ଭୁବନେଶ୍ୱର,୦୨/୦୪: ରାଜ୍ୟର ସମସ୍ତ ସରକାରୀ ପ୍ରାଥମିକ ସ୍କୁଲ୍ରେ ମଙ୍ଗଳବାରଠୁ ପ୍ରଥମ ଶ୍ରେଣୀ ନାମଲେଖା ଆରମ୍ଭ ହେବ । ଏନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ଚିଠି କରାଯାଇଛି । ପ୍ରଥମ ଶ୍ରେଣୀରେ ନାମଲେଖା ପାଇଁ ବୟସ ଦ୍ୱନ୍ଦ୍ୱକୁ ଦୂର କରିଛି ପ୍ରାଥମିକ ଶିକ୍ଷା ନିର୍ଦ୍ଦେଶାଳୟ । ପୂର୍ବରୁ ଜାରି ଚିଠିକୁ ପୁଣି ଥରେ ସମସ୍ତ ପ୍ରଧାନଶିକ୍ଷକଙ୍କୁ ଲାଗୁ କରିବାକୁ ସିଆର୍ସିସି ଏବଂ ବ୍ଲକ ଶିକ୍ଷା ଅଧିକାରୀଙ୍କୁ କୁହାଯାଇଛି ।
ସୋମବାର ସିଆରିସିସିମାନେ ନିଜର ସ୍କୁଲ ଗ୍ରୁପମାନଙ୍କରେ ଗତ ବର୍ଷର ଚିଠିକୁ ସେୟାର କରି ଏହି ନିୟମ ଅନୁସାରେ ନାମଲେଖାଇବାକୁ କହିଛନ୍ତି । ଏହି ଚିଠି ଅନୁସାରେ ପ୍ରଥମ ଶ୍ରେଣୀ ନାମଲେଖା ପାଇଁ ବୟସ ସୀମା ୫ରୁ ୭ ବର୍ଷ ରଖାଯାଇଛି । ସେହିପରି ପ୍ରି-ପ୍ରାଇମେରୀ ସ୍କୁଲ୍ ନାମଲେଖା ପାଇଁ ବୟସସୀମା ୩ରୁ ୫ ବର୍ଷ ରଖାଯାଇଛି । ଆସନ୍ତାକାଲି ପ୍ରଥମରୁ ନବମ ଶ୍ରେଣୀ ସମେଟିଭ୍ ଆସେସ୍ମେଣ୍ଟ (ଏସ୍ଏ)-୨ ରେଜଲ୍ଟ ପ୍ରକାଶ କରାଯିବ ।
