ନୂଆଦିଲ୍ଲୀ,୮।୮: ଜୁନ୍ ମାସରେ ଭାରତୀୟ ବଂଶୋଦ୍ଭବ ମହାକାଶ ଯାତ୍ରୀ ସୁନିତା ଓ୍ବିଲିୟମ୍ସ ଓ ବୁଚ୍ ଓ୍ବିଲମୋର ମହାକାଶ ଯାତ୍ରାରେ ବାହାରିଥିଲେ। ୧୦ ଦିନରେ ପୃଥିବୀକୁ ଫେରିବାର ଥିଲା, କିନ୍ତୁ ଦୁଇ ମାସରୁ ଅଧିକ ସମୟ ହେଲାଣି ଫେରି ପାରୁନାହାନ୍ତି। ନାସା ସବୁ ପ୍ରକାର ଚେଷ୍ଟା କରିଛି,  ବୋଇଙ୍ଗ ଷ୍ଟାରଲିନରର ହିଲିୟମ୍ ଲିକ୍ ଏବଂ ଥ୍ରଷ୍ଟର ବିଫଳତା ଯୋଗୁ ତାଙ୍କର ପୃଥିବୀରେ ପ୍ରତ୍ୟାବର୍ତ୍ତନ କରିବାରେ ବିଳମ୍ବ ହେଉଛି। ଏବେ ନାସା ପକ୍ଷରୁ ଘଟଣାକ୍ରମ ସମ୍ପର୍କରେ ନୂଆ ଅପଡେଟ୍ ଦିଆଯାଇଛି। ନାସା ଅଧିକାରୀ କହିଛନ୍ତି, ବର୍ତ୍ତମାନ ଦୁଇ ମହକାଶ ଯାତ୍ରୀ ପୃଥିବୀକୁ ଆସିବାର ସମ୍ଭାବନା ଚଳିତ ବର୍ଷ ସମ୍ଭବ ନୁହେଁ। ଆସନ୍ତା ବର୍ଷ ଅର୍ଥାତ ଫେବୃଆରୀ ୨୦୨୫ ରେ ରେ ସମ୍ଭବ ହେବ। ତାଙ୍କୁ ଏଲନ୍ ମସ୍କଙ୍କ ରକେଟ ସ୍ପେସ୍‌ ଏକ୍ସ ଦ୍ବାରା ପୃଥିବୀକୁ ଅଣାଯିବ।

ନାସା ଅଧିକାରୀ କହିଛନ୍ତି, ସୁନିତା ଓ ଓ୍ବିଲମୋରଙ୍କୁ ଇଣ୍ଟରନ୍ୟାସନାଲ ସ୍ପେସ ସେଣ୍ଟରରୁ ପୃଥିବୀକୁ ଫେରାଇ ଆଣିବା ପାଇଁ ଷ୍ଟାରଲାଇନ୍‌ର ବ୍ୟତୀତ ଅନ୍ୟ ବିକଳ୍ପ ଉପରେ ମଧ୍ୟ ବିଚାର କରାଯାଉଛି। ନାସାର ଲକ୍ଷ୍ୟ ନିର୍ଦ୍ଧାରିତ ରଖିଛି ଯେ, ଫେବୃଆରୀ ୨୦୨୫ ବେଳକୁ କ୍ରୁ ଡ୍ରାଗନ୍ର ବିକଳ୍ପରେ  ପୁଣିଥରେ ଫେରାଇ ଅଣାଯାଇ ପାରେ। ଏଭଳି ଏଥିପାଇଁ ଯେ, ଷ୍ଟାରଲାଇନରରୁ ଯାତ୍ରୀଙ୍କୁ ଏବେ ବି ପୃଥିବୀକୁ ଫେରାଇ ଆଣିବା ଅସୁରକ୍ଷିତ। ସ୍ପେସ୍ ସେଣ୍ଟରରେ ବର୍ତ୍ତମାନ ସମସ୍ତ ୯ ମହାକାଶ ଯାତ୍ରୀ ସୁରକ୍ଷିତ ଅଛନ୍ତି। ତାଙ୍କ ପାଖରେ ପର୍ଯ୍ୟାପ୍ତ ଖାଦ୍ୟ ଏବଂ ଅନ୍ୟ ସମ୍ବଳ ରହିଛି। ତଥାପି ସମସ୍ତଙ୍କୁ ପୃଥିବୀ ଫେରାଇ ଆଣିବା ନାସା ପାଇଁ ସବୁଠାରୁ ବଡ଼ ଚ୍ୟାଲେଞ୍ଜ।