ଭୁବନେଶ୍ବର ୩୦।୦୯ : ବଢୁଛି କର୍ପୋରେଟରଙ୍କ କଳି । ଏକାଠି ହେଲେ ୨୫ରୁ ୩୦ ବିଜେଡି କର୍ପୋରେଟର । ଏକ ବସ୍ ଯୋଗେ ପୁରୀ ଯାଉଥିବା ସୂଚନା ମିଳିଛି । ଏହି ପୁରୀ ଗସ୍ତର କାରଣ ଅସ୍ପଷ୍ଟ ଥିବାବେଳେ  ଏହାର ଭିଡିଓ ଖୁବ୍ ଭାଇରାଲ୍ ହେବାରେ ଲାଗିଛି । 

ଖବର ଅନୁଯାୟୀ, ଭୁବନେଶ୍ୱର ମହାନଗର ନିଗମରେ ଦିନକୁ ଦିନ ବଢିବାରେ ଲାଗିଛି ବିଜେଡି କଳି । ଗତ କିଛି ଧରି ତୁ ତୁ ମେଁ ମେଁ ଚାଲିଥିବାର ଖବର ଗଣମାଧ୍ୟମରେ ଚର୍ଚ୍ଚା ହେଉଥିଲା । ଆଉ ଏସବୁ ଭିତରେ ଏକ ଭିଡିଓ ଭାଇରାଲ ହୋଇଛି । ଯେଉଁଥିରେ ବିଜେଡି କର୍ପୋରେଟର ଅମେରଶ ଜେନା ଓ ବିରଞ୍ଚି ମହାସୁପକାରଙ୍କ ବିରୋଧୀ ଗୋଷ୍ଠୀଙ୍କ ପକ୍ଷରୁ ମେଳି ହୋଇଛି । ଏପିରିକି ଗୋଟିଏ ବସ୍ ଯୋଗେ ସମସ୍ତେ ପୁରୀ ଯାଉଥିବାର ମଧ୍ୟ ଦେଖିବାକୁ ମିଳିଛି । ତେବେ କେଉଁ କାରଣରୁ ପୁରୀ ଗସ୍ତ କରୁଛନ୍ତି । ତାହା ଏବେ ଯାଏଁ ଅସ୍ପଷ୍ଟ ରହିଛି । ଏନେଇ କୌଣସି ଦଳ କିମ୍ବା ବରିଷ୍ଠ ନେତାଙ୍କ ପକ୍ଷରୁ କୌଣସି ସ୍ପଷ୍ଟୀକରଣ ଆସିନାହିଁ । ତେବେ ଦେଖାଯାଉ ପୁରୀ ଗସ୍ତ ଟା ଖାଲି ଗସ୍ତ... ନା ଏହା ପଛରେ ଆଉ କ’ଣ ରହିଛି କାରଣ ?