ପ୍ରମୁଖ ଖବର
  • ବୌଦ୍ଧ : ବାଇକ୍କୁ ଧକ୍କା ଦେଲା ରେଲୱେ ବିଭାଗର ବୋଲେରୋ, ବାଇକ୍ ଆରୋହୀ ମୃତ
  • ||
  • ଖରସ୍ରୋତାରେ ୨ ଭାଇ ନିଖୋଜ ଘଟଣା, ବଡ଼ଭାଇର ମୃତଦେହ ଉଦ୍ଧାର
  • ||
  • ବରଗଡ଼: ଡ଼ଭା ଛକରେ ପୋଲିସର ଚେକିଂ ବେଳେ ୬ ଲକ୍ଷ ୫୨ ହଜାର ୮୦୦ଟଙ୍କା ଜବତ, ୨ ଜଣ ଅଟକ
  • ||
  • ନନ୍ଦନକାନନରେ ଆଖିବୁଜିଲା ଧଳା ବାଘୁଣୀ ସ୍ନେହା, ଗୁରୁତର ଅବସ୍ଥାରେ ଚାଲିଥିଲା ଚିକିତ୍ସା
  • ||
  • ନିର୍ଘାତ ତାତି: ସାଢ଼େ ୮ଟା ସୁଦ୍ଧା ୩୫ ଡିଗ୍ରୀ ଉପରେ ତାଳଚେର ତାପମାତ୍ରା, ୩୦ ଡିଗ୍ରୀ ଉପରେ ୧୪ ସହର ପାରଦ
  • ||
  • ସୁନା ଦରରେ ଲାଗିଲା ବ୍ରେକ୍‌, ୨୪ କ୍ୟାରେଟ୍‌ ସୁନା ଦର ୩୩୦ ଟଙ୍କା ହ୍ରାସ
  • ||
  • ବିଦ୍ରୋହୀ ବିଗାଡ଼ିବେ ଅଙ୍କ, ଚିନ୍ତାରେ ବିଜେପି: ପ୍ରଥମ ଦଫା ଭୋଟ ପାଇଁ ନାମାଙ୍କନ ଆରମ୍ଭ,ଜୟପୁର ପାଇଁ ପ୍ରାର୍ଥୀ ପାଉନି ଦଳ
  • ||
  • ନିୟମଗିରିରେ ମ୍ୟାଲେରିଆ ଆତଙ୍କ: ବହୁସଂଖ୍ୟାରେ ଡଙ୍ଗରିଆ ପୀଡ଼ିତ, ପହଞ୍ଚିଲା ଡାକ୍ତରୀ ଟିମ୍
  • ||
  • ବିଜେଡି ଛାଡ଼ି ବିଜେପି ଯିବେ ପ୍ରସନ୍ନ ପାଟ୍ଟଶାଣୀ ! ଆଜି ହୋଇପାରେ କିଛି ବଡ଼ ଘୋଷଣା
  • ||
  • IPL 2024 : ସୁପର ଜାଏଣ୍ଟସ୍‌କୁ ଭେଟିବ ସୁପରକିଙ୍ଗସ୍, ଏକାନ୍ନା ଷ୍ଟାଡ଼ିୟମ୍‌ର ଦେଖିବାକୁ ମିଳିବ ସଂଘର୍ଷପୂର୍ଣ୍ଣ ମ୍ୟାଚ୍‌
  • ||
  • ଗଣତନ୍ତ୍ରର ମହାପର୍ବ: ପ୍ରଥମ ପର୍ଯ୍ୟାୟରେ ୧୭ ରାଜ୍ୟ ଓ ୪ କେନ୍ଦ୍ରଶାସିତ ଅଞ୍ଚଳର ୧୦୨ ଆସନରେ ମତଦାନ
  • ||
  • ବିପଜ୍ଜନକ ଖରା: ଆଜି ଅତି ଭୀଷଣ ଗ୍ରୀଷ୍ମ ପ୍ରବାହ ସମ୍ଭାବନା, ଆହୁରି ୩ ଦିନ ଜଳାଇବ, ୨୨ରୁ ହାଲୁକା ଆଶ୍ୱସ୍ତ
  • ||

ଗରମରେ ହୃଦୟର ନିଅନ୍ତୁ ଖାସ୍‌ ଯତ୍ନ, ନଚେତ୍‌ ହୋଇପାରେ ଏହି ସବୁ ବଡ ସମସ୍ୟା

ଭୁବନେଶ୍ୱର ୦୧/୦୩: ଦିନକୁ ଦିନ ବାହାରର ତାପମାତ୍ରା ବଢିବାରେ ଲାଗିଛି । ସେମିତି ଶରୀରର କାମ କରିବାର ଶୈଳୀରେ ମଧ୍ୟ ପରିବର୍ତ୍ତନ ଆସିଛି । ଫଳରେ ହୃଦୟକୁ ଅଧିକ ପରଶ୍ରମ କରିବାକୁ ପଡୁଛି । ଏହି ସ୍ଥିତିରେ ରକ୍ତକୁ ତୀବ୍ର ବେଗରେ ପମ୍ପିଂ କରିବାକୁ ପଡୁଛି, କାରଣ ଶରୀରର ତାପମାତ୍ରାକୁ ବଜାୟ ରଖିବା ଦରକାର । ଯଦି ଶରୀର ଭିତରୁ ଥଣ୍ଡା ନ ରହେ, ତେବେ ବ୍ୟକ୍ତିକୁ ହିଟ୍‌ ଷ୍ଟ୍ରୋକ୍‌ ହେବାର ଆଶଙ୍କା ବଢିଥାଏ । ଖରାଦିନେ ହୃଦୟକୁ ଅଧିକ ପରିଶ୍ରମ କରିବାକୁ ପଡିଥାଏ । ଏହି ପରିସ୍ଥିତିରେ ଯେଉଁ ଲୋକମାନଙ୍କୁ ପୂର୍ବରୁ ହୃଦ୍‌ ସମସ୍ୟା ରହିଥାଏ । ସେମାନଙ୍କୁ ହୃଦ୍‌ଘାତ କିମ୍ବା ଷ୍ଟ୍ରୋକ୍‌ ହେବାର ଆଶଙ୍କା ବଢିଥାଏ । ତେଣୁ ହୃଦ୍‌ ସମସ୍ୟା ଥିବା ଲୋକମାନେ ଗରମ ଦିନେ ନିଜର ଖାସ୍‌ ଯତ୍ନ ନେବା ଆବଶ୍ୟକ । 

ଅଧିକ ପାଣି ପିଅନ୍ତୁ :

କେତେକ ହୃଦ୍‌ରୋଗୀଙ୍କୁ କମ୍‌ ପାଣି ପିଇବାକୁ ପରାମର୍ଶ ଦିଆଯାଇଥାଏ । କିନ୍ତୁ ଖରାଦିନେ ଅଧିକ ମାତ୍ରାରେ ପାଣି ପିଇବା ଶୁଭପ୍ରଦ । ଏହାଦ୍ୱାରା ଶରୀରର ତାପମାତ୍ରା ବଜାୟ ରହିଥାଏ । ଏପରି କରିବା ଦ୍ୱାରା ଶରୀରରେ ପାଣିର ଅଭାବ ଦେଖା ଦେଇ ନଥାଏ । ଫଳରେ ଅନ୍ୟାନ୍ୟ ଅଙ୍ଗ ମଧ୍ୟ ଠିକ୍‌ ଭାବେ କାମ କରିଥାନ୍ତି । ପର୍ଯ୍ୟାପ୍ତ ପରିମାଣର ପାଣି ପିଇବା ଦ୍ୱାରା ହୃଦ୍‌ସ୍ପନ୍ଦନ ନିୟନ୍ତ୍ରିତ ରହିବା ସହ ଶରୀରରୁ ବିଷାକ୍ତ ପଦାର୍ଥ ବାହାରି ଯାଇଥାଏ । 

ସନ୍ତୁଳିତ ଖାଦ୍ୟ :

ଡାଏଟ୍‌ରେ ସମସ୍ତ ପ୍ରକାରର ପୋଷକ ତତ୍ତ୍ୱ ସାମିଲ୍‌ କରିବାକୁ ଚେଷ୍ଟା କରନ୍ତୁ । ସତେଜ ପନିପରିବା, ଶସ୍ୟ, ଡାଲି ଓ ଫଳ ଆଦି ନିଶ୍ଚୟ ସାମିଲ୍‌ କରନ୍ତୁ । ଜଙ୍କ୍‌ ଫୁଡ୍‌, ଛଣାଛଣି ଓ ତୈଳାକ୍ତ ଖାଦ୍ୟଠାରୁ ଦୂରେଇ ରୁହନ୍ତୁ । 

ଆବଶ୍ୟକଠାରୁ ଅଧିକ ବ୍ୟାୟାମ ଆଦୌ ନୁହେଁ :

ଗରମ ଦିନେ ଶରୀର ତାପମାତ୍ରା ଅଧିକ ରହିଥାଏ । ତେଣୁ ହୃଦୟକୁ ଅଧିକ ପରିଶ୍ରମ କରିବାକୁ ପଡିଥାଏ । ଏହି ସ୍ଥିତିରେ ଯଦି ଆପଣ ଅଧିକ ୱାର୍କଆଉଟ୍‌ କରନ୍ତି, ତେବେ ହୃଦୟକୁ ରକ୍ତ ସଞ୍ଚାଳନ ପାଇଁ ଆହୁରି ଅଧିକ ପରିଶ୍ରମ କରିବାକୁ ପଡିପାରେ । ତେଣୁ ଖରାଦିନେ ଘରେ ହିଁ ୱାର୍କଆଉଟ୍‌ କରନ୍ତୁ । ଆଉ ତାହା ପୁଣି ସକାଳ ୧୦ ପୁର୍ବରୁ କିମ୍ବା ୪ଟା ପରେ । କାରଣ ଦିନରେ ଅଧିକ ଗରମ ଅନୁଭୂତ ହୋଇଥାଏ । 

କ୍ୟାଫିନ୍‌ ଓ ମଦ୍ୟପାନ କରନ୍ତୁନି :

କ୍ୟାଫିନ୍‌ ଓ ମଦ ଶରୀରରୁ ପାଣିର ମାତ୍ରାକୁ କମ୍‌ କରି ଦେଇଥାଏ । ଯେଉଁ ଲୋକମାନେ ହୃଦ୍‌ରୋଗରେ ପୀଡିତ ସେମାନଙ୍କଠାରେ ଜଳୀୟ ଅଂଶର ଅଭାବ ଖୁବ୍‌ କ୍ଷତିକାରକ । ଗରମଦିନେ ଶରୀରକୁ ଅଧିକ ମାତ୍ରାର ପାଣି ଆବଶ୍ୟକ । ଏହାଦ୍ୱାରା ଶରୀରର ତାପମାତ୍ରା ବଜାୟ ରହିଥାଏ । କଫି, ଚା’ ଓ ମଦ ପିଇବା ଦ୍ୱାରା ଶରୀରରେ ପାଣିର ଅଭାବ ଦେଖାଦେଇଥାଏ । ତେଣୁ ଏହାଠାରୁ ଦୂରେଇ ରହିବା ଜରୁରି । ବିଶେଷକରି ଖରାଦିନେ ନିୟମିତ ସମୟ ଅନ୍ତରାଳରେ ହୃଦ୍‌ଘାତ ରୋଗୀ ଡାକ୍ତରଙ୍କ ପରାମର୍ଶ ନିଶ୍ଚୟ ନେବା ଆବଶ୍ୟକ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.