ନୂଆଦିଲ୍ଲୀ: ଆଇପିଏଲ୍‌ ପରେ ଟିମ୍‌ ଇଣ୍ଡିଆ ଟି-୨୦ ବିଶ୍ବକପ ଖେଳିବ । ଏହି ଟୁର୍ଣ୍ଣାମେଣ୍ଟ ଆମେରିକାରେ ଜୁନ୍‌ ୨ରୁ ଆରମ୍ଭ ହେବ । ଭାରତୀୟ ଟିମ ଆୟର୍ଲାଣ୍ଡ ବିପକ୍ଷରେ ଜୁନ୍‌ ୫ରେ ବିଶ୍ବକପ ଅଭିଯାନ ଆରମ୍ଭ କରିବ । ହେଲେ ରୋହିତ ବାହିନୀ ନିଜର ଗୁରୁତ୍ବପୂର୍ଣ୍ଣ ମୁକାବିଲା ଜୁନ୍‌ ୯ରେ ଖେଳିବ । ଏହି ଦିନ ଭାରତ ଏବଂ ପାକିସ୍ତାନ ମୁକାବିଲା ହେବ । ଏହି ମ୍ୟାଚ ଲାଗି ଆଇସିସି ଅମ୍ପାୟାରଙ୍କ ନାଁ ଘୋଷଣା କରିଛି । ଆଉ ଏହି ଘୋଷଣା ପରେ ଭାରତୀୟ ଟିମ୍‌ ଲାଗି ଚିନ୍ତା ବୃଦ୍ଧି ପାଇଛି । 

ଅମ୍ପାୟାରଙ୍କ ନାଁ ଘୋଷଣାକୁ ନେଇ ଭାରତୀୟ ଦଳ ଚିନ୍ତିତ ହେବାର କାରଣ କ’ଣ ? ଆସନ୍ତୁ ଜାଣିବା କାହିଁକି ଟିମ୍‌ ଇଣ୍ଡିଆ ପାଇଁ ଅଡ଼ୁଆ ଆଇସିସି ଏହି ଅମ୍ପାୟାରଙ୍କ ନାଁ ଘୋଷଣା । ଭାରତ ଏବଂ ପାକିସ୍ତାନ ମ୍ୟାଚ୍‌ରେ ରଡ୍‌ ଟକର ଏବଂ ରିଚାର୍ଡ ଇଲିଂଓ୍ବର୍ଥ ଅମ୍ପାୟାର ରହିବେ । ଇଲିଂଓ୍ବର୍ଥ ଟିମ୍‌ ଇଣ୍ଡିଆ ଲାଗି ଅନଲକି୍‌ ବୋଲି କୁହାଯାଏ । 

ସେ ଯେଉଁସବୁ ବଡ଼ ମ୍ୟାଚ୍‌ରେ ଅମ୍ପାୟାର ରହିଛନ୍ତି ସେହି ମ୍ୟାଚ୍‌ରେ ଭାରତକୁ ପରାଜୟ ଭୋଗିବାକୁ ପଡ଼ିଛି । ଇଲିଂଓ୍ବର୍ଥ ୨୦୧୯ ବିଶ୍ବକପ୍‌ ସେମିଫାଇନାଲ୍‌ରେ ଅମ୍ପାୟାର ଥିଲେ ଏବଂ ଟିମ୍‌ ଇଣ୍ଡିଆ ନ୍ୟୁଜିଲାଣ୍ଡ ପାଖରୁ ହାରିଥିଲା । ଏହା ପରେ ୨୦୨୧ ଏବଂ ୨୦୨୩ରେ ବିଶ୍ବ ଟେଷ୍ଟ ଚାମ୍ପିୟନଶିପ୍‌ ଫାଇନାଲରେ ଇଲିଂଓ୍ବର୍ଥ ଅମ୍ପାୟାରିଂ କରୁଥିଲେ । ଦୁଇ ଥର ଯାକ ଭାରତୀୟ ଦଳ ପରାଜର ବରଣ କରିଥିଲା । 

ପ୍ରଥମେ ନ୍ୟୁଜିଲାଣ୍ଡ ଏବଂ ପରେ ଅଷ୍ଟ୍ରେଲିଆ ଭାରତୀୟ ଟିମକୁ ହରାଇଥିଲା । ଆଉ ଏବେ ପାକିସ୍ତାନ ବିପକ୍ଷ ମ୍ୟାଚ୍‌ରେ ଇଲିଂଓ୍ବର୍ଥ ଅମ୍ପାୟାର ରହିବେ ।  ଏହାକୁ ନେଇ ଭାରତର କ୍ରିକେଟ ପ୍ରେମୀଙ୍କ ଚିନ୍ତା ବୃଦ୍ଧି ପାଇଛି । ସେପଟେ ଟି-୨୦ ବିଶ୍ବକପରେ ଭାରତର ଦୁଇ ଜଣ ଅମ୍ପାୟାର ଅଂଶଗ୍ରହଣ କରିବେ । ଜୟରମଣ ମଦନଗୋପାଳ ଏବଂ ନୀତିନ ମେନନ୍‌ ଅମ୍ପାୟାରିଂ କରିବେ ।

ଏହା ବ୍ୟତୀତ ବାଂଲାଦେଶର ଶାହିଦ ସୌକତ ପ୍ରଥମ ଥର ଏହି ଟୁର୍ଣ୍ଣାମେଣ୍ଟରେ ଅମ୍ପାୟାର ହେବେ । କ୍ରିସ୍‌ ବ୍ରାଉନ୍‌, କୁମାର ଧର୍ମସେନା, କ୍ରିସ୍‌ ଗୗଫନୀ, ମାଇକେଲ୍‌ ଗଫ୍‌, ରଚାର୍ଡ   କ୍ୟାଟଲବୋରା ,ପଲ ରାଇଫଲ୍‌, ରଡ୍‌ ଟକର, ଏଲେକ୍ସ ଓ୍ବାର୍ଫ ମଧ୍ୟ ଟି-୨୦ ବିଶ୍ବକପ୍‌ରେ ଅମ୍ପାୟାରିଂ କରିବେ ।