ପ୍ରମୁଖ ଖବର
  • ଭୁବନେଶ୍ଵର : ଲୁମ୍ବିନୀ ବିହାର ମା' ମଙ୍ଗଳା ବସ୍ତିରେ ବିଲ୍ ଗେଟ୍‌ସ, ଲୋକମାନଙ୍କୁ ଭେଟି ବିଭିନ୍ନ ମୌଳିକ ସୁବିଧା ସମ୍ପର୍କରେ ପଚାରି ବୁଝିଲେ
  • ||
  • ଭୁବନେଶ୍ଵର : ଓଡ଼ିଶା ଆସୁଛନ୍ତି ମହାମହିମ, ମା' କିଚକେଶ୍ଵରୀଙ୍କ ଦର୍ଶନ ସହ ବିଭିନ୍ନ କାର୍ଯ୍ୟକ୍ରମରେ ଦେବେ ଯୋଗ
  • ||

ପଶ୍ଚିମବଙ୍ଗ ବିଜେପିର ରାଜ୍ୟସଭା ପ୍ରାର୍ଥୀ କିଏ ? ଚର୍ଚ୍ଚାରେ ୩ ପ୍ରାର୍ଥୀଙ୍କ ନାଁ

କୋଲକାତା,୦୬/୦୨: ପଶ୍ଚିମବଙ୍ଗ ଆଉ ଏକ  ରାଜ୍ୟସଭା ଆସନ ଜିତିବାକୁ ବିଜେପି ନିଶ୍ଚିତ । ସେହି  ଆସନ ପାଇଁ ପ୍ରାର୍ଥୀ ଭାବରେ କିଛି ନାମ ଆସିଛି ।  ସେମାନଙ୍କ ମଧ୍ୟରେ ପ୍ରଥମ ନାମ ହେଉଛି ସିଦ୍ଧାର୍ଥ  ନସ୍କର । କିର୍ତ୍ତନ ଶିଳ୍ପୀ ସିଦ୍ଧାର୍ଥ ବାବୁ ଗେରୁଆ ଶିବିର  ସମର୍ଥିତ ଶିଳ୍ପୀମାନଙ୍କ ସଂଗଠନ ଶିଳ୍ପୀ ସଂସଦର  କର୍ଣ୍ଣଧାର । ୨୦୧୯ ମସିହାରେ ସେ ଲୋକସଭା ଏବଂ  ୨୦୨୧ ବିଧାନସଭା ନିର୍ବାଚନରେ ଏହି ରାଜ୍ୟରୁ ପ୍ରାର୍ଥୀ ହୋଇଥିଲେ ମଧ୍ୟ ସେ ଜିତିନଥିଲେ । ଏବେ ବିଜେପି  ତାଙ୍କୁ ରାଜ୍ୟସଭାକୁ ପଠାଇପାରେ । ସେ ରାମାୟଣ  ଗୀତ ଏବଂ କୀର୍ତ୍ତନରେ ସିଦ୍ଧହସ୍ତ। ଫଳରେ ବିଜେପିର  କେନ୍ଦ୍ରୀୟ ନେତୃତ୍ୱ ମଧ୍ୟ ପଶ୍ଚିମବଙ୍ଗ ରାଜ୍ୟସଭା ଆସନରେ  ହିନ୍ଦୁତ୍ୱର କାର୍ଡ ଖେଳିବାକୁ ଚାହୁଁଛନ୍ତି । କୀର୍ତ୍ତନ-ବାଉଲ ସମ୍ପ୍ରଦାୟର ଭୋଟ୍‌ ବ୍ୟାଙ୍କକୁ ଧ୍ୟାନରେ ରଖି ସିଦ୍ଧାର୍ଥ ନସ୍କରଙ୍କୁ ମନୋନୀତ କରାଯାଇପାରେ । ଗେରୁଆ  ଶିବିର ରାଜବଂଶୀ ନେତା ଅନନ୍ତ ମହାରାଜଙ୍କୁ ଉତ୍ତର  ବଙ୍ଗରୁ ରାଜ୍ୟସଭାକୁ ପଠାଇ ସାରିଛନ୍ତି । ସେହି ଅନନ୍ତ  ମହାରାଜ ବଙ୍ଗଳା ବିଭାଜନ ପାଇଁ ଦାବି ଉଠାଇଥିଲେ ।  

ତେବେ ସିଦ୍ଧାର୍ଥ ବାବୁଙ୍କ ବ୍ୟତୀତ ସ୍ୱପନ୍‌  ଦାଶଗୁପ୍ତଙ୍କ ନାମ ରାଜ୍ୟସଭା ପାଇଁ ସମ୍ଭାବ୍ୟ ପ୍ରାର୍ଥୀ  ତାଲିକାରେ ରହିଛି । ଅମିତ ଶାହାଙ୍କ ନିକଟତର ଥିବା  ସ୍ୱପନବାବୁ ଏହାପୂର୍ବରୁ ମଧ୍ୟ ରାଜ୍ୟସଭାର ସଦସ୍ୟ  ଥିଲେ ।

ସେହିଭଳି ଅଭିନେତା ମିଥୁନ ଚକ୍ରବର୍ତ୍ତୀଙ୍କ ନାମକୁ ନେଇ ଏକ କଳ୍ପନାଜଳ୍ପନା ଚାଲିଛି ।  ମିଥୁନଙ୍କୁ ରାଜ୍ୟସଭାକୁ ପଠାଇବାର ସମ୍ଭାବନା କମ୍‌ ରହିଛି । କାରଣ ମିଥୁନ ନିକଟରେ ‘ପଦ୍ମ  ଭୂଷଣ’ ସମ୍ମାନ ପାଇଛନ୍ତି । ସାଂଗଠନିକ ବ୍ୟକ୍ତିତ୍ୱ  ଏବଂ ସମାଜର ଏକ ବିଭାଗ ଉପରେ ପ୍ରଭାବ ଥିବା ବ୍ୟକ୍ତିଙ୍କୁ ରାଜ୍ୟସଭାକୁ ପଠାଇପାରିବେ । 

ଏଥି ସହିତ,  ଦେଖାଯାଉଛି ଯିଏ ଯାହାକୁ ପଠାଯିବ ସେ ଜଣେ ପ୍ରସିଦ୍ଧ ବ୍ୟକ୍ତି ହେବା ଉଚିତ୍‌ । ଏହି ତାଲିକାରେ ପଶ୍ଚିମବଙ୍ଗ  ବିଜେପିର ସାଧାରଣ ସମ୍ପାଦକ ଜଗନ୍ନାଥ ଚାଟାର୍ଜୀଙ୍କ  ନାମ ମଧ୍ୟ ରହିଛି । ଏଥିସହ ଅର୍ନିବନ ଗାଙ୍ଗୁଲିଙ୍କ ନାମ  ସମ୍ଭାବ୍ୟ ରାଜ୍ୟସଭା ପ୍ରାର୍ଥୀଙ୍କ ତାଲିକାରେ ରହିଛି । ଉଲ୍ଲେଖଯୋଗ୍ୟ, ୨୭ ଫେବୃଆରୀରେ ବଙ୍ଗଳାର ପାଞ୍ଚଟି ରାଜ୍ୟସଭା ଆସନରେ ଭୋଟ୍‌ ଅନୁଷ୍ଠିତ ହେବ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.