ପ୍ରମୂଖ ଖବର
  • ଆଜି ପିତୃ ଦିବସ: ବାପାଙ୍କ ପାଇଁ ଦିନଟିଏ, ବାପା ବିଶ୍ବାସର ବରଗଛ, ଭରଷାର ଭବିଷ୍ୟତ
  • ||
  • ଓଡ଼ିଶାରେ ନାକେଦମ୍ କରୁଛି ତାତି, କାଲିଠୁ ମିଳିବ ଆଶ୍ୱସ୍ତି: ୨୪ ସୁଦ୍ଧା ରାଜ୍ୟରେ ମୌସୁମୀ ବର୍ଷା ସମ୍ଭାବନା
  • ||

ଇସ୍ତଫା ଦେଲେ ମୁଖ୍ୟମନ୍ତ୍ରୀଙ୍କ ତିନି ପରାମର୍ଶଦାତା

ଭୁବନେଶ୍ୱର,୦୬/୦୬: ବିଜେଡିର  ପରାଜୟ ପରେ ମୁଖ୍ୟମନ୍ତ୍ରୀ ନବୀନ  ପଟ୍ଟନାୟକ ବୁଧବାର ପଦରୁ ଇସ୍ତଫା ଦେଇଛନ୍ତି । ମୁଖ୍ୟମନ୍ତ୍ରୀଙ୍କ ଇସ୍ତଫା ପରେ ତାଙ୍କର ୩ଜଣ ପରାମର୍ଶଦାତା ଆର୍‌.ବାଲ୍‌କ୍ରିଷ୍ଣନ, ସୁରେଶ ଚନ୍ଦ୍ର ମହାପାତ୍ର ଓ ଉପେନ୍ଦ୍ର ତ୍ରିପାଠୀ ନିଜ ପଦରୁ ଇସ୍ତଫା ଦେଇଛନ୍ତି । ରାଜ୍ୟ ସରକାରଙ୍କ ବହୁ ଗୁରୁତ୍ୱପୂର୍ଣ୍ଣ  ବିଭାଗ ସମ୍ଭାଳିବା ପରେ ମୁଖ୍ୟ ଶାସନ  ସଚିବ ହୋଇଥିଲେ ଶ୍ରୀ ମହାପାତ୍ର ।  ମୁଖ୍ୟ ସଚିବ କାର୍ଯ୍ୟକାଳ ସରିବା ପରେ  ବି ଶ୍ରୀ ମହାପାତ୍ରଙ୍କ କାର୍ଯ୍ୟକାଳକୁ ୧ ବର୍ଷ  ପର୍ଯ୍ୟନ୍ତ ବୃଦ୍ଧି କରାଯାଇଥିଲା । ପରେ  ତାଙ୍କୁ ଓଇଆର୍‌ସି ଦାୟିତ୍ୱ ଦିଆଯାଇଥିଲା ।  ଏହା ପରେ ତାଙ୍କୁ ମୁଖ୍ୟମନ୍ତ୍ରୀଙ୍କ  ପରାମର୍ଶଦାତା ନିଯୁକ୍ତ କରାଯାଇଥିଲା ।  ସେହିପରି ବାଲକ୍ରିଷ୍ଣନ୍‌ ପୂର୍ବରୁ ରାଜ୍ୟ  ସରକାରଙ୍କ ଉନ୍ନୟନ କମିଶନର ଥିଲେ ।  ଅବସର ପରେ ତାଙ୍କୁ ମୁଖ୍ୟମନ୍ତ୍ରୀଙ୍କ  ପରାମର୍ଶଦାତା ନିଯୁକ୍ତ କରାଯାଇଥିଲା ।  ତ୍ରିପୁରାରେ ମୁଖ୍ୟ ଶାସନ ସଚିବ ଥିଲେ  ଓଡ଼ିଆ ଆଇଏଏସ୍‌ ଉପେନ୍ଦ୍ର ତ୍ରିପାଠୀ ।  ମାଣିକ ସରକାର ମୁଖ୍ୟମନ୍ତ୍ରୀ ଥିବା  ସମୟରେ ସେ ଗୁରୁତ୍ୱପୂର୍ଣ୍ଣ ଦାୟିତ୍ୱରେ  ଥିଲେ । ଅବସର ପରେ ସେ ଓଡ଼ିଶା  ଆସି ମୁଖ୍ୟମନ୍ତ୍ରୀଙ୍କ ପରାମର୍ଶଦାତା  ନିଯୁକ୍ତି ପାଇଥିଲେ । ଆଜି ୩ଜଣ ଯାକ  ପରାମର୍ଶଦାତା ତାଙ୍କ ପଦ ଛାଡ଼ିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.