କାମାକ୍ଷାନଗର, ୧୨/୦୮: କାମାକ୍ଷାନଗର ବ୍ଲକ କନ୍ତିଓକାଟେଣୀ ଦେଇ ଯାଇଥିବା ରେଙ୍ଗାଳି ବାମ କେନାଲ ଶାଖାରେ ସୃଷ୍ଟି ହୋଇଛି ୩୦ ଫୁଟର ଘାଇ। ଦୀର୍ଘ ୪ ଦିନ ହେଲା ଏହି ଘାଇ ସୃଷ୍ଟି ହୋଇଥିଲେ ସୁଦ୍ଧା ଏପର୍ଯ୍ୟନ୍ତ ବିଭାଗୀୟ ଅଧିକାରୀଙ୍କ ଦେଖା ମିଳିନାହିଁ। ଫଳରେ ଏକର ଏକର ଧାନକ୍ଷେତ ଜଳମଗ୍ନ ହୋଇଛି। ଏହାକୁ ନେଇ ତଳମୁଣ୍ଡର ଚାଷୀ ଏବେ ଚିନ୍ତାରେ ପଡିଛନ୍ତି। 

ସୂଚନା ଅନୁଯାୟୀ, କାମାକ୍ଷାନଗର ବ୍ଲକ କନ୍ତିଓକାଟେଣୀ ଦେଇ ଯାଇଥିବା ରେଙ୍ଗାଳି ବାମ କେନାଲର ଶାଖା କେନାଲରେ ପ୍ରାୟ ୩୦ ଫୁଟର ଘାଇ ସୃଷ୍ଟି ହୋଇଛି। ଫଳରେ ଏକର ଏକର ଧାନକ୍ଷେତ ଜଳମଗ୍ନ ହୋଇଯାଇଛି। ଘାଇ ସୃଷ୍ଟି ହେବା କାରଣରୁ ଧାନ ବିଲରେ ବାଲିଚର ହୋଇଯିବାର ଆଶଙ୍କା ରହିଛି । ଚଳିତ ବର୍ଷ କମ୍ ବର୍ଷା ହୋଇଥିବାରୁ ଏହି କେନାଲକୁ ଭରସା କରି ଚାଷ କରିଥିଲେ ଚାଷୀ, କିନ୍ତୁ ଘାଇ ସୃଷ୍ଟି ହେବାରୁ ଚାଷୀ ଏବେ ଚିନ୍ତାରେ ପଡିଯାଇଛନ୍ତି । 

ଅନ୍ୟପଟେ ଆଜିକୁ ୪ ଦିନ ଧରି କେନାଲଟି ଭାଙ୍ଗିଯାଇଥିଲେ ମଧ୍ୟ ବିଭାଗ ତରଫରୁ କୌଣସି ପଦକ୍ଷେପ ନିଆଯାଇ ନାହିଁ । ଫଳରେ ଚିନ୍ତାରେ ପଡ଼ିଛନ୍ତି ଚାଷୀ । ତେଣୁ ତୁରନ୍ତ କେନାଲ ମରାମତି ପାଇଁ ଦାବି କରିଛନ୍ତି ଗ୍ରାମବାସୀ । ଏନେଇ ବିଭାଗୀୟ ଅଧିକାରୀଙ୍କ ସହ ଯୋଗାଯୋଗ କଲେ ମଧ୍ୟ କୌଣସି ପ୍ରତିକ୍ରିୟା ମିଳିପାରି ନାହିଁ।