ନୀଳଗିରି,୧୧/୧୧(ଆ.ପ୍ର) ନୀଳଗିରି ଉପଖଣ୍ଡ ଔପଦା ବ୍ଲକ ଅଧିନ ମାନଗଡ ଗାଁରେ ଧାନକ୍ଷେତକୁ ପାଣି ମଡ଼ାଇବାକୁ ଯାଇଥିବା ବେଳେ ବିଷଧର ସାପ କାମୁଡାରେ ଜଣେ ଗୁରୁତର ହୋଇଛନ୍ତି। ଗୁରୁତର ଯୁବକ ଜଣକ ହେଲେ ସୁବ୍ରତ ମାଝୀ ।
ଔପଦା ବ୍ଲକ ଅଧିନ ବାଉଁଶବଣିଆ ପଞ୍ଚାୟତ ମାନଗଡ଼ ଅଞ୍ଚଳରେ ବର୍ଷା ଅଭାବ କାରଣରୁ ଧାନ କ୍ଷେତ ଶୁଖିଲା ପଡ଼ି ଗଛ ମରିବାକୁ ବସିଲାଣି।ତେଣୁ ଦାଶ ମାଝୀ ଙ୍କ ପୁଅ ସୁବ୍ରତ ଚାଷଜମିକୁ ପାଣି ମଡାଇବାକୁ ଯାଇଥିବା ବେଳେ ଏକ ତମ୍ପ ସାପ ତାଙ୍କୁ ଗୋଡ଼ାଇ ଗୋଡ଼ାଇ କାମୁଡିଥିଲା।ଫଳରେ ସେ କ୍ଷେତରେ ଗୁରୁତର ହୋଇପଡିଥିଲେ। ସଙ୍ଗେ ସଙ୍ଗେ ପରିବାର ଲୋକେ ନୀଳଗିରି ହସ୍ପିଟାଲକୁ ଆଣିବା ପରେ ତାଙ୍କର ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ବାଲେଶ୍ୱର ମୂଖ୍ୟ ଚିକିତ୍ସାଳୟ କୁ ସ୍ଥାନାନ୍ତର କରାଯାଇଛି।