ନୂଆଦିଲ୍ଲୀ: ଚଳିତ ବର୍ଷ ଶେଷ ଭାଗରେ ଆମେରିକାରେ ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେବାକୁ ଯାଉଛି । ତେବେ କାର୍ଯ୍ୟକାଳ ଶେଷ କରିବା ପୂର୍ବରୁ ମଧ୍ୟ ରାଷ୍ଟ୍ରପତି ଜୋ ବାଇଡେନଙ୍କ ପାଇଁ ଏକ ନୂଆ ଅଡୁଆ ସୃଷ୍ଟି ହୋଇଛି । ବାସ୍ତବରେ ଜୋ ବାଇଡେନଙ୍କ ପୁଅ ହଣ୍ଟର୍ ବାଇଡେନ ଏବେ ଅସୁବିଧାର ଜାଲରେ ଫସିଛନ୍ତି । ଅପରାଧିକ ମାମଲାର ଶୁଣାଣିକୁ ଏଡାଇବା ପାଇଁ ହଣ୍ଟର୍ ବାଇଡେନ ଫେଡେରାଲ୍ ଟ୍ୟାକ୍ସ ଅଭିଯୋଗକୁ ସ୍ବିକାର କରିଛନ୍ତି । ବର୍ତ୍ତମାନ ହଣ୍ଟର୍ ଜେଲ୍ ଯିବାର ବିପଦରେ ଅଛି । ଏବେ ଆସନ୍ତୁ ଜାଣିବା ଏହି ସମ୍ପୂର୍ଣ୍ଣ ଘଟଣା ବିଷୟରେ…

ବାସ୍ତବରେ, ହଣ୍ଟର ବାଇଡେନଙ୍କ ବିରୋଧରେ ଆମେରିକାର ନ୍ୟାୟ ବିଭାଗ ଦ୍ୱାରା ଏକ ମାମଲା ଦାୟର କରାଯାଇଥିଲା, ଯେଉଁଥିରେ ତାଙ୍କୁ ୧୪ ଲକ୍ଷ ଆମେରିକୀୟ ଡଲାର ଟିକସ ଦିଆଯାଇନଥିବା ଅଭିଯୋଗ ହୋଇଛି । ତେବେ ଜୋ ବାଇଡେନଙ୍କ ପୁଅ ହଣ୍ଟର୍ ଲାଂସ ଏଞ୍ଜେଲେସରେ ଫେଡେରାଲ କୋର୍ଟରେ ଜଜ୍ ଚୟନ ଆରମ୍ଭ ହେବାର କିଛି ଘଣ୍ଟା ପରେ ଆଶ୍ଚର୍ଯ୍ୟଜନକ ନିଷ୍ପତ୍ତି ନେଇଛନ୍ତି ଏବଂ ଅଭିଯୋଗକୁ ସ୍ବିକାର କରିନେଇଛନ୍ତି । 

ତେବେ ଯେତେବେଳେ ଜଜ୍ ଟ୍ୟାକ୍ସ ମାମଲା ସହ ଜଡିତ ନଅଟି ଅଭିଯୋଗ ପଢିଲେ, ସେତେବେଳେ ହଣ୍ଟର୍ ବାଇଡେନ ନିଜକୁ ଦୋଷୀ ବୋଲି ସ୍ୱୀକାର କରିଥିଲେ। ଏହି ଅଭିଯୋଗ ଅନୁଯାୟୀ ୧୭ ବର୍ଷ ପର୍ଯ୍ୟନ୍ତ କାରାଦଣ୍ଡର ବ୍ୟବସ୍ଥା ରହିଛି । ତେବେ ଟିକସ ସମ୍ବନ୍ଧିୟ ଜଡିତ ମାମଲାରେ ହଣ୍ଟରଙ୍କୁ ଦଣ୍ଟାଦେଶ ୧୬ ଡିସେମ୍ବରରେ ଶୁଣାଣି ହେବ । ଏହା ପୂର୍ବରୁ ଜୁନ୍ ମାସରେ ବନ୍ଧୁକ ସମ୍ବନ୍ଧୀୟ ମାମଲାରେ ହଣ୍ଟର ବାଇଡେନଙ୍କୁ ଦୋଷୀ ସାବ୍ୟସ୍ତ କରାଯାଇଥିଲା । ଏହି ମାମଲାରେ ମଧ୍ୟ ତାଙ୍କୁ ଖବଶୀଘ୍ର ଦଣ୍ଡର ଶୁଣାଣୀ ହୋଇପାରେ ।