ନୂଆଦିଲ୍ଲୀ,୨୫/୦୮: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି  ରବିବାର ଦେଶର ସ୍ୱୟଂ ସହାୟକ ଗୋଷ୍ଠୀ (ଏସ୍‌ଏଚ୍‌ଜି)  ଗୁଡିକ ପାଇଁ ୨୫୦୦ କୋଟି ଟଙ୍କାର ରଭଲ୍‌ଭିଂ ପାଣ୍ଠି ଜାରି  କରିବେ । ଏହା ଦ୍ୱାରା ୩.୪ ଲକ୍ଷ ଏସ୍‌ଏଚ୍‌ଜିର ୪୫ ଲକ୍ଷ  ମହିଳା ଲାଭବାନ ହୋଇପାରିବେ । ଦେଶର ବିଭିନ୍ନ ପ୍ରାନ୍ତରେ  ଆଜି ଅନୁଷ୍ଠିତ ହେଉଥିବା ଲକ୍ଷପତି ଦିଦି କାର୍ଯ୍ୟକ୍ରମରେ ଯୋଡ଼ି  ହେବେ ମୋଦି । ମହାରାଷ୍ଟ୍ରର ଜଲଗାଓଁ ଏବଂ ରାଜସ୍ଥାନର ଯୋଦ୍ଧପୁରକୁ ମୋଦିଙ୍କ ଗସ୍ତ କାର୍ଯ୍ୟକ୍ରମ ରହିଛି । ପ୍ରଧାନମନ୍ତ୍ରୀ  ନରେନ୍ଦ୍ର ୧୧ ଲକ୍ଷ ଲକ୍ଷପତି ଦିଦିଙ୍କୁ ପ୍ରମାଣପତ୍ର ବଣ୍ଟନ  କରିବେ । ସେହିଭଳି ୨.୩୫ ଲକ୍ଷ ଏସ୍‌ଏସଜିଙ୍କୁ ୫ ହଜାର  କୋଟିର ଋଣ ମଧ୍ୟ ଆବଣ୍ଟନ ହେବ । ଏହା ଦ୍ୱାରା ୨୫.୮  ଲକ୍ଷ ମହିଳା ଲାଭବାନ ହୋଇପାରିବେ। ଏଥିରେ ଓଡ଼ିଶାର ୯୭,୨୦୦ ଲକ୍ଷପତି  ଦିଦିଙ୍କୁ ପ୍ରମାଣପତ୍ର ମିଳିବ । ମହିଳାଙ୍କ  ସଶକ୍ତିକରଣ ଦିଗରେ କେନ୍ଦ୍ର ସରକାର  ଏଭଳି ଯୋଜନା ଆଣିବା ସହ ପ୍ରକ୍ରିୟାକୁ  ତ୍ୱରାନ୍ୱିତ କରୁଛନ୍ତି ।