ନୂଆଦିଲ୍ଲୀ,୫/୬ : ମଲାୟଲମ ଅଭିନେତା ମାମୁଟ୍ଟିଙ୍କୁ କୌଣସି ପରିଚୟର ଆବଶ୍ୟକ ନାହିଁ । ୭୨ବର୍ଷର ବୟସରେ ସେ ବହୁ ଫିଟ୍ ନଜର ଆସୁଛନ୍ତି ଏବଂ ଏହି ବୟସରେ ବି ସେ ଆକ୍ସନ ଫିଲ୍ମ କରୁଛନ୍ତି । ମାମୁଟ୍ଟିଙ୍କ ବହୁତ ବଡ଼ ଫ୍ୟାନ ଫଲୋଇଂ ଅଛନ୍ତି ଏବଂ ତାଙ୍କ ଲାଗି ମଲୟାଲମ ଦର୍ଶକଙ୍କ ମଧ୍ୟରେ ବହୁତ କ୍ରେଜ୍ ଦେଖିବାକୁ ମିଳୁଛି ।
ଅଭିନେତାଙ୍କ ଲାଟେଷ୍ଟ ଫିଲ୍ମ ‘ଟର୍ବୋ’ । ଯାହା ବକ୍ସ ଅଫିସରେ କିଛି ଖାସ୍ କମାଲ୍ ଦେଖାଇପାରିନାହିଁ । ମଲୟାଲମ ଫିଲ୍ମ ‘ଟର୍ବୋ’ ଏବେ ଥିଏଟର୍ସରେ ଲାଗିଛି । କିନ୍ତୁ ଏହାର କଲେକ୍ସନ ବହୁ କମ୍ ବୋଲି କୁହାଯାଉଛି । ମାମୁଟ୍ଟୀ ଏହା ପୂର୍ବରୁ ଫିଲ୍ମ ‘ବ୍ରହ୍ମାୟୁଗମ’ରେ ନଜର ଆସିଥିଲେ ଏବଂ ସେହି ଫିଲ୍ମ ସଫଳ ହୋଇଥିଲା । କିନ୍ତୁ ‘ଟର୍ବୋ’ର କଲେକ୍ସନ କିଛି ଖାସ୍ ନଜର ଆସୁନାହିଁ । ମାତ୍ର ଏହାର ଫାଇନାଲ କଲେକ୍ସନ ଏବେ ଆସିବାରେ ବାକି ରହିଛି । ଏହା ପୂର୍ବରୁ ଏହାର ଓଟିଟିର ସୂଚନା ସାମ୍ନାକୁ ଆସି ସାରିଛି ।
‘ଟର୍ବୋ’ ଏବେ ଫିଲ୍ମ ହଲରେ ଲାଗିଛି ହୋଇପାରେ ଆଗକୁ ଏହାର କଲେକ୍ସନ ବି ବଢିପାରେ । ପ୍ରକାଶ ଯେ, ଫିଲ୍ମ ‘ଟର୍ବୋ’ର ଓଟିଟି ରିଲିଜକୁ ନେଇ କିଛି ଗୁରୁତ୍ବପୂର୍ଣ୍ଣ ସୂଚନା ସାମ୍ନାକୁ ଆସିଛ । ଗଣମାଧ୍ୟମ ରିପୋର୍ଟ୍ସ ଅନୁସାରେ ଫିଲ୍ମ ‘ଟର୍ବୋ’କୁ ଆମାଜନ ପ୍ରାଇମ ଭିଡ଼ିଓରେ ରିଲିଜ କରାଯିବ । ମାତ୍ର ଏହାର ରିଲିଜ ଡେଟ୍କୁ ନେଇ କେତେକ ସୂଚନା ସାମ୍ନାକୁ ଆସିନାହିଁ । କିନ୍ତୁ କୁହାଯାଉଛି କି ଏହି ଫିଲ୍ମକୁ ଜୁନ ମଧ୍ୟରେ ଓଟିଟିରେ ରିଲିଜ କରାଯିବ ।
ଫିଲ୍ମ ‘ଟର୍ବୋ’ ୨୩ମଇ ୨୦୨୪ରେ ରିଲିଜ ହୋଇଥିଲା ଏବଂ ଏହି ଫିଲ୍ମର କଲେକ୍ସନ ଏବେ ନିଜ ବଜେଟର ନିକଟତର ହୋଇଛି । ବ୍ୟସାଖ ଫିଲ୍ମ ‘ଟର୍ବୋ’ର ନିର୍ଦେଶନା କରିଛନ୍ତି ଏବଂ ଫିଲ୍ମର ବଜେଟ ୭୦କୋଟିର ପାଖାପାଖି ବୋଲି କୁହାଯାଉଛି । ଏହି ଫିଲ୍ମକୁ ଦର୍ଶକଙ୍କ ଭଲପାଇବା ମିଳୁଛି ମାତ୍ର କଲେକ୍ସନ ତା’ର ଧିମା ରହିଛି ।
