ପ୍ରମୁଖ ଖବର
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ଆଇପିଏଲ୍‌ରେ ୩୦୦୦ ରନ୍‌ ପୂରଣ କଲେ ଋଷଭ ପନ୍ତ, ବିରାଟ-ରୋହିତଙ୍କୁ ପଛରେ ପକାଇଲେ ଦିଲ୍ଲୀ କ୍ୟାପ୍ଟେନ୍

ନୂଆଦିଲ୍ଲୀ: ଲକ୍ଷ୍ନୌ ସୁପର ଜ୍ୟାଣ୍ଟସକୁ ଦିଲ୍ଲୀ ୬ ଓ୍ବିକେଟରେ ହରାଇଥବା ବେଳେ ଦଳର ଅଧିନାୟକ ବହୁତ ବଡ଼ ରେକର୍ଡ କରିଛନ୍ତି । ଡିସିର ଅଧିନାୟକ ଋଷଭ ପନ୍ତ ୪୧ ରନ୍‌ ଖେଳି ଦଳୀୟ ବିଜୟରେ ଶ୍ରେଷ୍ଠ ଯୋଗଦାନ ଦେଇଥିଲେ । ଟି-୨୦ ବିଶ୍ବକପ୍‌ ପୂର୍ବରୁ ପନ୍ତଙ୍କ ପ୍ରଦର୍ଶନ ଉପରେ ସମସ୍ତଙ୍କ ନଜର ରହିଛି । ଏଭଳି ସମୟରେ ଲକ୍ଷ୍ନୌ ବିପକ୍ଷରେ ପନ୍ତ ୪୧ ରନ୍‌ କରିବା ସହ ଆଇପିଏଲ୍‌ କ୍ୟାରିୟରରେ ୩୦୦୦ ରନ୍ ପୂରଣ କରିଛନ୍ତି । ଡେବ୍ୟୁ କରିବା ପାଖରୁ ଋଷଭ ପନ୍ତ ଦିଲ୍ଲୀ ଟିମ ପକ୍ଷରୁ ଖେଳିଆସିଛନ୍ତି । 

ସେ ଗୋଟିଏ ଟିମ୍‌ ପାଇଁ ୩୦୦୦ ରନ୍‌ ପୂରଣ କରିବା ମାମଲାରେ ୧୧ ତମ ଖେଳାଳି ଭାବେ ରେକର୍ଡ କରିଛନ୍ତି । ଏହା ବ୍ୟତୀତ ପନ୍ତ ବିରାଟ କୋହଲି ଏବଂ ରୋହିତ ଶର୍ମାଙ୍କୁ ପଛରେ ପକାଇ ଦେଇଛନ୍ତି । ଆଇପିଏଲ ଇତିହାସରେ ସବୁଠୁ କମ ପାଳି ଖେଳି ୩୦୦୦ ରନ୍‌ ପୂରା କରିଥିବା ଖେଳାଳିଙ୍କ ତାଲିକାରେ ଶୀର୍ଷରେ ଅଛନ୍ତି କେଏଲ ରାହୁଲ । ୮୦ ପାଳିରେ ସେ ଏହି ରେକର୍ଡ କରିଥିଲେ । ତାଙ୍କ ପରେ ଶୁଭମନ ଗିଲ ୯୪ଟି ପାଳିରେ ଏହି ରେକର୍ଡ କରିଥିବା ବେଳେ ୧୦୩ ପାଳି ଖେଳି ୩ ହଜାର ରନ୍ କ୍ଲବରେ ସାମିଲ ହୋଇଛନ୍ତି ଋଷଭ ପନ୍ତ । 

ସେପଟେ ରୋହିତ ଶର୍ମା ୧୦୯ ପାଳି ଏବଂ ବିରାଟ କୋହଲି ୧୧୦ ପାଳି ଖେଳି ୩ ହଜାର ରନ୍ ସଂଗ୍ରହ କରିପାରିଥିଲେ । ଋଷଭ ପନ୍ତ ଦିଲ୍ଲୀ ଟିମର ପ୍ରଥମ ଖେଳାଳି ଯିଏ ୩ ହଜାର ରନ୍ ପୂରଣ କରିବାରେ ସଫଳ ହୋଇଛନ୍ତି । ସେ ୨୦୨୮ ବଲରେ ଏହ ରନ୍ କରିବା ସହ ୟୁଶୁଫ ପଠାନଙ୍କ ରେକର୍ଡ ଭାଙ୍ଗିଛନ୍ତି । ଆଇପିଏଲରେ ଏବେ ସୁଦ୍ଧା ପନ୍ତ ୧୦୪ଟି ମ୍ୟାଚ୍‌ ଖେଳି ୩୦୩୨ ରନ କରିଛନ୍ତି । ଯେଉଁଥିରେ ଗୋଟିଏ ଶତକ ଏବଂ ୧୭ଟି ଅର୍ଦ୍ଧାତକ ରହିଛି । 

 

  • IPL 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.