ନୂଆଦିଲ୍ଲୀ,୨୦।୫: ଚୀନ୍ର କଟ୍ଟର ବିରୋଧି ଭାବରେ ପରିଚିତ ଲାଇ ଚିଙ୍ଗ ସୋମବାର ତାଇଓ୍ବାନର ରାଷ୍ଟ୍ରପତି ଭାବରେ ଶପଥ ନେଇଛନ୍ତି। ଦୀର୍ଘ ସମୟ ଧରି ଚୀନ୍ ଓ ତାଇଓ୍ବାନ ଭିତରେ ବିବାଦ ଜାରି ରହିଛି। ଆଜି ତାଇଓ୍ବାନର ରାଜଧାନୀ ତାଇପେରେ ଶପଥ ଗ୍ରହଣ ସମାରୋହର ଆୟୋଜନ କରାଯାଇଥିଲା। ଏହି ଅବସରରେ ୧୨ଟି ଦେଶର ପ୍ରତିନିଧି ଉପସ୍ଥିତି ଥିଲେ। ଏଥିରେ ଆମେରିକା, ଜାପାନ ଓ ୟୁରୋପ ସହିତ ବହୁ ଦେଶର ଅଧିକାରୀ ଥିଲେ।
ଲାଇଙ୍କୁ ଓ୍ବିଲିୟନ ନାମରେ ଜଣାଯାଏ। ଲାଇ ଜୋର ଦେଇଛନ୍ତି ଯେ, ସେ ତାଇଓ୍ବାନର ସୁରକ୍ଷା ପାଇଁ ନିଜ ସହଯୋଗୀ ଆମେରିକାଠାରୁ ପ୍ରତିରକ୍ଷା ଉତ୍ପାଦନ ବଢାଇବ। ପ୍ରତିଦିନ ତାଇଓ୍ବାନର ସୀମାକୁ ନିଜ ବିମାନକୁ ପଠାଉଥିବା ଚୀନ୍ ସହ ମୁକାବିଲା ପାଇଁ ରାଷ୍ଟ୍ରପତି ଚିଙ୍ଗ ଆମେରିକାରୁ ଆଡଭାନ୍ସ ବିମାନ କିଣିବା କଥା କୁହାଯାଉଛି। ସେ କହିଛନ୍ତି, ପ୍ରତିରକ୍ଷା ଉଦ୍ୟୋକୁ ପ୍ରୋତ୍ସାହନ ଦିଆଯିବ ଓ ଦେଶରେ ହିଁ ସବମରିନ୍ ଓ ଏୟାରକ୍ରାଫ୍ଣ ନିର୍ମାଣ ହେବ। ଏହାଛଡା ଆମେରିକା, ଜାପାନ, ଦକ୍ଷିଣ କୋରିଆ ଓ ପାଲେଷ୍ଟାଇନ୍ ଭଳି ଦେଶ ସହ ସହଯୋଗ ବଢାଇବା କଥା କହିଛନ୍ତି। ଲାଇ କହିଛନ୍ତି, ତାଇୱାନରେ ଶାନ୍ତି ବଜାୟ ରଖିବା ପାଇଁ ସେ ପ୍ରତିଶ୍ରୁତିବଦ୍ଧ।
ଲାଇ ଚିଙ୍ଗ-ତେ ନିର୍ବାଚନରେ ବିଜୟୀ ହେବା ପରେ ଚୀନରେ ହଇଚଇ ସୃଷ୍ଟି ହୋଇଥିଲା। ଶାସକ ଡେମୋକ୍ରାଟିକ୍ ପ୍ରୋଗ୍ରେସିଭ୍ ପାର୍ଟି (ଡିପିପି)ର ପ୍ରତିନିଧିତ୍ୱ କରୁଥିବା ଲାଇ ଚିଙ୍ଗ-ତେ ବିଦାୟୀ ରାଷ୍ଟ୍ରପତି ତାଇ ଇଙ୍ଗ୍-ୱେନଙ୍କ ବିରୋଧରେ ନିର୍ବାଚନ ଲଢୁଥିଲେ। ସେ ଜିତିବା ପରେ ତାଙ୍କୁ ବିପଜ୍ଜନକ ବିଚ୍ଛିନ୍ନତାବାଦୀ ଭାବେ ଘୋଷଣା କରିଥିଲା ଚୀନ୍ । ବିବାଦୀୟ ପ୍ରସଙ୍ଗରେ ଆଲୋଚନା ପାଇଁ ଲାଇ ଚିଙ୍ଗ-ତେଙ୍କ ବାରମ୍ବାର ଆହ୍ୱାନକୁ ମଧ୍ୟ ଚୀନ୍ ପ୍ରତ୍ୟାଖ୍ୟାନ କରି ଆସିଛି।
