ନୀଳଗିରି, ୦୨/୯ : ବାଲେଶ୍ୱର ଜିଲ୍ଲା ନୀଳଗିରି ପୋଷ୍ଟ ଅଫିସ ଆଗରେ ଘଟିଛି ତୁମୁଳକାଣ୍ଡ। ୫୦୦ରୁ ଉର୍ଦ୍ଧ୍ଵ ହିତାଧିକାରୀ ଲାଇନରେ ଛିଡା ହେବା ବେଳେ ହେଲା ଠେଲାପେଲା ଓ ପାଟିତୁଣ୍ଡ। ଲାଇନରେ ଠିଆ ହୋଇଥିବା ମହିଳାଙ୍କୁ ଠେଲି ପଛରେ ଠିଆ ହୋଇଥିବା କିଛି ଲୋକ ଆଗକୁ ଯିବାରୁ ପାଟିତୁଣ୍ଡ ହୋଇଛି। 

ସୂଚନାନୁଯାୟୀ, ନୀଳଗିରି ପୋଷ୍ଟ ଅଫିସ ଆଗରେ ଆଧାର ସଂଶୋଧନ କରିବାକୁ ଶତାଧିକ ହିତାଧିକାରୀମାନେ ସୋମବାର ଭୋର ଠାରୁ ଛିଡା ହୋଇଥିଲେ। ପ୍ରତ୍ୟେକ ଦିନ ୨୦ଟି ସଂଶୋଧନ ହେଉଥିବା ବେଳେ ଲାଇନରେ ଛିଡା ହୋଇଥିବା ମହିଳାଙ୍କୁ ଠେଲି ପଛରେ ଥିବା କିଛି ଲୋକ ଆଗକୁ ଯିବା ବେଳେ ଆରମ୍ଭ ହୋଇଥିଲା ପାଟିତୁଣ୍ଡ। ତେବେ ଘଟଣା ସ୍ଥଳରେ ପୋଲିସ ପହଞ୍ଚିବା ପରେ ସ୍ଥିତି ନିୟନ୍ତ୍ରଣକୁ ଆସିଥିଲା। ତେବେ ବ୍ଲକ, ଏନଏସି ଓ ଜନସେବାରେ ଆଧାର ସଂଶୋଧନ ବନ୍ଦ ହେବା ପରେ ଏଭଳି ପରିସ୍ଥିତି ଉପୁଜିଥିବା ଅଭିଯୋଗ ହୋଇଛି। ପୂର୍ବଭଳି ଏହି ସବୁ କେନ୍ଦ୍ରରେ ପୁଣି ଆଧାର ସଂଶୋଧନ କରିବାକୁ ସାଧାରଣରେ ଦାବି ହୋଇଛି।