ଭୁବନେଶ୍ୱର, ୪/୬: ଆଜିଠାରୁ ଆରମ୍ଭ ଯୁକ୍ତ ୩ ନାମଲେଖା ପ୍ରକ୍ରିୟା । ଛାତ୍ରଛାତ୍ରୀମାନେ ନିଜ ମନ ପସନ୍ଦର କଲେଜରେ ନାମଲେଖା ପାଇଁ ଆବେଦନ କରିପାରିବେ। samsodisha.gov.in ୱେବସାଇଟ ମାଧ୍ୟମରେ କରିବେ ଆବେଦନ। ଗତ ଶିକ୍ଷା ବର୍ଷରେ ରାଜ୍ୟରେ ମୋଟ ୧୦୪୭ଟି କଲେଜରେ ନାମଲେଖା ହୋଇଥିବା ବେଳେ ଚଳିତ ଶିକ୍ଷା ବର୍ଷରେ ରାଜ୍ୟରେ ସ୍ଵୟଂଶାସିତ ଏବଂ ଡିଗ୍ରୀ କଲେଜରେ ମୋଟ ୧୦୩୭ ଟି କଲେଜରେ ନାମ ଲେଖା ପକ୍ରିୟା ହେବ । ତେବେ ଚଳିତ ଶିକ୍ଷା ବର୍ଷରେ ୧୦ଟି କଲେଜ ନାମଲେଖା ପକ୍ରିୟାରୁ ବାଦ ପଡ଼ିଛନ୍ତି । ଅନ୍ୟପଟେ ଗତ ବର୍ଷ ଅପେକ୍ଷା ଚଳିତ ଶିକ୍ଷାବର୍ଷରେ କଲେଜରେ ସିଟ ସଂଖ୍ୟା ବୃଦ୍ଧି ପାଇଛି । 

୨୦୨୩-୨୪ ଶିକ୍ଷା ବର୍ଷରେ ୧୦୪୭ କଲେଜରେ ୨ ଲକ୍ଷ୍ୟ ୭୧ ହଜାର ୯୧ ସିଟ ରହିଥିବା ବେଳେ ଚଳିତ ଶିକ୍ଷା ବର୍ଷରେ ୨ ଲକ୍ଷ୍ୟ ୭୩ ହଜାର ୧୫ ଟି ସିଟ ରହିଛି । ଆଜିଠାରୁ ଆରମ୍ଭ ହୋଇ ଆସନ୍ତା ଜୁନ ୧୭ ପର୍ଯ୍ୟନ୍ତ ଛାତ୍ରଛାତ୍ରୀ ଆବେଦନ କରିପାରିବେ । ଜୁନ୍ ୧୮ ତାରିଖରୁ ୧୯ ତାରିଖ ମଧ୍ୟରେ ସିଏଫ ତ୍ରୁଟି ସୁଧାରି ପାରିବେ । ଜୁନ୍ ୨୫ ତାରିଖ ଅପରାହ୍ନ ୪ଟାରେ ପ୍ରଥମ ମେଧାବୀ ତାଲିକା ପ୍ରକାଶ ପାଇବ । ଜୁନ ୨୫ ତାରିଖରୁ ୨୮ ତାରିଖ ଯାଏଁ ସ୍ଲାଇଡ୍ ଅପ୍ସନ ଚୟନ କରିପାରିବେ ଛାତ୍ରଛାତ୍ରୀ । ଜୁନ୍ ୨୬ ତାରିଖରୁ ୨୯ ତାରିଖ ପର୍ଯ୍ୟନ୍ତ କଲେଜକୁ ଯାଇ ରିପୋର୍ଟ କରିବେ ଏହାପରେ ଜୁଲାଇ ୫ ତାରିଖ ଅପରାହ୍ନ ୪ଟାରେ ଦ୍ବିତୀୟ ପର୍ଯ୍ୟାୟ ମେଧାବୀ ତାଲିକା ପ୍ରକାଶ ପାଇବ । ଜୁଲାଇ ୬ ତାରିଖରୁ ୯ ତାରିଖ ପର୍ଯ୍ୟନ୍ତ ଦ୍ବିତୀୟ ପର୍ଯ୍ୟାୟ ନାମଲେଖା ରିପୋର୍ଟ କରିବେ । ଜୁଲାଇ ୧୫ ତାରିଖ ଅପରାହ୍ନ ୪ଟାରେ ତୃତୀୟ ପର୍ଯ୍ୟାୟ ମେଧାବୀ ତାଲିକା ପ୍ରକାଶ ପାଇବ ।