ନୂଆଦିଲ୍ଲୀ,୫/୧୨ : ୫ରାଜ୍ୟରୁ ଗୋଟିଏ ରାଜ୍ୟରେ ସରକାର ଗଢିବାକୁ ଯାଉଛି କଂଗ୍ରେସ । ଏଥିଲାଗି କଂଗ୍ରେସ ମୁଖ୍ୟମନ୍ତ୍ରୀ ପଦ ପାଇଁ ରେବନ୍ତ ରେଡ୍ଡୀଙ୍କ ନାଁକୁ ଚୁଡ଼ାନ୍ତ କରିଛି । ଏଥିପାଇଁ ସମସ୍ତ ପ୍ରସ୍ତୁତି ପ୍ରାୟ ଶେଷ ପର୍ଯ୍ୟାୟରେ । ଆସନ୍ତା ଡିସେମ୍ବର ୭ତାରିଖରେ ରେବନ୍ତ ରେଡ୍ଡୀ ଶପଥ ଗ୍ରହଣ କରିବେ । ତାଙ୍କ ସହ କିଛି ମନ୍ତ୍ରୀ ମଧ୍ୟ ଶପଥ ନେବାର କାର୍ଯ୍ୟକ୍ରମ ରହିଛି ।
ଏଏନଆଇର ସୂଚନା ମୁତାବକ ହାଇଦ୍ରାବାଦରେ ସିଏଲପି ବୈଠକରେ ସର୍ବସମମ୍ମତି କ୍ରମେ ଏହି ନିର୍ଣ୍ଣୟ ନିଆଯାଇଛି । ସିଏମ୍ ନିଯୁକ୍ତ କରିବାର ଅନ୍ତିମ ନିର୍ଣ୍ଣୟ ପାର୍ଟି ହାଇକମାଣ୍ଡ ଉପରେ ଛଡ଼ାଯାଇଛି । ଏହି ମାମଲାକୁ ନେଇ କଂଗ୍ରେସ ନେତା ରାହୁଲ ଗାନ୍ଧୀ କହିଛନ୍ତି କି ଏହାର ନିର୍ଣ୍ଣୟ ବି ନିଆଯାଇଛି । ପ୍ରକାଶ ଯେ, ସେ ନାଁର ଖୁଲାସା କରିନାହାନ୍ତି । ଦିଲ୍ଲୀରେ ହୋଇଥିବା ବୈଠକରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ଏବଂ ରାହୁଲ ଗାନ୍ଧୀଙ୍କ ବ୍ୟତୀତ ରାଷ୍ଟ୍ରୀୟ ମହାସଚିବ କେସି ବେଣୁଗୋପାଳଙ୍କ ସମେତ କେତେକ ନେତା ସାମିଲ ଥିଲେ ।
ତେଲେଙ୍ଗାନାରେ କଂଗ୍ରେସର ବିଜୟ ଅଭିଯାନର ଚେହେରା ରହିଥିବା ରେବନ୍ତ ରେଡ୍ଡୀଙ୍କୁ ପାର୍ଟିର ବରିଷ୍ଠ ନେତାଙ୍କ ବିରୋଧୀ ସାମ୍ନା କରିବାକୁ ମଧ୍ୟ ପଡ଼ୁଛି । ରାଜ୍ୟ କଂଗ୍ରେସର ନେତାଙ୍କ ତରଫରୁ କରାଯାଉଥିବା ବିରୋଧ ପରେ ମୁଖ୍ୟମନ୍ତ୍ରୀ ପଦ ଲାଗି ଆସନ୍ତାକାଲି ସନ୍ଧ୍ୟାରେ ହେବାକୁ ଥିବା ଶପଥ ଗ୍ରହଣ ସମାରୋହକୁ ରଦ୍ଦ କରିବାକୁ ପଡ଼ିଥିଲା ମଧ୍ୟ । ଏହାପରେ ପୁଣି ନୂଆ ଚେହେରାକୁ ନେଇ ଚର୍ଚ୍ଚା କରାଯାଉଛି ।
ଏହି ବିରୋଧିଙ୍କ ମଧ୍ୟରେ ରହିଛନ୍ତି ପୂର୍ବତନ ରାଜ୍ୟ କଂଗ୍ରେସର ପ୍ରମୁଖ ଏନ ଉତ୍ତମ କୁମାର ରେଡ୍ଡୀ, ପୂର୍ବତନ ସିଏଲପି ନେତା ଭଟ୍ଟୀ ବିକ୍ରମାର୍କ, ପୂର୍ବତନ ମନ୍ତ୍ରୀ କୋମାଟିରେଡ୍ଡୀ, ବ୍ୟାଙ୍କଟ ରେଡ୍ଡୀ, ପୂର୍ବତନ ଉପମୁଖ୍ୟମନ୍ତ୍ରୀ ଦାମଦୋର ରାଜନରସିହ୍ମା ସାମିଲ ଅଛନ୍ତି ।
Also Read :-
