥର ଟକ୍କର ଦେବେ ନବାଗତ ବିଜେପିର ସୋମନାଥ ଏବଂ କଂଗ୍ରେସର ହାରାବତୀ ଗଣ୍ଡ । 

ଉଭୟ ନିର୍ବାଚନମଣ୍ଡଳୀରେ ଆଜି ପର୍ଯ୍ୟନ୍ତ ବିଜେପି ତୃତୀୟ ସ୍ଥାନରେ ରହିଆସିଛି । ଝରିଗାଁ ବିଜେପି ପ୍ରାର୍ଥୀ ନରସିଂହ ୨୦୧୯ରେ ଶିକ୍ଷକତା ଚାକିରି ଛାଡ଼ି ଦଳରେ ସାମିଲ ହୋଇଥିଲେ । ପଞ୍ଚାୟତ ନିର୍ବାଚନରେ ଜିଲ୍ଲା ପରିଷଦ ସଭ୍ୟ ପଦରେ ଲଢ଼େଇ କରି ପରାସ୍ତ ହୋଇଥିଲେ । ତା’ ପରଠୁ ତୃଣମୂଳସ୍ତରରୁ ସଂଗଠନ ସୁଦୁଢ଼ କରିବାରେ ଲାଗିପଡ଼ିଛନ୍ତି । ୨୦୧୯ରେ ଝରିଗାଁ ବିଜେପି ପ୍ରାର୍ଥୀ ପାଇଁ ଆଶାୟୀ ଥିଲେ । ଅଥଚ ପୂର୍ବତନ ସାଂସଦ ପର୍ଶୁରାମ ମାଝୀଙ୍କୁ ବିଜେପି ପ୍ରାର୍ଥୀ କରିବାରୁ ସେ ବାଦ୍‌ ପଡ଼ିଥିଲେ । ଏଥର ବିଜେପି ତାଙ୍କ ଉପରେ ଭରସା କରି ଟିକଟ ଦେଇଛି । ଡାବୁଗାଁ ବିଜେପି ପ୍ରାର୍ଥୀ ସୋମନାଥ ପେସାରେ ଜଣେ ଆଇନଜୀବୀ । ୨୦୧୪ରୁ ବିଜେପିରେ ସକ୍ରିୟ କର୍ମକର୍ତ୍ତା ଭାବେ ରହିଛନ୍ତି । ୨୦୨୨ ପଞ୍ଚାୟତ ସମିତି ସଭ୍ୟ ପଦରେ ପ୍ରତିଦ୍ୱନ୍ଦ୍ୱିତା କରି କମ୍‌ ଭୋଟରେ ପରାସ୍ତ ହୋଇଥିଲେ । ତଥାପି ତୃଣମୂଳସ୍ତରରେ ଦଳୀୟ ସଂଗଠନକୁ ସୁଦୃଢ଼ କରିବାରେ ଲାଗିଛନ୍ତି । ସୂଚନାଥାଉକି, ଏଠାରେ କଂଗ୍ରେସରୁ ପ୍ରାର୍ଥୀ ହୋଇଛନ୍ତି ପୂର୍ବତନ ବିଧାୟକ ଭୁଜବଳ ମାଝିଙ୍କ ଝିଅ ଡା. ଲିପିକା ମାଝି ।

  • prameyanews
  • PrameyaOdia
  • prameya
  • General Election 2024
  • Odisha election 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.