ନୂଆଦିଲ୍ଲୀ – ନିକଟରେ କାନାଡାର ଜଷ୍ଟିନ ଟ୍ରୁଡୋ ସରକାରଙ୍କ ଇମିଗ୍ରେସନ ପଲିସିର ପରିବର୍ତ୍ତନରେ ବଢିଛି ଅଡ଼ୁଆ। ଯେଉଁଥି ପାଇଁ ପାଖାପାଖି ୭୦ହଜାର ଅନ୍ତରାଷ୍ଟ୍ରୀୟ ସ୍ନାତକ ଛାତ୍ରଛାତ୍ରୀଙ୍କୁ କାନାଡାରୁ ନିର୍ବାସିତ ହେବାର ବିପଦ ଘେରି ରହିଛି। ଏଥିରେ ବହୁ ସଂଖ୍ୟାରେ ଭାରତୀ ଛାତ୍ରଛାତ୍ରୀ ମଧ୍ୟ ସାମିଲ ଅଛନ୍ତି। 

ଟ୍ରୁଡୋ ସରକାରଙ୍କ ଏହି ନିଷ୍ପତ୍ତି ବିରୋଧରେ କାନାଡାରେ ଶହ ଶହ ଛାତ୍ରଛାତ୍ରୀ ସଡ଼କକୁ ଓହ୍ଲାଇଛନ୍ତି ଏବଂ ଟ୍ରୁଡୋ ସରକାରଙ୍କ ବିରୋଧରେ ଖୁବ୍‌ ବିରୋଧ ପ୍ରଦର୍ଶନ କରୁଛନ୍ତି। ଯେଉଁ ଛାତ୍ରଛାତ୍ରୀ ଏହି ସ୍ୱପ୍ନକୁ ନେଇ କାନାଡା ଆସିଥିଲେ ଯେ, ସେମାନେ ଏଠାରେ  ନିଜର ନୂଆ ଭବିଷ୍ୟତ ଗଢିବେ ,ସେମାନେ ଏବେ ଅଲଗା ଅଲଗା ସ୍ଥାନରେ ଖୁବ୍ ବିକ୍ଷୋଭ କରୁଛନ୍ତି। 

ମିଡ଼ିଆ ରିପୋର୍ଟ ମୁତାବିକ , କାନାଡାରେ ରହୁଥିବା ହଜାର ହଜାର ସ୍ନାତକ ଛାତ୍ରଛାତ୍ରୀଙ୍କ ଷ୍ଟଡି ପରମିଟ୍‌ ଚଳିତ ବର୍ଷର ଶେଷସୁଦ୍ଧା ସମାପ୍ତ ହେଉଛି, ଯାହାକି କାନାଡା ସରକାର ତାଙ୍କୁ ବଢାଇବାର ପକ୍ଷରେ ନାହାଁନ୍ତି। ନିର୍ବାସିତ କରାଯିବାର ଭୟରେ ଏହି ଛାତ୍ରଛାତ୍ରୀ ପୂରା କାନାଡାରେ ବିରୋଧ ପ୍ରଦର୍ଶନ କରୁଛନ୍ତି ଏବଂ ଦାବି କରୁଛନ୍ତି ଯେ, ତାଙ୍କର ଷ୍ଟଡି ପରମିଟକୁ ବୃଦ୍ଧି କରାଯାଉ ଏବ ଛାତ୍ରଛାତ୍ରୀଙ୍କୁ ସ୍ଥାୟୀ ନିବାସ ମଧ୍ୟ ଦିଆଯାଉ।

ଉଲ୍ଲେଖନୀୟଯେ, ବିରୋଧ ପ୍ରଦର୍ଶନକାରୀ ଛାତ୍ରଛାତ୍ରୀ କାନାଡାର ଅଲଗା ଅଲଗା ପ୍ରାନ୍ତରେ ରାଲି କରୁଛନ୍ତି। ଅନ୍ତରାଷ୍ଟ୍ରୀୟ ଛାତ୍ରଛାତ୍ରୀ ପ୍ରିନ୍ସ ଏଡୱର୍ଡ ଆଇଲ୍ୟାଣ୍ଡ (ପିଇଆଇ), ଓଣ୍ଟାରିୟୋ , ମ୍ୟାନିଟୋବା ଓ ବ୍ରିଟିଶ୍‌ କୋଲମ୍ୱିଆ ସହ ବିଭିନ୍ନ ପ୍ରାନ୍ତରେ କ୍ୟାମ୍ପ କରୁଛନ୍ତି ଏବଂ ରାଲି ଆଦି କରୁଛନ୍ତି। ଏହା ବ୍ୟତୀତ ଶହ ଶହ ଛାତ୍ରଛାତ୍ର ଇମ୍ରିଗେସନ ନୀତିରେ ପରିବର୍ତ୍ତନ ଦାବି କରି , ୩ ମାସରୁ ଅଧିକ ସମୟରୁ ବିଧାନସଭା ବାହାରେ ବିରୋଧ ପ୍ରଦର୍ଶନ କରୁଛନ୍ତି।