ମହାକାଳପଡ଼ା, ୨୪।୩: କେନ୍ଦ୍ରାପଡ଼ା ଜିଲ୍ଲା ତନ୍ତିଆପାଳ ସାମୁଦ୍ରିକ ଥାନ ଅଧୀନ ସୁନୀତା ଗ୍ରାମରେ ଅଭାବନୀୟ ଘଟଣା ଘଟିଛି । ନିଜ ଦୋକାନ ଘର ଭିତରୁ ଯୁବକଙ୍କ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର ହୋଇଛି । ତେବେ ଏହା ହତ୍ୟା କି ଆତ୍ମହତ୍ୟା ତାହା ଜଣାପଡ଼ିନାହିଁ । ତାଙ୍କ ସ୍ୱାମୀଙ୍କୁ ଅନ୍ୟ ମହିଳା ସହ ସମ୍ପର୍କ ଥିବା  ସନ୍ଦେହ କରି ଗ୍ରାମବାସୀ ହାତ ଗୋଡ଼ ବାନ୍ଧି ମାଡ଼ ମାରି ହତ୍ୟା କରିଛନ୍ତି ।

ଗତ ରାତିରେ ଗୌରାଙ୍ଗ କୁକୁଡ଼ା ମାଂସ ନେଇ ନିକଟସ୍ଥ ଗ୍ରାମକୁ ଭୋଜି କରିବାକୁ ଯାଇଥିଲେ । ଭୋଜି ଖାଇ ସାରିବା ପରେ ଗ୍ରାମବାସୀମାନେ ଗୌରାଙ୍ଗକୁ କାବୁ କରି ନେଇଥିଲେ । ଅନ୍ୟ ଜଣେ ମହିଳାଙ୍କ ସହିତ ପ୍ରେମ ସମ୍ପର୍କ ଥିବା ନେଇ ସନ୍ଦେହ କରି ଗୌରାଙ୍ଗଙ୍କ ହାତ ଗୋଡ଼ ବାନ୍ଧି ମାଡ଼ ମାରିଥିଲେ । ଗ୍ରାମବାସୀ କଙ୍ଗାରୁ କୋର୍ଟରେ ଦଣ୍ଡ ଦେବା ଓ ଶାରୀରିକ, ମାନସିକ ନିର୍ଯ୍ୟାତନା ସହିନପାରି ଆତ୍ମହତ୍ୟା କରିଥିବା ନେଇ ଜଣାପଡ଼ିଛି । ଦୋଷୀ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବା ପାଇଁ ଦାବି କରିଛନ୍ତି ମୃତ୍ୟୁ ଗୌରାଙ୍ଗଙ୍କ ପରିବାର । ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରି ତଦନ୍ତ ଆରମ୍ଭ କରିଛି ।