ପ୍ରମୂଖ ଖବର
  • ସିଂହଦ୍ବାର ସମ୍ମୁଖରେ ଲାଗିଲା ତିନି ରଥ, ଗୁଣ୍ଡିଚା ଯାତ୍ରା ସାରି ବାହୁଡ଼ିଲେ ଶ୍ରୀଜିଉ
  • ||
  • ପୁରୀ: ନବଦିନାତ୍ମକ ଯାତ୍ରା ସାରି ବାହୁଡିବେ ନୀଳାଦ୍ରିନାଥ, ବାହୁଡ଼ାଦିଅଁଙ୍କ ପହଣ୍ଡି ବିଜେ
  • ||
  • ସୁନ୍ଦରଗଡ଼: ପ୍ରେମ କଳିକୁ ନେଇ ଡବଲ ମର୍ଡର, ପ୍ରେମିକା ଓ ତାର ସହପାଠୀକୁ ଛୁରୀ ଭୁସି ହତ୍ୟା କଲା ଡ୍ରାଇଭର୍ ପ୍ରେମିକ
  • ||
  • ଭୁବନେଶ୍ୱର: କଳାଭୂମି ନିକଟରେ ବୃଦ୍ଧଙ୍କ ଉପରେ ମାଡିଗଲା ବାଲି ବୋଝେଇ ଟ୍ରକ୍‌, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ୱିମ୍ବଲଡନ ଟାଇଟଲ ଲଢ଼େଇ: ଭେଟେରାନ ଜୋକୋଭିକଙ୍କୁ ହରାଇ କାର୍ଲୋସ ଅଲକାରାଜ ଚାମ୍ପିଅନ୍
  • ||
  • ସୋମବାରଠୁ ସିବିଏସ୍‌ଇ ସପ୍ଲିମେଣ୍ଟାରୀ ପରୀକ୍ଷା, ଉଭୟ ଦଶମ ଓ ଦ୍ୱାଦଶ ଛାତ୍ରଛାତ୍ରୀ ଦେବେ ଏକ୍ସଜାମ୍
  • ||
  • ବଙ୍ଗୋପସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ: ଆଜି ଦକ୍ଷିଣ- ଉତ୍ତର ଓଡ଼ିଶାରେ ପ୍ରବଳ ବର୍ଷା ସମ୍ଭାବନା
  • ||
  • ଜନ୍ମବେଦିରୁ ଶ୍ରୀମନ୍ଦିରକୁ ବାହୁଡିବେ ଚତୁର୍ଦ୍ଧାମୂର୍ତ୍ତି: ୧୨ଟାରେ ପହଣ୍ଡି, ୪ଟାରେ ରଥ ଟଣା
  • ||

ରଥଖଳା ହାଲ୍‌ଚାଲ୍‌... ଚାଲିଛି କଳସ, ପ୍ରଭା ଓ ଦୁଆରଘଡ଼ା କାମ

ପୁରୀ,୨୯/୦୬: ବେଶ୍‌ ତତ୍ପରତାରେ  ଚାଲିଛି ରଥ ନିର୍ମାଣ । ରଥ ଖଳାରେ କଳସ, ପ୍ରଭା ଓ ଦୁଆରଘଡ଼ା ଆଦି କାର୍ଯ୍ୟ ଜାରି ରହିଛି । ଏପଟେ ରଥକୁ ଜଗତପୃଷ୍ଠ ଶେଣୀ ଉଠାଇବା ସହ ରଥରେ ପଟା ବାଡ଼ିଆ ଚାଲିଛି । ରଥ ଅଗ୍ରଭାଗର ମୁଖ୍ୟ ଅଂଶ ହେଉଛି ‘କଳସ’ । କଳସର ବିଭିନ୍ନ ଅଂଶକୁ ଅଲଗା ଅଲଗା ତିଆରି କରାଯାଉଛି । ୨ଟି ଲେଖା ଦୁଆରଘଡ଼ା କାମ ହୋଇ ରଥକୁ ଡ଼େରା ଯାଇଥିବା ସ୍ଥଳେ ଆଉ ୨ଟି  ଲେଖା କାର୍ଯ୍ୟ ଶେଷ ହେବା ଉପରେ ।

କଳସ ମୁଖ୍ୟତଃ ହାଲୁକା ତଥା କଞ୍ଚା  କାଠରେ ତିଆରି କରାଯାଏ । ପ୍ରଥମେ କଳସର  ପିଣ୍ଡି ତିଆରି ସରିଲା । ଏବେ ପାଖୁଡ଼ା କାର୍ଯ୍ୟ  ଶେଷ ପର୍ଯ୍ୟାୟରେ । ରଥ କଳସରେ ୩୨  ଗୋଟି ପାଖୁଡ଼ା ଲାଗେ । ନିମ୍ନ ତୁମ୍ୱରେ ୧୬ଟି  ବିନ୍ଧ କରାଯାଏ । ସେଥିରେ ୧୬ଟି ପାଖୁଡା  ବସିବ । ତା’ଉପରେ ଚକା ଲାଗି ପୁଣି ୧୬ଟି  ପାଖୁଡା ଲାଗିବ । ତାହା ଉପରେ ରହିବ ତୁମ୍ୱ  ଓ ଡାଙ୍ଗିଆ । ବିଶ୍ୱକର୍ମାଙ୍କ କଳସ ନିର୍ମାଣ ସରିଲେ ସେଥିରେ ଆଲୁମିନିୟମ୍‌ ଚାଦର ବୁଲିବ  ।  ଚିତ୍ରକର ସେବକ ସେଥିରେ ରଙ୍ଗ ସାରିଲେ  ରଥରେ ସ୍ଥାପନ ହେବ । କାଠ କଳସ ଉପରେ  ଅଂଳାଶ୍ରୀ ଲାଗି ପିତ୍ତଳ କଳସ ଲାଗିବ ।

ଶୁକ୍ରବାର ରଥରେ ଜଗତପୃଷ୍ଠ ଶେଣୀ  ଉଠାଯାଇଛି । ରଥ ପୋଖରିଆରେ ପଡ଼ିଛି ପାଞ୍ଚ  ଶେଣୀ । ସିଂହାସନ ରହିବ ଶେଣୀ ଉପରେ । ରଥର ପ୍ରଭା କାମ ଆରମ୍ଭ ହୋଇଛି । ପ୍ରଭା  ହେଉଛି ସିଂହାସନର ଏକ ଅଂଶ । ଶ୍ରୀବିଗ୍ରହ  ପ୍ରଭାଙ୍କୁ ଆଉଜି ଅବସ୍ଥାନ କରିବେ । ଆଗକୁ ରଥରେ କନକମୁଣ୍ଡି କାମ ହେବ । ଦୋଳବେଦି  ଅସ୍ଥାୟୀ କମାର ଶାଳରେ ଓଝା ସେବକମାନେ  ତିନି ରଥର ୧୦ଟି ଲେଖାଏଁ ଗୁଣ୍ଠି କଣ୍ଟା, କଳସ  କଣ୍ଟା ଆଦି ଲୌହ ସାମଗ୍ରୀ ତିଆରୁଛନ୍ତି ।  ଚିତ୍ରକର ସେବକମାନେ ପାଶ୍ୱର୍ ଦେବାଦେବୀ,  ଓଲଟ ଶୁଆ ଆଦି ରଙ୍ଗ କରୁଛନ୍ତି । ଦର୍ଜୀ ସେବକମାନେ ଶ୍ରୀମନ୍ଦିର କାର୍ଯ୍ୟାଳୟରେ ରଥ  ମଣ୍ଡଣୀ ପାଇଁ କନା ସିଲାଇରେ ଲାଗିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.