ନୂଆଦିଲ୍ଲୀ,୨୭/୦୬: ଘରୋଇ ୟେସ୍ ବ୍ୟାଙ୍କ ଏହାର ଖର୍ଚ୍ଚକାଟ ଅଭିଯାନ ଅନ୍ତର୍ଗତ ୫୦୦ କର୍ମଚାରୀଙ୍କୁ ଛଟେଇ କରିଛି । ଆଗାମୀ ଦିନରେ ଆହୁରି କର୍ମଚାରୀଙ୍କୁ କାଢ଼ିବା ପାଇଁ କମ୍ପାନି ଯୋଜନା ରଖିଥିବା ପ୍ରକ୍ରିୟା ସହ ଜଡ଼ିତ ଜଣେ ଅଧିକାରୀ ସୂଚନା ଦେଇଛନ୍ତି । ହୋଲ୍ସେଲ୍ରୁ ରିଟେଲ ପର୍ଯ୍ୟନ୍ତ ବର୍ଗରେ ଛଟେଇ କରାଯାଇଛି । ଶାଖା ବ୍ୟାଙ୍କିଙ୍ଗ୍ ସେଗ୍ମେଣ୍ଟରେ ଏହାର ସର୍ବାଧିକ ପ୍ରଭାବ ଦେଖିବାକୁ ମିଳିଥିବା ସୂଚନା ମିଳିଛି। ଛଟେଇ ହୋଇଥିବା କର୍ମଚାରୀମାନଙ୍କୁ ସେଭେରାନ୍ସ ପେ’ ଭାବେ ୩ ମାସର ଦରମା ପ୍ରଦାନ କରାଯାଇଛି ।
ସୂଚନା ଅନୁସାରେ, ବ୍ୟାଙ୍କ ଏକ ଆଭ୍ୟନ୍ତରୀଣ ପୁନଃ ସଂରଚନା ଅଭିଯାନ ଆରମ୍ଭ କରିଛି । ଏହା ଅନ୍ତର୍ଗତ ବର୍ତ୍ତମାନ ସୁଦ୍ଧା ୫୦୦ କର୍ମଚାରୀଙ୍କୁ ଛଟେଇ କରାଯାଇଛି । ଆଗାମୀ ସପ୍ତାହଗୁଡ଼ିକରେ ଆହୁରି ଛଟେଇ କରାଯାଇପାରେ।
