ନୂଆଦିଲ୍ଲୀ,୯।୬: ଏକ ସମୟରେ ଗୋଟିଏ ରନୱେରେ ଉଡ଼ାଣ ଓ ଅବତରଣ କରିଛନ୍ତି ଦୁଇଟି ବିମାନ। ବଡ଼ ଧରଣର ଅଘଟଣରୁ ଅଳ୍ପକେ ବର୍ତ୍ତି ଯାଇଛନ୍ତି ଶତାଧିକ ଯାତ୍ରୀ। ମୁମ୍ବାଇର ଛତ୍ରପତି ଶିବାଜୀ ମହାରାଜ ଇଣ୍ଟରନ୍ୟାସନାଲରେ ଏହି ବଡ ଦୁର୍ଘଟଣା ଘଟିବାକୁ ଅଳ୍ପକେ ରକ୍ଷା ପାଇଯାଇଛି। ମାତ୍ର କିଛି ମୁହୂର୍ତ୍ତର ବ୍ୟବଧାନ ମଧ୍ୟରେ ଏପରି ଘଟିଥିବାରୁ ଶହ ଶହ ଯାତ୍ରୀ ଅଳ୍ପକେ ବର୍ତ୍ତି ଯାଇଛନ୍ତି।
Very Close call today at VABB. @IndiGo6E tries to land while an aircraft is still on the roll on RW27. #AvGeek pic.twitter.com/tbHsDXjneF
— Hirav (@hiravaero) June 8, 2024
ସୂଚନା ଅନୁସାରେ, ଗତକାଲି ଇନ୍ଦୋରରୁ ଇଣ୍ଡିଗୋ ବିମାନ ମୁମ୍ବାଇ ଆସୁଥିବା ବେଳେ ଏୟାର ଇଣ୍ଡିଆ ବିମାନ କେରଳର ଥିରୁଅନନ୍ତପୁରମ ଅଭିମୁଖେ ଯାତ୍ରା କରୁଥିଲା। ଏହି ଦୁଇ ବିମାନ ଗୋଟିଏ ରନୱେରେ ଉଡ଼ାଣ ଓ ଅବତରଣ କରୁଥିବାର ଭିଡିଓ ଏବେ ସୋଶାଲ ମିଡିଆରେ ଭାଇରାଲ ହେଉଛି। ଫୁଟେଜ୍ରେ ଦେଖିପାରିବେ ଯେ, ଏୟାର ଇଣ୍ଡିଆର ବିମାନ ଦ୍ରୁତ ଗତିରେ ଆଗକୁ ବଢୁଛି ଓ ଇଣ୍ଡିଗୋର ବିମାନ ପଛରେ ଲ୍ୟାଣ୍ଡ କରୁଛି।
ଘଟଣା ଶନିବାର ସକାଳର ବୋଲି କୁହାଯାଉଛି। ମୁମ୍ବାଇରେ ଛତ୍ରପତି ଶିବାଜୀ ମହାରାଜ ଅନ୍ତର୍ଜାତୀୟ ବିମାନ ବନ୍ଦରରେ ରନଓ୍ବେ ଉପରେ ବଡ ଦୁର୍ଘଟଣା ଘୁଞ୍ଚି ଯାଇଛି। ଇଣ୍ଡିଗୋ ଫ୍ଲାଇଟ୍ ୫୦୫୩ କୁ ରନଓ୍ବେ ୨୭ରେ ଅବତରଣ କରିବାର ଥିଲା, ଠିକ୍ ସେତେବେଳେ ଏୟାର ଇଣ୍ଡିଆର ବିମା ୬୫୭ ସେତେବେଳେ ଉଡାଣ ଆରମ୍ଭ କରିନଥିଲା। ଏୟାର ଇଣ୍ଡିଆର ବିମାନକୁ ଥିରୁଅନନ୍ତପୁରମ୍ ଅନ୍ତର୍ଜାତୀୟ ବିମାନ ବନ୍ଦରରେ ଉଡାଣ ଭରିଥିଲା। ଏହି ଘଟଣାର ଭିଡିଓ ମଧ୍ୟ ସୋସିଆଲ ମିଡିଆରେ ସାମନାକୁ ଆସିଛି। ଫୁଟେଜ୍ରେ ଦେଖିବାକୁ ମିଳିଛି, ଏୟାର ଇଣ୍ଡିଆାର ବିମାନ ରନଓ୍ବେରେ ଦ୍ରୁତ ଗତିରେ ଆଗକୁ ବଢୁଛି ଓ ଇଣ୍ଡିଗୋର ବିମାନ ପଛରେ ଲ୍ୟାଣ୍ଡ କରୁଛି। ତେବେ ଯେତେବେଳେ ଇଣ୍ଡିଗୋର ବିମାନ ଏୟାର ଇଣ୍ଡିଆ ବିମାନ ନିକଟରେ ପହଁଞ୍ଚିଥିଲା ସେତେବେଳେ ଉଡାଣ ଭରିସାରିଥିଲା। ଭିଡିଓ ଦେଖି ଜାଣି ହେଉଛି ଏହାଦ୍ବାରା ଏକ ବଡ ଦୁର୍ଘଟଣା ହୋଇପାରିଥାନ୍ତା।
