ପଦ୍ମପୁର,୨୭/୦୯: ଶିକ୍ଷକ ଅଭାବ କାରଣରୁ ବିଦ୍ୟାଳୟରେ ତାଲା ପକାଇ ବାହାରେ ଧାରଣା ଦେଲେ ଛାତ୍ରଛାତ୍ରୀ ତଥା ଅବିଭାବକ । ବରଗଡ ଜିଲ୍ଲା ପଦ୍ମପୁର ଉପଖଣ୍ଡ କନସିଂହା ସରକାରୀ ପ୍ରାଥମିକ ବିଦ୍ୟାଳୟରେ ଏଭଳି ଦୃଶ୍ୟ ଦେଖିବାକୁ ମିଳିଛି ।

ସୂଚନା ମୁତାବକ, କନସିଂହା ସରକାରୀ ପ୍ରାଥମିକ ବିଦ୍ୟାଳୟରେ ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ୮୭ ଜଣ ଛାତ୍ରଛାତ୍ରୀ ମାନଙ୍କ ଶିକ୍ଷାଦାନ ପାଇଁ ଦୁଇ ଜଣ ଶିକ୍ଷକ ନିଯୁକ୍ତ ହୋଇଛନ୍ତି । ହେଲେ ଦୁଇ ଜଣ ଶିକ୍ଷକ ୮୭  ପିଲାଙ୍କ ଶିକ୍ଷାଦାନ କଲା ବେଳକୁ ଅସୁବିଧା ହେଉଛି । ଜଣେ ଶିକ୍ଷକ ଅଫିସ କାମରେ ବାହରକୁ ଗଲେ ଅନ୍ୟଜଣେ ଶୀକ୍ଷକ ୮୭ ଜଣ ପିଲାଙ୍କୁ ପାଠ ପଢାଇବା କଷ୍ଟକର ହୋଇପଡୁଛି । ଏହି ସବୁ ଅସୁବିଧାର ସମାଧାନ ପାଇଁ ଶନିବାର ଛାତ୍ରଛାତ୍ରୀ ଓ ଅବିଭାବକ ମାନେ ବିଦ୍ୟାଳୟକୁ ବନ୍ଦ କରି ଆନ୍ଦୋଳନ କରିଛନ୍ତି ।