ଭୁବନେଶ୍ୱର, ୨।୪: ପୈତୃକ ଘର ହେଉ ଅବା ଫ୍ଲାଟ୍, ଏଥିପାଇଁ ରହିଥିବା ବାସ୍ତୁ ନିୟମ ପ୍ରତି ଧ୍ୟାନ ଦେବା ନିହାତି ଆବଶ୍ୟକ । ନଚେତ୍ ଏଥିଯୋଗୁଁ ପରିବାରରେ କଳି ଝଗଡ଼ା ଲାଗି ରୁହେ ଓ ଅଶାନ୍ତି ସୃଷ୍ଟି ହୁଏ । ତେବେ ନୂଆ ଘର କିଣୁଥିଲେ କିଛି ବାସ୍ତୁ ନିୟମ ପ୍ରତି ଦୃଷ୍ଟି ଦିଅନ୍ତୁ...
- ଆପାର୍ଟମେଣ୍ଟ କିଣୁଥିଲେ, ଉକ୍ତ ବ୍ଲକ୍ର ପ୍ରବେଶ ଦ୍ୱାରକୁ ହିଁ ମୁଖ୍ୟଦ୍ୱାର ଭାବେ ମାନିବାକୁ ହେବ । ତେଣୁ ପ୍ରବେଶ ଦ୍ୱାର ଉତ୍ତର କିମ୍ୱା ଉତ୍ତର-ପୂର୍ବ ଦିଗରେ ରହିବା ଆବଶ୍ୟକ । ଘରର ମୁଖ୍ୟଦ୍ୱାର ସାମନାରେ ଲିପ୍ଟ କାନ୍ଥ କିମ୍ୱା କୌଣସି ବଡ଼ ଗଛ ରହିବା ଉଚିତ୍ ନୁହେଁ ।
- ଖୋଲା ପରିବେଶ ଓ ସୂର୍ଯ୍ୟକିରଣ ବାସ୍ତୁଶାସ୍ତ୍ରରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ତେଣୁ ଫ୍ଲାଟ୍ କିଣିବା ସମୟରେ ଏ ଦିଗ ପ୍ରତି ଧ୍ୟାନ ଦିଅନ୍ତୁ । ଉତ୍ତର ଓ ପୂର୍ବ ଦିଗରେ ଝରକା କିମ୍ୱା ବାଲକୋନି ଥିବା ଘର ଉତ୍ତମ ବୋଲି ଧରାଯାଏ । ଦକ୍ଷିଣ କିମ୍ୱା ପଶ୍ଚିମ ଦିଗରେ ଝରକା ଥିବା ବାସ୍ତୁଦୋଷ ଦେଖାଯାଏ ।
- ଉତ୍ତର-ପୂର୍ବ ଦିଗରେ ରୋଷେଇ ଘର ଥିଲେ, ଫ୍ଲାଟ୍ କିଣନ୍ତୁ ନାହିଁ । ଦକ୍ଷିଣ-ପୂର୍ବ ଦିଗରେ ଥିବା ରୋଷେଇ ଘର ବାସ୍ତୁ ଅନୁଯାୟୀ ଉପଯୁକ୍ତ ।
-ଫ୍ଲାଟ୍ର ଛାତ ଉପରେ ଉତ୍ତର-ପୂର୍ବ କୋଣରେ ପାଣିଟାଙ୍କି ରହିବା ଉଚିତ୍ । ପାଣି ଟାଙ୍କିର ରଙ୍ଗ ଗାଢ଼ ହେବା ଦରକାର ।
-ଶୌଚାଳୟ ବା ସ୍ନାନଘର ଦକ୍ଷିଣ-ପଶ୍ଚିମ କୋଣ କିମ୍ୱା ଦକ୍ଷିଣ ଦିଗରେ ରହିବା ଉଚିତ୍ । ଯଦି ଶୌଚାଳୟ ଉତ୍ତର-ପୂର୍ବ ଦିଗରେ ଥାଏ ତେବେ ନକାରତ୍ମକ ଶକ୍ତି ଘରେ ପ୍ରବେଶ କରିଥାଏ ବୋଲି କୁହାଯାଏ ।
- ବାସ୍ତୁ ଅନୁଯାୟୀ, ପିଲାଙ୍କ କକ୍ଷ ଉତ୍ତର-ପୂର୍ବ କିମ୍ୱା ଉତ୍ତର-ପଶ୍ଚିମ ଦିଗରେ ରହିବା ଆବଶ୍ୟକ । ସେହି କୋଠରୀର ଝରକା ଉତେତର ଦିଗ କାନ୍ଥରେ ଥିବା ଉଚିତ୍ । ଏହାଦ୍ୱାରା ପିଲାମାନଙ୍କ ଏକାଗ୍ରତା ବଜାୟ ରହିବା ସହ ସେମାନଙ୍କ କ୍ୟାରିୟର ପାଇଁ ଉତ୍ତମ ହୋଇଥାଏ ।
