ପ୍ରମୂଖ ଖବର
  • ଅରବିନ୍ଦ କେଜ୍‌ରିଓ୍ବାଲ୍‌ଙ୍କୁ ଆଶ୍ୱସ୍ତି , ଅନ୍ତରୀଣ ଜାମିନ ପ୍ରଦାନ କଲେ ସୁପ୍ରମିକୋର୍ଟ
  • ||
  • ହେରାପଞ୍ଚମୀରେ ଆଧ୍ୟାତ୍ମିକ ପରିବେଶ: ନନ୍ଦିଘୋଷ ଭାଙ୍ଗିଲେ ମହାଲକ୍ଷ୍ମୀ, ଆଜ୍ଞାମାଳ ପାଇ ଶ୍ରୀମନ୍ଦିରକୁ ବାହୁଡ଼ିଲେ
  • ||
  • ପିଠିରେ ଯନ୍ତ୍ରଣା ଯୋଗୁଁ ଏମ୍ସରେ ଭର୍ତ୍ତି ହେଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ
  • ||
  • ଦିଲ୍ଲୀ ମଦନୀତି ସହ ମନି ଲଣ୍ଡରିଂ ମାମଲା, କେଜ୍‌ରିୱାଲଙ୍କ ପିଟିସନ ଉପରେ ସୁପ୍ରିମକୋର୍ଟରେ ଶୁଣାଣି
  • ||
  • ଆଗ ପଛ ହୋଇ ଆସିପାରେ ଦୁଇଟି ଲଘୁଚାପ: ୧୩ରୁ ବଢ଼ିବ ବର୍ଷା, ଦକ୍ଷିଣରେ ପ୍ରବଳ ଛେଚିବ
  • ||

ବେଆଇନ ବାଲି ଚାଲାଣ ଉପରେ ଚଢ଼ାଉ, ୩ ହାଇୱା ଓ ଗୋଟିଏ ଜେସିବି ଜବତ

ବୋରିଗୁମ୍ମା, ୨୩।୬: ବୋରିଗୁମ୍ମାରେ ବେଆଇନ ବାଲି ଚାଲାଣ ଉପରେ ଚଢ଼ାଉ । ଜୟପୁର ଡେପୁଟି ଡାଇରେକ୍ଟର ମାଇନ୍ସ ଏବଂ ଟିମ୍ ବେଆଇନ ବାଲି ଚାଲାଣ ଉପରେ ଚଢ଼ାଉ କରିଥିବା ଜଣାପଡ଼ିଛି । ଚଢ଼ାଉରେ ୩ଟି ହାଇୱା ଏବଂ ଗୋଟିଏ ଜେସିବି ଜବତ କରିଛି ଟିମ୍ । 

ସୂଚନା ଅନୁଯାୟୀ ବୋରିଗୁମ୍ମା ବ୍ଲକ ସାନ ଇନ୍ଧାନପୁର ନଦୀରେ ବିନା ଟେଣ୍ଡରରେ ବେଆଇନ ଭାବେ ଅନେକ ଦିନ ଧରି ରାୟଗଡ଼ା ଜିଲ୍ଲା ପଦ୍ମପୁର ଅଞ୍ଚଳର ସରୋଜ ପାଢ଼ୀ ନାମକ ଜଣେ ବ୍ୟକ୍ତି ବାଲି ଚାଲାଣ କରୁଥିଲେ । ଅନେକ ଦିନ ଧରି ଗ୍ରାମବାସୀ ବିରୋଧ କରି ଆସୁଥିଲେ ବି ପ୍ରଶାସନ ଓ ରାଜନେତାଙ୍କ ଛତ୍ରଛାୟାରେ ସରୋଜ ପାଢ଼ୀ ପ୍ରତ୍ୟେକ ଦିନ ଟ୍ରକ ଟ୍ରକ ବାଲି ଚାଲାଣ କରୁଥିଲେ । ନଦୀ ଘାଟରେ ଜେସିବି ଲଗାଇ ବାଲି ସଂଗ୍ରହ କରି ବାହାର ଅଞ୍ଚଳକୁ ଚାଲାଣ ହେଉଥିଲା । 

କୌଣସି ସୂତ୍ରରୁ ଖବର ପାଇ ଜୟପୁର ଷ୍ଟିଲ ଆଣ୍ଡ ମାଇନ୍ସ ବିଭାଗର ଅଧିକାରୀ ଏବଂ ବି ସିଂହପୁର ପୋଲିସ ମିଳିତ ବାଲି ଘାଟ ଉପରେ ଚଢ଼ାଉ କରିଥିଲେ । ସେହି ସ୍ଥାନରୁ ତିନୋଟି ବାଲି ବୋଝେଇ ହାଇୱା ଏବଂ ଗୋଟିଏ ଜେସିବିକୁ ଜବତ କରି ବି ସିଂହପୁର ଥାନାରେ ଜିମା ଦେଇଥିଲେ । ବାଲି ଚାଲାଣ କରୁଥିବା ମାଲିକଙ୍କଠାରୁ ୧୫ ଲକ୍ଷ ଟଙ୍କା ଜରିମାନା ଆଦାୟ କରାଯିବ ବୋଲି ଡେପୁଟି ଡାଇରେକ୍ଟର ମାଇନ୍ସ ଅଧିକାରୀ କହିଛନ୍ତି । ଆଗାମୀ ଦିନରେ ସମସ୍ତ ବେଆଇନ ବାଲି ଘାଟ ଉପରେ ଚଢ଼ାଉ କରାଯିବ ବୋଲି ମଧ୍ୟ କହିଛନ୍ତି ଅଧିକାରୀ ।

 

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.