ଶ୍ରୀନଗର,୧୪।୯: ଜମ୍ମୁ-କାଶ୍ମୀର ଅନନ୍ତନାଗରେ ଆତଙ୍କୀ ହମଲା ପରେ ଜାରି ରହିଛି କମ୍ବିଂ ଅପରେସନ ଜାରି। ସର୍ଚ୍ଚ ଅପରେସନ ସମୟରେ ଦୁଇ ଲଶ୍କର-ଇ-ତୋଏବା ଆତଙ୍କବାଦୀଙ୍କୁ ଘେରାଉ କରିଛନ୍ତି ସୁରକ୍ଷାକର୍ମୀ। ଗତକାଲି ଜିଲ୍ଲାରେ ୨ ସେନା ଅଧିକାରୀ ଓ ଜଣେ ପୋଲିସ ଅଧିକାରୀ   ସହିଦ ହେବା ପରେ ସ୍ଥାନୀୟ ଅଞ୍ଚଳରେ ସର୍ଚ୍ଚ ଅପରେସନକୁ କଡାକଡି କରାଯାଇଥିଲା। 

ଜମ୍ମୁ-କଶ୍ମୀର ପୋଲିସ   ଗୁରୁବାର କହିଛି ଯେ, ସେ ଅନନ୍ତନଗେ ଜିଲ୍ଲାରେ ଲସ୍କା-ଇ-ତୋଇବାର ଦୁଇ ଆତଙ୍କବାଦୀଙ୍କୁ ଘେରି ନେଇଛି। ଅନନ୍ତନଗରେ ଦିନକ ପୁର୍ବରୁ ହୋଇଥିବା ସଂଘର୍ଷରେ  ତିନି ଜଣ ଅଧିକାରୀ ସହିଦ ହୋଇଛନ୍ତି। କାଶ୍ମୀର ଜୋନ୍ ପୋଲିସ ଟ୍ବିଟରରେ କହିଛି, କର୍ଣ୍ଣଲ ମନପ୍ରୀତ ସିଂହ, ମେଜର ଆଶିଷ ଧୋନଚାକ୍ ଓ ଡିଏସପି ହୁମାୟୁନ ଭଟ, ଯିଏକି ଏହି ଅଭିଯାନ ବେଳେ ନେତୃତ୍ବ ନେଇ ସହିଦ ହୋଇଥିଲେ। ତାଙ୍କ ବୀରତ୍ବକୁ ଶ୍ରଦ୍ଧାଞ୍ଜଳି ଦେଇ ଆମ ସେନା ଉଜୈର ଖାନ୍‌ ସହିତ ଲସ୍କରର ଦୁଇ ଆତଙ୍କବାଦୀଙ୍କୁ ଘେରିବାର ଦୃଢ ସଂକଳ୍ପ ନେଇ ଅପରେସନ୍ ଆରମ୍ଭ କରିଥିଲା।

ଉଲ୍ଲେଖନୀୟ ଯେ, ଗତକାଲି ଜମ୍ମୁ କାଶ୍ମୀର ଅନନ୍ତନାଗ ଏବଂ ରଜୌରୀରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା। ଅନନ୍ତନାଗର କୋକେରନାଗ ଅଞ୍ଚଳରେ କିଛି ଆତଙ୍କବାଦୀ ଲୁଚି ଥିବା ଖବର ମିଳିବା ପରେ ଅପରେସନ ଆରମ୍ଭ ହୋଇଥିଲା। ସେନା ଓ ପୁଲିସ୍‌ ପକ୍ଷରୁ ମିଳିତ ଭାବେ ଏହି ଅପରେସନ କରାଯାଇଥିଲା। ଏ‌ଥିରେ ଆର୍ମିର ରାଜସ୍ଥାନ ରାଇଫଲ୍ସ ୟୁନିଟର କମାଣ୍ଡିଂ ଅଫିସର(କର୍ଣ୍ଣେଲ) ମନପ୍ରୀତ ସିଂହ, କମ୍ପାନୀ କମାଣ୍ଡର(ମେଜର) ଆଶିଷ ଧୋନଚାକ ଓ ଜମ୍ମୁ-କଶ୍ମୀର ପୁଲିସ୍‌ର ଡିଏସ୍‌ପି ହ୍ୟୁମାୟୁନ ସହିଦ ହୋଇଛନ୍ତି। ଗୁରୁବାର ସହିଦଙ୍କ ଶେଷକୃତ୍ୟ ସମ୍ପନ୍ନ ହେବା ପୂର୍ବରୁ ଦୁଇ ଲଶ୍କର-ଇ-ତୋଏବା ଆତଙ୍କବାଦୀଙ୍କୁ ଘେରାବନ୍ଦୀ କରିଛନ୍ତି ସୁରକ୍ଷାକର୍ମୀ।