ମୁମ୍ବାଇ,୨୭/୮:ଖୁବଶୀଘ୍ର ବଡ ପରଦାରେ ଅଭିନେତା ସିଦ୍ଧାନ୍ତ ଚତୁର୍ବେଦୀଙ୍କୁ ଆକ୍ସନ୍ କରୁଥିବା ଦେଖିବାକୁ ମିଳିବ।ବାସ୍ତବରେ ତାଙ୍କ ଚଳଚ୍ଚିତ୍ର 'ୟୁଧ୍ରା' ୨୦୨୧ ରେ ଘୋଷଣା କରାଯାଇଥିଲା। ହେଲେ କୋଭିଡ ଯୋଗୁଁ ଫିଲ୍ମ ସୁଟିଂ ବନ୍ଦ ହୋଇଥିଲ। ହେଲେ ବର୍ତ୍ତମାନ ଅପେକ୍ଷା ଅନ୍ତ ହୋଇଛି । ନିର୍ମାତାମାନେ ଫିଲ୍ମର ରିଲିଜ ତାରିଖ ଘୋଷଣା କରିଛନ୍ତି । ଏକ୍ସେଲ୍ ଏଣ୍ଟରଟେନମେଣ୍ଟ ବ୍ୟାନରରେ ନିର୍ମିତ ଚଳଚ୍ଚିତ୍ର 'ୟୁଧ୍ରା' ଶେଷରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ପ୍ରସ୍ତୁତ । 

ଫରହାନ ଅଖତର ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଫିଲ୍ମର ଏକ ନୂଆ ପୋଷ୍ଟର ସେୟାର କରିଛନ୍ତି । ଯେଉଁଥିରେ ସିଦ୍ଧାନ୍ତଙ୍କୁ ଆକ୍ସନ୍ ଅବତାର ଦେଖିବାକୁ ମିଳିଛି । ଏକ ପୋଷ୍ଟରରେ ସେ ହାତରେ ବନ୍ଧୁକ ଧରି ରକ୍ତରେ ଭିଜିଥିବାର ନଜର ଆସିଛନ୍ତି। ଦ୍ୱିତୀୟ ପୋଷ୍ଟରରେ ମାଲାଭିକା ମୋହନାନ ତାଙ୍କ ସହ ରକ୍ତରେ ଭିଜିଥିବାର ଦେଖିବାକୁ ମିଳିଛି । ପୋଷ୍ଟରକୁ ଦେଖିଲେ ଅନୁମାନ କରାଯାଇପାରେ ଯେ ଫିଲ୍ମରେ ଦମଦାର ଆକ୍ସନ ଦେଖିବାକୁ ମିଳିବ।  ପୋଷ୍ଟର ରିଲିଜ କରି ନିର୍ମାତାମାନେ ଫିଲ୍ମର ରିଲିଜ୍ ତାରିଖ ଘୋଷଣା କରିଛନ୍ତି। ଏହି ଫିଲ୍ମ ୨୦ ସେପ୍ଟେମ୍ବର ୨୦୨୪ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି। ଏହି ଚଳଚ୍ଚିତ୍ରର ନିର୍ଦ୍ଦେଶକ ହେଉଛନ୍ତି ରବି ଉଦୟୱାର, ଏହାର କାହାଣୀ ଶ୍ରୀଧର ରାଘବନ ଲେଖିଥିବା ବେଳେ ଏହାର ଗୀତ ଜାଭେଦ ଅଖତର ଲେଖିଛନ୍ତି। ସିଦ୍ଧାର୍ଥ ଚତୁର୍ବେଦୀ ଏବଂ ସାଉଥ ଅଭିନେତ୍ରୀ ମାଲଭିକା ମୋହନନ ଏଥିରେ ମୁଖ୍ୟ ଭୂମିକାରେ ନଜର ଆସିଥିବା ବେଳେ ପ୍ରଥମ ଥର ପାଇଁ ଉଭୟ ଏହି ଫିଲ୍ମରେ ନଜର ଆସିବେ । ସେହିପରି ୟୁଧ୍ରା ବ୍ୟତୀତ ସିଦ୍ଧାନ୍ତ ଚତୁର୍ବେଦୀଙ୍କୁ 'ଧଡକ ୨'ରେ ମଧ୍ୟ ଦେଖିବାକୁ ମିଳିବ । ଯାହା ୨୦୧୮ରେ ରିଲିଜ ହୋଇଥିବା 'ଧଡକ'ର ସିକ୍ୱେଲ ଅଟେ ।