ପ୍ରମୂଖ ଖବର
  • ବଜେପି ଅଧ୍ୟକ୍ଷ ଜେପି ନଡ୍ଡା ରାଜ୍ୟସଭା ନେତା ନିର୍ବାଚିତ
  • ||
  • ୩ ଓ୍ବିକେଟ୍ ହରାଇ ସେମି ଫାଇନାଲ୍‌ରେ ଦକ୍ଷିଣ ଆଫ୍ରିକା, ୱେଷ୍ଟଇଣ୍ଡିଜ୍‌ର ବିଶ୍ୱକପ୍ ସ୍ୱପ୍ନ ଧୂଳିସାତ୍
  • ||
  • ଅଷ୍ଟାଦଶ ଲୋକସଭାର କାମଚଳା ବାଚସ୍ପତି ଭାବେ ଶପଥ ନେଲେ ଭର୍ତ୍ତୃହରି ମହତାବ
  • ||
  • ରୁଙ୍ଗଟା କାରଖାନାରେ ଅଘଟଣ, ଲୁହା ପ୍ଲେଟ୍ ଚାପି ହୋଇ ୨ ଶ୍ରମିକ ମୃତ
  • ||
  • ରି ଚେକିଂ ହେବ ୧୮ ହଜାର ମାଟ୍ରିକ୍‌ ଖାତା, ବୋର୍ଡରେ ଆବେଦନ କରିଛନ୍ତି ୫ ହଜାର ପରୀକ୍ଷାର୍ଥ
  • ||
  • କେନ୍ଦୁଝର: ରାସ୍ତା ପାରି ହେଉଥିବା ବେଳେ ମାଡ଼ିଗଲା ଟ୍ରକ୍, ମହିଳା ମୃତ
  • ||
  • ଭୋଗରାଇ: ବଙ୍ଗୀୟ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ସହଯୋଗୀ ଫେରାର୍
  • ||
  • ସୁପର ୮ରେ ଭାରତ-ଅଷ୍ଟ୍ରେଲିଆ ବଡ଼ ଲଢ଼େଇ: ନେଟ୍‌ ରନରେଟ୍‌ ହେବ ଖେଳ, ଖଳନାୟକ ସାଜିପାରେ ବର୍ଷା
  • ||
  • ସୋମବାରଠୁ ଅଷ୍ଟାଦଶ ଲୋକସଭାର ପ୍ରଥମ ଅଧିବେଶନ:୨୬ରେ ବାଚସ୍ପତି ନିର୍ବାଚନ, ୨୭ରେ ରାଜ୍ୟ ସଭା ବୈଠକ
  • ||
  • ଓଡ଼ିଶାର ୩୦ ଜିଲ୍ଲାକୁ ସମ୍ପୂର୍ଣ୍ଣ ଛୁଇଁଲା ମୌସୁମୀ ବାୟୁ, ଆସନ୍ତା ୩ ଦିନ ବିଭିନ୍ନ ଜିଲ୍ଲାରେ ବର୍ଷା ସମ୍ଭାବନା
  • ||

ଚିନ୍ତା ବଢ଼ାଉଛି ଟ୍ରେଡିଂ ସ୍କାମ୍, ୪ ମାସରେ ଉଡ଼ିଗଲାଣି ୧୭୫୦ କୋଟି

ନୂଆଦିଲ୍ଲୀ,୨୮/୦୫: ଏବେ ସାଇବର ଅପରାଧୀଙ୍କ ଉତ୍ପାତ ବଢ଼ିଚାଲିଛି । ଚିନ୍ତା ବଢ଼ାଇଛି ଟ୍ରେଡିଂ ସ୍କାମ । ଏଥିଯୋଗୁ ଗତ ୪ ମାସରେ ଉଡିଗଲାଣି ୧୭୫୦ କୋଟି । ନଭି ମୁମ୍ବାଇର ଜଣେ ୪୮ ବର୍ଷୀୟ ବ୍ୟକ୍ତି ଏଭଳି ସ୍କାମରେ ୧.୦୭ କୋଟି ଟଙ୍କା ହରାଇଛନ୍ତି । ଭାରତୀୟ ସାଇବର କ୍ରାଇମ କୋଅର୍ଡିନେସନ ସେଣ୍ଟର ୨୦,୦୪୩ଟି ଟ୍ରେଡିଂ ସ୍କାମ ରିପୋର୍ଟ କରିଛି । ୨୦୨୪ ଜାନୁଆରୀ-ଏପ୍ରିଲ ଅବଧିରେ ଏହି ସ୍କାମ ଗୁଡିକରେ ୧୪,୨୦୪.୮୩ କୋଟି ଟଙ୍କା ଜଡ଼ିତ ରହିଛି ।

ମୁମ୍ବାଇ ସାଇବାର ଠକେଇ ମାମଲାରେ ରବିବାର ୧୫ ଜଣଙ୍କ ବିରୋଧରେ ପୁଲିସ ମାମଲା ରୁଜୁ କରିଛି । ଏଥିରେ ଏକ ଆପ୍‌ ଏବଂ ୱେବ୍‌ସାଇଟ ମାଲିକ ମଧ୍ୟ ସାମିଲ ରହିଛନ୍ତି । ନଭି ମୁମ୍ବାଇର ବରିଷ୍ଠ ପୁଲିସ ଅଧିକାରୀ ଗଜାନନ କଦମ କହିଛନ୍ତି, ସାଇବର ଅପରାଧୀମାନେ ଲୋକଙ୍କୁ ବାରମ୍ବାର କଲ୍‌ କରିବା ସହ ସେୟାର ଟ୍ରେଡିଂ କଲେ ଭଲ ରିଟର୍ଣ୍ଣ ମିଳିବ ବୋଲି ପ୍ରଲୋଭିତ କରୁଛନ୍ତି ।

ବିଭିନ୍ନ ବ୍ୟାଙ୍କ ଆକାଉଣ୍ଟରେ ୧.୦୭ କୋଟି ଟଙ୍କା ଜମା କରିବାକୁ ଅପରାଧୀମାନେ ଏହି ବ୍ୟକ୍ତିଙ୍କୁ କହିଥିଲେ । ବ୍ୟକ୍ତି ଯେତେବେଳେ ତାଙ୍କ ନିବେଶ ଅର୍ଥର ରିଟର୍ଣ୍ଣ ମାଗିଲେ ଠକେଇ କରିଥିବା ବ୍ୟକ୍ତିଙ୍କ ଠାରୁ କୌଣସି ଉତ୍ତର ଆସି ନ ଥିଲା । ଏହା ପରେ ବ୍ୟକ୍ତି ଜଣକ ବାଧ୍ୟ ହୋଇ ପୁଲିସ ନିକଟରେ ଅଭିଯୋଗ କରିଥିଲେ । 

ଅନ୍‌ଲାଇନରେ ନିବେଶ, ଗେମିଂ ଆପ୍‌, ଆଲଗୋରିଦିମ ମାନିପୁଲେସନ, ବେଆଇନ ଋଣ ଆପ୍‌, ସେକ୍ସଟରସନ ଏବଂ ଓଟିପି ଫର୍‌ୱାର୍ଡ ଭଳି ଟୁଲ୍‌ଗୁଡିକୁ ବ୍ୟବହାର କରୁଛନ୍ତି ସାଇବର ଅପରାଧୀ । ସୂଚନା ମୁତାବକ, ୨୦୨୩ରେ ୧ ଲକ୍ଷ ନିବେଶ ସମ୍ପର୍କିତ ସ୍କାମ୍‌ ସାମ୍ନାକୁ ଆସିଥିଲା । ୪୫୯୯ ମାମଲାରେ ଭାରତୀୟ ୧୨୦ କୋଟି ଟଙ୍କା ହରାଇଥିଲେ । ସେହିଭଳି ନିବେଶ ସ୍କାମରେ ୬୨ ହଜାର ମାମଲା ସାମ୍ନାକୁ ଆସିଛି । ଏଥିରେ ୨୨୨ କୋଟି ଟଙ୍କା ହରାଇଛନ୍ତି ଲୋକେ ।

ଆଇଫୋରସିର ସିଇଓ ରାଜେଶ କୁମାର କହିଛନ୍ତି, ଦକ୍ଷିଣ ଏସିଆର ବିଭିନ୍ନ ସ୍ଥାନ ଯଥା ପୁରସାତ, କୋହକଙ୍ଗ, ସିହାନୌକଭିଲେ, କଣ୍ଡାଲ, ବାଭେଟ, ପୋଇପେଟ୍‌, କାମ୍ବୋଡିଆ, ଥାଇଲାଣ୍ଡ, ମାୟାଦି, କୋକୋ ଏବଂ ମ୍ୟାନ୍‌ମାର ଭଳି ସ୍ଥାନଗୁଡିକରୁ ଭାରତୀୟଙ୍କୁ ଟାର୍ଗେଟ କରୁଛନ୍ତି ସାଇବର ଅପରାଧୀ । ସାଇବର ଠକେଇକୁ ରୋକିବା ଲାଗି ସରକାର ୩.୨୫ ଲକ୍ଷ ସନ୍ଦିଗ୍ଧ ବ୍ୟାଙ୍କ ଆକାଉଣ୍ଟ ଏବଂ ୫.୩ ଲକ୍ଷ ସିମ୍‌ କାର୍ଡ ବ୍ଲକ କରିଛନ୍ତି । ସେହିଭଳି ୩୪୦୧ ସୋସିଆଲ ମିଡିଆ ଆକାଉଣ୍ଟକୁ ମଧ୍ୟ ଅଚଳ କରାଯାଇଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.