ନୂଆଦିଲ୍ଲୀ,୨୯/୫: ଗୁଜରାଟ ରାଜକୋଟ୍ ଟିଆର୍ପି ଗେମିଂ ଟ୍ରାଜେଡି ମାମଲାରେ ବଡ଼ ଖବର ସାମ୍ନାକୁ ଆସିଛି। ଏହି ଅଗ୍ନିକାଣ୍ଡରେ ଗେମିଂ ଜୋନର ମାଲିକ ପ୍ରକାଶ ହିରନ୍ ଜୀବନ୍ତ ଧଗ୍ଧ ହୋଇଥିବା ସୂଚନା । ତେବେ ଡିଏନ୍ଏ ଟେଷ୍ଟରୁ ଏହି ଖୁଲାସା ହୋଇଛି। ତାଙ୍କ ପାଖରେ ଗେମ୍ ଜୋନ୍ର ୬୦%ରୁ ଅଧିକ ସମ୍ପତ୍ତିର ମାଲିକାନା ଥିଲା। ନିଆଁ ଲାଗିବା ପରେ ତାଙ୍କୁ ଶେଷଥର ଲାଗି ସିସିଟିଭି ଫୁଟେଜ୍ରେ ଦେଖିବାକୁ ମିଳିଥିଲା। ଏହାପରେ ତାଙ୍କ ସହ ସମ୍ପର୍କ ଛିନ୍ନ ହୋଇଥିଲା। ଏନେଇ ମଙ୍ଗଳବାର ପୋଲିସ ସ୍ପଷ୍ଟ କରିଛି।
ତେବେ ରାଜକୋଟ୍ ଗେମିଂ ଜୋନ୍ ଅଗ୍ନିକାଣ୍ଡ ମାମଲାରେ ମୋଟ ୩୨ ଜଣଙ୍କ ମୃତ୍ୟୁ ହୋଇଛି। ଏହି ମୃତକଙ୍କ ମଧ୍ୟରେ ଗେମିଂ ଜୋନ୍ ମାଲିକ ପ୍ରକାଶ ହିରନ ମଧ୍ୟ ଏଥିରେ ସାମିଲ ଥିବା କୁହାଯାଉଛି। ଅଗ୍ନିକାଣ୍ଡ ବେଳର ସାମ୍ନାକୁ ଆସିଥିବା ସିସିଟିଭି ଫୁଟେଜରେ ପ୍ରକାଶ ହିରନ୍ ଘଟଣାସ୍ଥଳରେ ଉପସ୍ଥିତ ଥିବା ଦେଖିବାକୁ ମିଳିଛି। କେବଳ ସେତିକି ନୁହେଁ ତାଙ୍କ କାର୍ ମଧ୍ୟ ଘଟଣାସ୍ଥଳରୁ ମିଳିଛି। ଏହି ଦୁର୍ଘଟଣା ପରେ ପୋଲିସ ତାଙ୍କୁ ବହୁ ଖୋଜାଖୋଜି କରିଥିଲା । କିନ୍ତୁ ଏବେ ଡିଏନଏ ଟେଷ୍ଟରୁ ପ୍ରକାଶ ହିରନଙ୍କ ମୃତ୍ୟୁ ହୋଇଥିବା ସ୍ପଷ୍ଟ ହୋଇଛି ।