ନୂଆଦିଲ୍ଲୀ : ମାଳଦ୍ୱୀପକୁ ନେଇ ଭାରତୀୟଙ୍କ ମୋହଭଙ୍ଗ ହୋଇଛି। ନିଜର ସୌନ୍ଦର୍ଯ୍ୟତା ଓ ଐଶ୍ୱର୍ଯ୍ୟପୂର୍ଣ୍ଣ ଟୁରିଜିମ୍ ପାଇଁ ପ୍ରସିଦ୍ଧ ଏହି ଦେଶକୁ ଯିବାରେ ଭାରତୀୟଙ୍କ ସଂଖ୍ୟାରେ ଖୁବ୍ ହ୍ରାସ ଘଟିଛି। ଯେଉଁଠି ପ୍ରଥମେ ମାଳଦ୍ୱୀପ ଯିବା ମାମଲାରେ ଭାରତ ୩ୟ ନମ୍ୱରରେ ଥିଲା ,ସେଠାରେ ଏବେ ଏହା ଖସି ୫ମ ନମ୍ୱରକୁ ଆସି ଯାଇଛି। ମାଳଦ୍ୱୀପ ଟୁରିଜିମ୍ ମିନିଷ୍ଟ୍ରୀ ଦ୍ୱାରା ରିପୋର୍ଟ ମୁତାବିକ, ଗତ ୩ ସପ୍ତାହ ଭିତରେ ଏହି ହ୍ରାସ ରେକର୍ଡ କରାଯାଇଛି। ଅନ୍ୟପଟେ ଚୀନ୍ ଏହି ତାଲିକାରେ ଏବେ ୩ୟ ନମ୍ୱରରେ ପହଞ୍ଚି ସାରିଛି।
ଉଲ୍ଲେଖନୀୟ ଯେ, ନିକଟରେ ଭାରତ ଓ ମାଳଦ୍ୱୀପର ସମ୍ୱନ୍ଧ ବିବାଦପୂର୍ଣ୍ଣ ହୋଇ ଯାଇଥିଲା। ଏସବୁ ସେତେବେଳେ ହୋଇଥିଲା , ଯେବେ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲାକ୍ଷାଦ୍ୱୀପ ଗସ୍ତରେ ଯାଇଥିଲେ। ପ୍ରଧାନମନ୍ତ୍ରୀ ମୋଦି ଲାକ୍ଷାଦ୍ୱୀପ ଯାତ୍ରା ପରେ କହିଥିଲେ କି, ଲୋକଙ୍କୁ ଏହାକୁ ମଧ୍ୟ ନିଜର ଆଡଭେଞ୍ଚର ଲିଷ୍ଟରେ ସାମିଲ କରିବା ଉଚିତ୍। ହେଲେ ପରେ ରାଷ୍ଟ୍ରପତି ମୁଇଜ୍ଜୁ ଆକ୍ସନ ନେଇ ଥିଲେ। ଏହାକୁ ନେଇ ମାଳଦ୍ୱୀପର ମନ୍ତ୍ରୀ ଓ ସାଂସଦମାନେ ଆପତ୍ତିଜନକ କଥା ଲେଖି ଥିଲେ। ଏହାର ବିରୋଧରେ ସୋସିଆଲ ମିଡ଼ିଆରେ ବୟକଟ୍ ମାଳଦ୍ୱୀପର ଟ୍ରେଣ୍ଡ ଚାଲିଥିଲା।
କୁହାଯାଉଛି କି, ମାଳଦ୍ୱୀପ ଯାଉଥିବା ଭାରତୀଙ୍କ ସଂଖ୍ୟାରେ ହ୍ରାସ ଏହି ବିବାଦ ଯୋଗୁଁ ହିଁ ହୋଇଛି। କହି ରଖୁଛୁ କି , ଭାରତୀୟ ପର୍ଯ୍ୟଟକ ଦୀର୍ଘ ଦିନରୁ ମାଳଦ୍ୱୀପ ପାଇଁ ଖୁବ୍ ମହତ୍ତ୍ୱପୂର୍ଣ୍ଣ ପାଲଟିଛନ୍ତି। ୨୦୨୩ ରେ ମାଳଦ୍ୱୀପର ଟୁରିଜିମ୍ ମାର୍କେଟ୍ରେ ପାଖାପାଖି ୧୧ ପ୍ରତିଶତ ଭାରତୀୟଙ୍କ ଯୋଗଦାନ ଥିଲା।
ମାଳଦୀପର ପର୍ଯ୍ୟଟନ ମନ୍ତ୍ରଣାଳୟ (ଟୁରିଜିମ୍ ମିନିଷ୍ଟ୍ରୀ)ର ତଥ୍ୟ ଅନୁସାରେ, ଭାରତ ୨୦୨୪ର ପ୍ରାରମ୍ଭରେ ୭.୧ ପ୍ରତିଶତ ବଜାର ପାର୍ଟନରସିପ୍ ସହ ନିଜର ପର୍ଯ୍ୟଟନରେ ୩ୟ ସବୁଠୁ ବଡ଼ ଯୋଗଦାନକାରୀ ଭାବେ ଥିଲା। ସେପଟେ ଚୀନ୍ ଶୀର୍ଷ ୧୦ ବଜାର ତାଲିକାରେ ମଧ୍ୟ ନଥିଲେ। ହେଲେ ରାଜନୀତିକ ବିବାଦ ପରେ ଏହି ସଂଖ୍ୟାରେ ହଠାତ ପରିବର୍ତ୍ତନ ଦେଖିବାକୁ ମିଳିଛି।
ମାଳଦ୍ୱୀପ ପର୍ଯ୍ୟଟନ ପାଇଁ ଭାରତର ବଜାର ପାର୍ଟନରସିପ୍ ୨୮ ଜାନୁୟାରୀ ସୁଦ୍ଧା ୮ ପ୍ରତିଶତ ଥିଲା, ଚୀନ୍ ଓ ବ୍ରିଟେନ ଶୀର୍ଷ ୧୦ ର ତାଲିକାରେ କ୍ରମଶଃ ୩ୟ ଓ ୪ର୍ଥ ସ୍ଥାନ ନେଇ ଦେଶକୁ ପଛରେ ପକାଇଛନ୍ତି।