ନୂଆଦିଲ୍ଲୀ: ଗାଜାରେ ଇସ୍ରାଏଲର କ୍ରମାଗତ ଆକ୍ରମଣ ଜାରି ରହିଛି । ଏହି ସମୟରେ ବିଶ୍ୱ ସ୍ୱାସ୍ଥ୍ୟ ସଂଗଠନ ଶନିବାର କହିଛି ଯେ, ଗାଜାର ଅଲ ଶିଫା ହସ୍ପିଟାଲରେ ଏହାର ଅଧିକାରୀଙ୍କ ସହ ଯୋଗାଯୋଗ କରିବାରେ ସେ ଅସମର୍ଥ ହୋଇଛି । ସୂଚନାଥାଉକି, ଯେ ଉତ୍ତର ଗାଜାର ଅଲ ଶିଫା ହସ୍ପିଟାଲରେ ନିକଟରେ ୨୨ ଜଣଙ୍କର ମୃତ୍ୟୁ ଘଟିଥିଲା । ଡାକ୍ତରଖାନା ଉପରେ ହୋଇଥିବା ଆକ୍ରମଣ ପାଇଁ ଇସ୍ରାଏଲକୁ ବହୁ ସମାଲୋଚନା କରାଯାଇଥିଲା । ହେଲେ ଇସ୍ରାଏଲ ଏହାକୁ ଅସ୍ୱୀକାର କରିଥିଲା ଏବଂ କହିଥିଲା ଯେ, ଏହା ଆତଙ୍କବାଦୀଙ୍କ ଦ୍ୱାରା ହୋଇଛି । 

ବିଶ୍ୱ ସ୍ୱାସ୍ଥ୍ୟ ସଂଗଠନ ଗାଜାର ପରିସ୍ଥିତିକୁ ନେଇ ଉଦବେଗ ପ୍ରକାଶ କରିଛି ଏବଂ ତୁରନ୍ତ ଅସ୍ତ୍ରବିରତି ଉଲ୍ଲଂଘନ ବନ୍ଦ କରିବାକୁ ନିବେଦନ କରିଛି । ଏହି ଆକ୍ରମଣ ପରଠାରୁ ଅଲ ଶିଫା ଡାକ୍ତରଖାନା କାର୍ଯ୍ୟ କରୁନାହିଁ ବୋଲି ଗାଜା ସ୍ୱାସ୍ଥ୍ୟ ମନ୍ତ୍ରଣାଳୟ ଶନିବାର କହିଛି । WHO ଏହା ଉପରେ ଉଦବେଗ ପ୍ରକାଶ କରି ଡାକ୍ତରଖାନା ଉପରେ ହୋଇଥିବା ଆକ୍ରମଣକୁ ଦୃଢ ନିନ୍ଦା କରିଥିଲା । WHO କହିଛି ଯେ ସ୍ୱାସ୍ଥ୍ୟ କର୍ମୀ, ଶିଶୁଙ୍କ ସମେତ ଶହ ଶହ ରୋଗୀ ଏବଂ ଆହତ ରୋଗୀ ଡାକ୍ତରଖାନାରେ ଅଛନ୍ତି । ଆକ୍ରମଣ ପରେ ଅଲ ଶିଫା ହସ୍ପିଟାଲ ଅନ୍ଧକାର ହୋଇ ରହିଛି । 

ଇସ୍ରାଏଲ୍ ସେନା ସିରିଆ ଏବଂ ଲେବାନନରେ ଏୟାର ଷ୍ଟ୍ରାଇକ୍ କରିଛି । ଇସ୍ରାଏଲ୍ ସୈନ୍ୟବାହିନୀ ଲେବାନନରେ ଅନେକ ହିଜବୁଲ କ୍ୟାମ୍ପ ଉପରେ ଆକ୍ରମଣ କରିଥିଲେ । ଏଥି ସହ ଗାଜା ଅଞ୍ଚଳରେ ଅସ୍ତ୍ରବିରତି ଉଲ୍ଲଂଘନ ପାଇଁ ଫ୍ରାନ୍ସ ରାଷ୍ଟ୍ରପତିଙ୍କ ଆବେଦନକୁ ନେଇ ଇସ୍ରାଏଲ୍ ସରକାର ଅସନ୍ତୋଷ ବ୍ୟକ୍ତ କରିଛନ୍ତି । ପ୍ରଧାନମନ୍ତ୍ରୀ ନେତାନ୍ୟାହୁ କହିଛନ୍ତି ଯେ ଇସ୍ରାଏଲ ନୁହେଁ ହାମାସ ଏବଂ ଆଇଏସକୁ ନିନ୍ଦା କରାଯିବା ଉଚିତ ।