ରାଉରକେଲା, ୦୬/୧୧ : ରାଉରକେଲା ଆସିଷ୍ଟାଣ୍ଟ କଲେକ୍ଟର ସୁସ୍ମିତା ମିଞ୍ଜ ମୃତ୍ୟୁ ଘଟଣା। ଆସିଲା ଭିସେରା ରିପୋର୍ଟ। କୌଣସି ନିଶାଦ୍ରବ୍ୟ କିମ୍ଵା ଔଷଧ ସେବନ କରିନଥିବା ରିପୋର୍ଟରେ ଉଲ୍ଲେଖ ଅଛି। ଏବେ HRPC ଘଟଣାର ତଦନ୍ତ କରୁଛି। ପୂର୍ବରୁ ଶବ ବ୍ୟବଚ୍ଛେଦ ରିପୋର୍ଟ ସାର୍ବଜନିନ ହୋଇଛି। ପାଣିରେ ଶ୍ଵାସରୁଦ୍ଧ ଯୋଗୁଁ ସୁସ୍ମିତାଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। 

ଏହି ହାଇପ୍ରୋଫାଇଲ୍ ହତ୍ୟାକାଣ୍ଡର ଖୁଲାସା ହୋଇ ପାରୁନି। ପରିବାର ସଦସ୍ୟ ଯେଉଁମାନଙ୍କର ବିରୋଧରେ ଅଭିଯୋଗ ଉଠାଇଥିଲେ, ସେମାନଙ୍କୁ ଜେରା ସରିଲାଣି। ଏବେ ସୁସ୍ମିତାଙ୍କ ମୋବାଇଲ୍ ଉପରେ ତଦନ୍ତକାରୀ ସେଲ୍ ଭରସା କରିଛି। ହେଲେ ସୁସ୍ମିତାଙ୍କ ଲକ୍ ପାର୍ଟନ ଖୋଲୁ ନଥିବାରୁ ତାହା ଭୁବନେଶ୍ଵର ଲ୍ୟାବକୁ ପଠାଯାଇଛି। 

ସୂଚନାନୁଯାୟୀ, ସେପ୍ଟେମ୍ଵର ୧୬ ତାରିଖରୁ ସୁସ୍ମିତା ନିଖୋଜ ଥିଲେ। ୧୭ ତାରିଖରେ ଏନେଇ ଥାନାରେ ଅଭିଯୋଗ ହୋଇଥିଲା। ୧୯ ତାରିଖ ସନ୍ଧ୍ୟାରେ ପ୍ଲାଣ୍ଟସାଇଟ୍ ଥାନା ଅନ୍ତର୍ଗତ ସେନ୍‌ସୋରୀ ପାର୍କ ପୋଖରୀରୁ ତାଙ୍କର ମୃତଦେହ ଉଦ୍ଧାର ହୋଇଥିଲା। ୨୦ ତାରିଖ ଦିନ ମୃତକଙ୍କ ଭାଇ ଭଉଣୀଙ୍କ ମୃତ୍ୟୁ ପଛରେ ପ୍ରଶାସନିକ ଅଧିକାରୀଙ୍କୁ ଦାୟୀ କରି ଅଭିଯୋଗ କରିଥିଲେ।