ପ୍ରମୂଖ ଖବର
  • ଚିଲିକାରେ ପୁଣି ଫସିଲା ଡଙ୍ଗା, ୧୦ ବାଇକ୍ ସହ ୨୦ରୁ ଅଧିକ ଯାତ୍ରୀ ଥିବା ସୂଚନା
  • ||
  • ରାମମନ୍ଦିରକୁ ବୋମାରେ ଉଡ଼ାଇଦେବାକୁ ଜୈସ୍‌-ଇ-ମହମ୍ମଦ ଧମକ, ଅଯୋଧ୍ୟାରେ ହାଇଆଲର୍ଟ
  • ||
  • କୁଏତରୁ ଓଡ଼ିଶା ଫେରିଲା ୨ଯୁବକଙ୍କ ମୃତଦେହ, ୪ ଲକ୍ଷ ଟଙ୍କାର ସହାୟତା ରାଶି ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • ଖୋର୍ଦ୍ଧା: ଭାରସାମ୍ୟ ହରାଇ ଓଲଟିଲା ବସ୍, ୪ ଆହତ
  • ||
  • ନିଧି ଫାଇନାନ୍ସ ଠକେଇ ମାମଲା: ତୁଷାର ଭଞ୍ଜଙ୍କ ସରିଲା ରିମାଣ୍ଡ, ଇଓଡବ୍ଲ୍ୟୁ ନିରାଶ
  • ||
  • ରଜ ସଂକ୍ରାନ୍ତିରେ ଘରେ ଘରେ ମଉଜ: ପିଠା ପଣାରେ ମହକୁଛି ଗାଁଠୁ ସହର, ସବୁଠି ଉତ୍ସବ ମୁଖର
  • ||
  • ଓଡ଼ିଶାରେ ଆଗେଇବ ମୌସୁମୀ: ୧୭ରୁ ପ୍ରବଳ ବର୍ଷା ଆଶଙ୍କା, ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

ଏକଜିଟ୍ ପୋଲ୍‌ରେ ଓଡିଶା ଲୋକସଭା ସିଟ୍ : ବିଜେପିର ବଢୁଛି ସଂଖ୍ୟା, ବିଜେଡିର କମୁଛି

ଭୁବନେଶ୍ବର,୧।୬  : ଦେଶରେ ସାଧାରଣ  ନିର୍ବାଚନ ଶେଷ ହୋଇଛି।  ଶନିବାର ଥିଲା ନିର୍ବାଚନର ଅନ୍ତିମ ପର୍ଯ୍ୟାୟ ମତଦାନ ପକ୍ରିୟା।  ନିର୍ବାଚନ ଫଳାଫଳ ଆସନ୍ତା ଜୁନ ୪ ତାରିଖରେ ପ୍ରକାଶ ପାଇବ।  ଫଳାଫଳକୁ ନେଇ ସମସ୍ତଙ୍କ ମନରେ ଭରି ରହିଛି ଉତ୍କଣ୍ଠା। ଏହା ପୂର୍ବରୁ ବିଭିନ୍ନ ଗଣମାଧ୍ୟମ ପକ୍ଷରୁ ଆସିଛି ଏକଜିଟ୍ ପୋଲ  ତଥା ବୁଥ ବାହୁଡା ମତ। ଓଡିଶାରେ  ଲୋକସଭା ଆସନରେ  ୨୦୧୯ ତୁଳନାରେ ବିଜେପି ଚମତ୍କାର ପ୍ରଦର୍ଶନ କରୁଥିବା ଆକଳନ କରାଯାଇଛି। ଆଉ ବିଜେଡି ଦୁଇ ଅଙ୍କ ଡେଇଁ ପାରୁ ନ ଥିବା  ସମସ୍ତ ଏକଜିଟ୍ ପୋଲରେ ଦର୍ଶାଯାଇଛି। ପୁଣି ଥରେ ଓଡ଼ିଶାରେ  କଂଗ୍ରେସ ସଫଳତା ହାସଲ କରିପାରୁ  ନାହିଁ।  ଏକଜିଟ ପୋଲ ଆକଳନ ଅନୁଯାୟୀ ଗତ ନିର୍ବାଚନ ତୁଳନାରେ ଚଳିତ ନିର୍ବାଚନରେ ବିଜେଡିର ସିଟ୍  କମୁଛି ଓ ବିଜେପିର ବଢୁଛି।

ଇଣ୍ଡିଆ ଟିଭିର ଏକଜିଟ ପୋଲ୍ ଅନୁଯାୟୀ ଓଡ଼ିଶାର ୨୧ଟି ଆସନ ମଧ୍ୟରୁ ବିଜେପି ୧୫ରୁ ୧୭ଟି ଆସନରେ ବିଜୟୀ ହେଉଛି। ସେହିପରି ବିଜେଡି ୪ରୁ ୬ଟି ଆସନ ମଧ୍ୟରେ ସୀମିତ ରହିବ। ଆଉ କଂଗ୍ରେସ ଗତ ନିର୍ବାଚନ ଭଳି ଚଳିତ ଥର ୦ରୁ ୧ଟି ଆସନ ହାତେଇବାକୁ ସକ୍ଷମ ହେବ। 

ସେହିପରି ଜନ-କି-ବାତ ଏକଜିଟ ପୋଲ୍  ଅନୁଯାୟୀ ବିଜେପି ୧୫ରୁ ୧୮ଟି  ଆସନ ଜିତୁଛି। ବିଜେଡିରୁ ଅତି ବେଶୀରେ ୩-୭ଟି ଆସନରେ ବିଜୟୀ ହୋଇପାରେ। କଂଗ୍ରେସ  କୌଣସି ଆସନ ହାସଲ କରିବାକୁ ସକ୍ଷମ ହେବ ନାହିଁ।

ଏନଡିଟିଭିର ଏକଜିଟ୍ ପୋଲ ଅନୁଯାୟୀ ବିଜେପି ୧୫ ସିଟ୍ ହାତଉଥିବା ବେଳେ ବିଜେଡି ୩ ରୁ ୮ଟି ସିଟ୍  ହାସଲ କରିବ। ଆଉ କଂଗ୍ରେସ ଓଡିଶାରେ ଖାତା ଖୋଲି ପାରୁ ନାହିଁ। 

ନ୍ୟୁଜ-୨୪ ଏକଜିଟ୍ ପୋଲ ଅନୁଯାୟୀ  ବିଜେପି ୧୬ଟି ଆସନ ହାତଉଥିବା ବେଳେ ବିଜେଡି ୪ଟି ଆସନ ହାସଲ କରିବ। କଂଗ୍ରେସ କୌଣସି ଆସନ ପାଇବ ନାହିଁ। 

 ଇଟିଜିର ସର୍ଭେ ଅନୁସାରେ ୨୧ଟି ଆସନରୁ ବିଜେପି ୧୩ ଟି ଓ ବିଜେଡିର ୮  ହାତେଇବ। କଂଗ୍ରେସ ଖାତା ଖୋଲି ପାରିବ ନାହିଁ। 

ଏକଜିଟ୍ ପୋଲର ସଂଖ୍ୟାକୁ ଦେଖିଲେ  ବିଜେଡିକୁ ଶକ୍ତ ଧକ୍କା ଲାଗୁଛି। ଗତ ନିର୍ବାଚନରେ ୧୨ଟି ସିଟ୍ ହାତେଇଥିବା ବେଳେ ଚଳିତ ସାଧାରଣ ନିର୍ବାଚନରେ ଦୁଇ ଅଙ୍କ ଆସନରେ ପହଞ୍ଚି ପାରୁ ନାହିଁ।  ବିଜେପି ସଫଳତା ହାସଲ କରୁଛି। 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.