ଢେଙ୍କାନାଳ, ୨୩।୮: ରାଜ୍ୟରେ ଜଣଙ୍କ ପରେ ଜଣେ କୁବେର ଯନ୍ତ୍ରୀଙ୍କୁ ଧରୁଛି ଭିଜିଲାନ୍ସ । ଏବେ ଭିଜିଲାନ୍ସ ପଞ୍ଝାରେ ଜଣେ କୁବେର ରେଞ୍ଜ ଅଫିସର । ଢେଙ୍କାନାଳ ବନ ବିଭାଗର ସଦର ରେଞ୍ଜରେ କାର୍ଯ୍ୟରତ ଥିବା ଏହି ରେଞ୍ଜର ବିଭୂଦାନନ୍ଦ ମିଶ୍ରଙ୍କ କଳା ସମ୍ପତ୍ତିର ତାଲିକା ଏତେ ଲମ୍ବା ଯାହାକି ଭିଜିଲାନ୍ସକୁ ତାଜୁବ କରିଛି । ଢେଙ୍କାନାଳ ସହରର ରତନ ବଜାରସ୍ଥିତ ବିଭୂଦାନନ୍ଦଙ୍କ ବିଳାସପୁର୍ଣ୍ଣ ଆଲିଶାନ ବଙ୍ଗଳା ଉପରେ ଚଢ଼ାଉ ପରେ ତାଙ୍କ ବେଆଇନ ସମ୍ପତି ଠୁଳ ତାଲିକା ଭିଜିଲାନ୍ସ ହାତରେ ଲାଗିଛି । ଭୁବନେଶ୍ୱର ଓ ଢେଙ୍କାନାଳରେରେ ୮ଟି ଦାମୀ ଫ୍ଲାଟ୍, ଆଠଗଡ଼ରେ ଫାର୍ମ ହାଉସ୍, ହାଇଦ୍ରାବାଦରେ ଦୁଇଟି ଦାମୀ ପ୍ଲାଟ୍, ଢେଙ୍କାନାଳ ଓ ଭୁବନେଶ୍ୱରର ବିଭିନ୍ନ ଜାଗାରେ ଘର, ଅଧକେଜିରୁ ଉର୍ଦ୍ଧ୍ୱ ସୁନା ଗହଣା, ଦୁଇ ଦୁଇଟି ହୀରା ହାର, କୋଟିଏରୁ ଉର୍ଦ୍ଧ୍ୱ ଟଙ୍କା, ବ୍ୟାଙ୍କ ବାଲାନ୍ସ, ୨ଟି ଚାରି ଚକିଆ ଆଦି ବେଆଇନ ସମ୍ପତି ଠାବ କରିଛି ଭିଜିଲାନ୍ସ ।