ପୁରୀ,୧୮/୦୬: ଜୁନ୍ ୨୨ ରେ ପବିତ୍ର ଦେବ ସ୍ନାନ ପୂର୍ଣ୍ଣିମା, ଜୁଲାଇ ୨୨ରେ ରଥଯାତ୍ରା। ଏନେଇ ଶ୍ରୀମନ୍ଦିର କାର୍ଯ୍ୟାଳୟରେ ଦଇତାପତି ନିଯୋଗ ସହ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଗୁରୁତ୍ବପୂର୍ଣ୍ଣ ବୈଠକ । ଏହି ବୈଠକରେ ଚଳିତ ବର୍ଷ ମହାପ୍ରଭୁଙ୍କ ସ୍ନାନ ଯାତ୍ରା କିଭଳି ସୁରୁଖୁରୁରେ ଆୟୋଜନ ହୋଇପାରିବ, । ସ୍ନାନ ଯାତ୍ରା ପାଇଁ ଶୃଙ୍ଖଳିତ ନୀତି କାନ୍ତି, ପହଣ୍ଡି, ହାତୀବେଶ ଓ ଅନ୍ୟାନ୍ୟ ପ୍ରସଙ୍ଗରେ ଆଲୋଚନା ହୋଇଛି। ଏହି ବୈଠକରେ ଜିଲ୍ଲାପାଳ, ଦଇତାପତି ନିଯୋଗ ସଭାପତି, ସମ୍ପାଦକଙ୍କ ସହ ନିଯୋଗର ସଦସ୍ୟ ଉପସ୍ଥିତ।
ସୂଚନା ମୁତାବିକ, ୧୯ରେ ଚମ୍ପକ ଦ୍ୱାଦଶୀ, ୨୦ରେ ଦଇତାପତି ପ୍ରବେଶ, ୨୧ରେ ଚତୁର୍ଥୀ ହୋମ ଓ ସେନାପଟା ଲାଗି, ୨୨ରେ ଦେବସ୍ନାନ ପୂର୍ଣ୍ଣିମା । ଦେବସ୍ନାନ ପୂର୍ଣ୍ଣିମା ଦିନ ୧୨ଟା ୨୦ରୁ ୧ଟା ୪୫ ଭିତରେ ଜଳ ବିଜେ ପୂଜା ଏବଂ ସ୍ନାନ ନୀତି ସରିବ । ୩ଟାରେ ଛେରା ପହଁରା, ୩ଟା ୪୦ରେ ହାତୀ ବେଶ ସନ୍ଧ୍ୟା ସାଢ଼େ ୭ରୁ ସାଢ଼େ ୧୦ ସାହାଣ ମେଲା ହେବ ବୋଲି ପ୍ରଶାସନ ନୀତି ନିର୍ଘଣ୍ଟ ହୋଇଛି।
