ନୂଆଦିଲ୍ଲୀ: ଡିସେମ୍ବର ୪ ରୁ ଆରମ୍ଭ ହେବ ସଂସଦର ଶୀତକାଳୀନ ଅଧିବେଶନ । ଡିସେମ୍ବର ୨୨ ପର୍ଯ୍ୟନ୍ତ ଏହା ଚାଲିବ । କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ ଆଜି (ଗୁରୁବାର) ଏହି ସୂଚନା ଦେଇଛନ୍ତି ।
ପ୍ରହ୍ଲାଦ ଯୋଶୀ କହିଛନ୍ତି ଯେ, "ଶୀତ ଅଧିବେଶନରେ ୧୫ ଟି ବୈଠକ ହେବ, ଯାହା ଡିସେମ୍ବର ୪ ରୁ ଡିସେମ୍ବର ୨୨ ପର୍ଯ୍ୟନ୍ତ ଚାଲିବ । ଶୀତ ଅଧିବେଶନ ପ୍ରାୟତ ନଭେମ୍ବରର ତୃତୀୟ ସପ୍ତାହରେ ଆରମ୍ଭ ହୋଇଥାଏ, କିନ୍ତୁ କୁହାଯାଉଛି ଯେ, ୫ ରାଜ୍ୟରେ ବିଧାନସଭା ନିର୍ବାଚନ କାରଣରୁ ଏଥର ଏହା ହୋଇନାହିଁ ।
Winter Session, 2023 of Parliament will commence from 4th December and continue till 22nd December having 15 sittings spread over 19 days. Amid Amrit Kaal looking forward to discussions on Legislative Business and other items during the session.#WinterSession2023 pic.twitter.com/KiboOyFxk0
— Pralhad Joshi (@JoshiPralhad) November 9, 2023
ଏହି ଅଧିବେଶନ ଏପରି ଏକ ସମୟରେ ହେବ, ଯେତେବେଳେ କି ମଧ୍ୟପ୍ରଦେଶ, ରାଜସ୍ଥାନ, ଛତିଶଗଡ, ମିଜୋରାମ ଏବଂ ତେଲେଙ୍ଗାନାର ବିଧାନସଭା ନିର୍ବାଚନର ଫଳାଫଳ ଡିସେମ୍ବର ୩ ରେ ପ୍ରକାଶ ପାଇ ସାରିଥିବ ।
